safy_99

عضو مشارك
#1
ورحمه الله وبركاته :
هناك محل كنت فاكر ان والدى مستأجره من صاحب ملك لانه كان بيدفع الايجار بس الوصل كان بيطلع بأسم واحد تانى وانا مكنتش عارف هو ليه الايصال مش مكتوب بإسم والدى , ولكن بعد وفاة والدى ظهر هذا الشخص وقال ان المحل ده بتاعه هو وانه هو المستأجر الحقيقى وانه كان سايب والدى قاعد فيه ويستفاد منه بشرط ان والدى يدفع الايجار , وانه دلوقتى هو عايز يسلم المحل للمالك ويأخذ منه فلوس !!!
انا رجعت للورق اللى معانا ووجدت ان هناك عقد ايجار بأسم والدة هذا الشخص " فتحية" وانها كانت مع ابى شريك فى المحل وهناك رخصة للمحل دائمة مكتوب فيها ان : المرخص اليه هو فتحية ومكتوب فى نفس الرخصة تحت : التغييرات التى طرات على المرخص اليه ان المرخص اليه الجديد هو انا محمد وعنى والدى على اساس انه والى .
- وفيه ورقة برضه موثقة انها " فسخ عقد شركة تضامن الى شركة توصية بسيطة" بين 1- فتحية وعنها ولدها ولى .
2- وانا محمد وعنى والدى المتوفى كوالى .
وان تمت المحاسبة بين الطرفين .
- وفيه ورقة مكتوب عليها " عقد شركةتوصية بسيطة" بين فتحية وولدها وكيلا عنها . وبينى انا محمد ووالدى وكيلا عنى .
- وفيه ورقة مكتوب فيها "اقرار تنازل وقبول" ومختومه بختم الجمهورية ومكتوب فيها ان فتحية قد تنازلت لى انا محمد عن الرخصة
- وفيه ورقة مكتوب فيها " فسخ عقد شراكة" بين فتحية وانا محمد , واننا اتفقنا على
ان تؤؤل العين مقرالشركة وتصبح للطرف الثانى وهو انا محمد ويقر الطرف الاول باحقية الطرف الثانى فى مقر العين امتدادا لعقد الايجار وان يقوم الطرف الثانى بدفع الايجار ويتحمل كافة الاعباء .
 

gamal gamal

محامى ومستشار قانوني
#2
عليكم السلام

طبقا لما ذكرته فأنت المستأجر الحالى للمحل
وحدك دون سواك ...............
 

safy_99

عضو مشارك
#3
بارك الله فيك اخى الكريم ووسع رزقك ان شاء الله
يعنى حضرتك المحل انا اعتبر المستأجر الوحيد , طيب صاحب الملك يقول اننى لست المستاخر لان عقد الايجار الذى معه به اسم هذا الشخص وبذلك يعتبر هذا الشخص هو المستأجر على الرغم من ان والدى الذى كان يدفع الايجار ويحصل على الوصل من سنة 94 ونحن لدينا كل الورق اصول وهذا الشخص ليس لديه شئ .
والظاهر ان صاحب الملك اتفق معا هذا الشخص واخذ منه ايجار شهر واعطاه الوصل وعندما ذهبت لصاحب الملك لكى اعطيه الايجار , قال لى انه حصل على الايجار من المستأجر الحقيقى واعطاه الوصل واخبرنى انه لن يحصل على ايجارات منى بعد ذلك .
ما هى الخطوات القانونية لكى ابدا فى التصرف فيها .
 

gamal gamal

محامى ومستشار قانوني
#4
اعرض الايجار بموجب انذار عرض
على يد محضر لكى يكون موقفك
القانونى سليم ................
 

أعلى