lalyleee

عضو مشارك
#1

انا عندى استفسار واتمنى ربنا يجازيكم خير تساعدونى وتردوا على سؤالى

انا عندى شقه وعايزه ااجرها , فازاى اضمن حقى فيها بحيث ان المستاجر مايخدهاش منى بوضع اليد مثلا
واضمن ازاى انه يدفع الايجار الشهرى ومايقطعهوش واضمن انه يمشى وقت ماانا عايزه
وايه الاجراءات يعنى التامين وكده


كمان سؤال انا دلوقتى الشقه محتاجه تغيير كهربا وشوية توضيبات بسيطه فى الحمام بس باقى الشقه متوضبه ونضيفه جدااا
السؤال هل المستاجر عليه هو التوضيبات دى لو هو اللى عايز يغير ولا علينا
ولو وضب هل من حقه انه يخصم تمن التوضيبات من الايجار ولا العمليه بتكونت ازاى

وسمعت ان المستاجر بيكتب على نفسه وصل امانه ممكن اعرف ليه؟ وهل فيه خطر على المستاجر من وصل الامانه ده يعنى ممكن المؤجر يستغل الوصل ده فى حاجه تانيه غير انه عايز المؤجر يسيب الشقه مثلا
لان اللى حصل ان شقتى اللى عايزه ااجرها اتسرقت وانا متغربه واضطر والدى فى يومها انه ياجرلى شقه تانيه قريبه من بيت اهلى انقل فيها باقى عفشى ومضى العقد وكتب على نفسه وصل امانه لصاحب الشقه اللى اجرتها, فعايزه اعرف هو موضوع وصل الامانه ده من اساسيات عملية الاجراءات للتاجير ولا ده عشان ماكتبناش العقد عند محامى لاننا كنا مستعجلين جداا لان اى تاخير كان ممكن يبقى خطر على بقية حاجتى اللى اتبقت بعد عملية السرقه
وميرسى قووووى وربنا يخليكم يارب
 

gamal gamal

محامى ومستشار قانوني
#2
عليكم السلام

الأصل أن التوضيبات على المالك
الا اذا تم الاتفاق على غير ذلك مع
المستأجر ....

أما بالنسبة لأفضل الضمانات القانونية
على الإطلاق الآن في مصر للمالك
الذى يريد أن يؤجر شقته لآخر هو أن ::
وضع الصيغة التنفيذية على العقد ::::::

ويتم ذلك في الشهر العقارى المختص ...

وهذه الطريقة تمكنك من طرد المستأجر
في نهاية المدة بدون حكم قضائى ....

أما

لجوء بعض الملاك الى الحصول على إيصال
أمانة على بياض من المستأجر فهى وسيلة
لحفظ حق المالك ... وبالرغم من ذلك فمن
الممكن أن تدخله في مشاكل لا حصر لها
مع المستأجر ....

وأنا عن نفسى لا أفضلها مطلقا ....
 

lalyleee

عضو مشارك
#3
ميرسى جدااا لحضرتك وعلى ردك , وللاسف بابا خلاص مضى وصل الامانه لصاحب الشقه اللى اجرناها منه ,بس عامة هو طبيب وصاحب العماره وسمعته كويسه فيااارب نايجيب مشاكل لان بصراحه موضوع سرقة شقتى خلانا مش عارفينت بنعمل ايه
والف الف شكر لحضرتك
 

gamal gamal

محامى ومستشار قانوني
#4
تم الرد هنا

http://www.damasgate.com/vb/t/280022/

ورجاء عدم تكرار السؤل ...

وكان الرد بالآتى ::

عليكم السلام

تحرير عقد إيجار من جانب والدكم
لا يحتاج إلى توكيل في هذا الشأن ...
لأنه يجوز الإيجار من غير مالك .....
ويغتبر سكوت المالك موافقة منه على
هذا الإيجار ............

وأنصحك بعقد إيجار عادى للمدة التى تحددونها
ويمكنكم تضمينه شرط جزائى

بأنه في حالة إنتهاء عقد الإيجار يتك تسليم الشقة فورا وأى تأخير في التسليم
من جانب المستأجر يستحق المؤجر مبلغ ألف جنيها عن كل يوم تأخير عن الإستلام .
وهذا الشرط نهائى ولا يخضع لرقابة القضاء المصرى لأنه تم برضاء الطرفين ولا يجوز
العدول عنه مطلقا لأى سبب من الأسباب . مع أحقية المؤجر في إنهاؤ العقد في نهاية
مدته في جميع الأحوال .

وأحذرك من عقد الاستضافة ::::::::
لأن الاستضافة قانونا لا يجوز المطالبة بأجر أو إيجار عنها !!!!!!!!!!!!!!!!!
وهذا واضح من اسمها .. كما أن إنهاء الاستضافة عند الخلاف لا يكون الا بحكم
قضائى نهائى ...........

والأفضل عقد إيجار مزيل بالصيغة التنفيذية في الشهر العقارى كما قلت لكم ...
 

أعلى