batalhima

عضو جديد
التسجيل
17/9/12
المشاركات
16
الإعجابات
1
#1
المستشارين المحترمين الأفاضل،،،
يا رب تكونوا بخير وفاكريني، أنا حصل جديد مع نصائحكم الغالية وإليكم:
1- تزوجت وطلقت من 2009.
2- في 2012 جددت البطاقة بأعزب.
3- بعد نصيحتكوا بحثت في 2012 ملقيتش على الكمبيوتر قيد زواج، بس لقيت طلاق فقط.
4- بعد نصيحتكوا تاني بحثت في المحكمة نفسها ملقيتش قيد زواج من الأساس، والمأذون كان زمان أخد مني أصل ورقة الزواج بالخدعة.
5- دلوقتي بعد أما عملت قيد عائلي، رحت أعمل فردي، قالولي ملكش زواج عندنا. قمت كمان مطلع القيد الفردي أعزب. من الآخر الحكومة مش شايفة غير كده وعاوزة كده رسمي.

السؤالين الله يكرمكم:
1- بطاقتي وقيدي الفردي أعزب، وبرقمي القومي مفيش غير كده، وأنا نويت حياتي أكون مصر إني عمري ما تزوجت، فيه مشكلة؟؟؟
2- أية نصائح تأمينية ليا أو حاجة أخلي بالي منها؟؟ أنا عن نفسي حانكر إن ...... الظاهر باسمي قسيمة طلاقي إنه أنا، في حاجة أخلي بالي منها؟؟
3- هي الداخلية فعلا قبل ما تطلع القيد الفردي كشفت على رقمي القومي؟ لأني مستغرب إزاي طلع أعزب! حد عنده فكره هما بيشتغلوا إزاي بالضبط وإيه باين عني عندهم؟؟؟

مع تقديري الكبير
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#2
عليكم السلام

بالطبع فاكرينك يا غالى .....

وسيتضح لك حجم هذه المشكلة عندما
يتم تحليل هذه المعلومات عند تحديث
البيانات الخاصة بك في البطاقة القومية الجديدة
إذ أنهم يجددون لبيانات كل مدة ( من 7 الى 10 سنوات )
وساعتها ستضطر الى مواجهة هذه المشكلة .......
أووو العكس تواجه هى ( من تزوجت بها ( هذه المشكلة لكون
طلاقها ثابت ) دون عقد الزواج ) .........
واذا أنجبت هى ولد سيواجه هذا الولد هذه المشكلة في حالة
استصدار قيد فردى للتجنيد أو خلافه ..........
المهم
ستبقى المشكلة معلقة حتى تواجه أتباعكم في المستقبل
لا محالة .................
وليس لها حل الا دعوى اثبات زواج ويسجل على الكمبيوتر
وستتذكر كلامى هذا - ختما لا محالة - عندما تواجه هذه المشكلة ....

وأترك الموضوع للتواصل مع اخواننا في المنتدى
وخاصة من حاولا الحصول على قيد عائلى لهم ...
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#3
تم المراد يا غالى .....
وجل من لا يسهو ........
 

batalhima

عضو جديد
التسجيل
17/9/12
المشاركات
16
الإعجابات
1
#4
سيادة المستشار الكريم
شكراً للرد. كلامك منطقي جداً ومقلق جداً جداً وأنا حأحاول أكون منطقي.

بالنسبة للبنت الله يسهلها مكنش في دخول أساساً ولا أولاد.
بالنسبة للمستقبل مع أولادي أكيد حيلاقوا طلاق لي من غير زواج وفعلاً جيغلبوا الله يسهل لهم بقى :)
حيرتني كتير، يعني سعادتك بتقول حيحللوا البيانات، ويشوفوا تضارب، طب أنا ذنبي إيه نصب المأذون والبهوات سجلوا الطلاق بس..

المهم بالنسبة ليا، إيه أقصى حاجة ممكن تحصل مع تجديدي للبطاقة وأنا رايح أغير محل الإقامة مثلاً، أو رايح أغير حالتي الاجتماعية بعد زواجي من تانية؟ أروح بقلب جامد ولا هل رأي سعادتك إني أستنيى لما تقرب تخلص وأروح أعمل بدل فاقد عليها ببياناتها زي ما هي والسلام؟

مع شكري
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#5
تغيير بياناتك سيسير ان شاء الله بيسر وسهولة
ولكنى أنبهك فقط الى ما قد يحدث في المستقبل .
ولكن
جمد قلبك وجدد أوراقك ولكن قبل انتهاءها بوقت كاف
وان واجهت هذه المشكلة
ساعتها سيكون هناك حلول ان شاء الله ....
 

batalhima

عضو جديد
التسجيل
17/9/12
المشاركات
16
الإعجابات
1
#6
الرجل الطيب والمستشار الفاضل الأمين
شكراً للرد
بإذن الله بعد نصايحك الغالية أنا من الآخر حروح بكره صباحاً وأحاول أطلب تعديل بيانات البطاقة مع قسيمة الطلاق عشان ألغي أعزب
وبعدها حاقطع القيد الفردي إللي طلع أعزب وعمري ما حاستخدمه
وبكده إن شاء الله أكون منضبط 100%
كل الموضوع إني مش حأقدر أطلع قيد فردي عشان معيش زواج+طلاق وده أساساً أنا مش محتاجه في حاجه

كتر ألف خيرك طمنتني
حابلغ حضرتك بالتطورات إن شاء الله

مع شكري الكبير قوي............
 

batalhima

عضو جديد
التسجيل
17/9/12
المشاركات
16
الإعجابات
1
#7

مستشارنا الكبير يا رب تكون بخير

رحت إنهاردة سحبت استمارة عشان أعدل الحالة الاجتماعية في البطاقة قالولي إنت كده مخالف، وبعتوني عشان يتعملي محضر روتيني في إدارة المباحث الجنائية بالدور الثالث في الأحوال المدنية في العباسية، وبعد شكليات وتحقيق صوري سحبوا البطاقة وإدوني ورقة مختومة عشان أطلع واحدة تانية- أنا أنصح أي رجل أو ست مخالفين يروحوا فوراً ميتأخروش أو يخافوا ويصححوا وضعهم، الناس هناك ذوق بجد والموضوع مجاناً-- بعد كده رحت الحمد لله كملت التقديم بالاستمارة الأولى وكله تمام إن شاء الله خلال أيام تطلع لي على إني مطلق.

رجعت البيت قطعت القيد الفردي إللي طلع ليا أعزب.

هل بكده يا باشا أبقى- ويا ريت تأكد ليا- قانوني 100% ومفيش عندي ورقة مخالفة، ولا عمري استخدمت لا بطاقة ولا قيد فردي مخالف فيه في أي جهة أو إجراء؛ أنا كده تمام يا ريس؟؟؟؟؟

كله بتوجيهاتكم كتر خيركم؛ دلوقتي سؤال أنا تقريباً عارف إجابته، أنا مش حعرف أطلع القيد الفردي مطلق لأني معنديش ما يثبت الزواج لا ورق ولا مميكن، ولا بتمشي من غير قسيمة الزواج وليها مخرج؟؟ رجاء الإفادة.

مع احترامي ودعواتي........
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#8
تمام يا غالى
والأفضل ما فعلت فلا يوجد شىء
في الدنيا يستحق أن يجعل الشخص
متخوف من شىء .......

وحاول أيضا أن تستصدر قيد فردى
الآن لننظر ماذا سيحدث ....
 

batalhima

عضو جديد
التسجيل
17/9/12
المشاركات
16
الإعجابات
1
#9

مستشارنا الفاضل
كتر خيركم على الوقفة والتوجيه
حأسعى فيه إن شاء الله أول ما استلم البطاقة الأسبوع القادم وأعلمكم بالجديد

شاكرين الفضل وربنا يوفقك
 

batalhima

عضو جديد
التسجيل
17/9/12
المشاركات
16
الإعجابات
1
#10
مستشارنا الفاضل
بفضل الله استلمت البطاقة انهاردة وخانة الحالة الاجتماعية فارغة
ما شاء الله لا قوة إلا بالله اللهم لك الحمد
ورحت في العباسية عشان القيد الفردي لأن أنا طلعت العائلي
طلعوا بيبصوا على حالتك رأساً من البطاقة ويكتبوا الحالة بس
لا تاريخ زواج ولا طلاق ولا تاريخك فميلزمش قسائم
فأخدت القيد الفردي كمان بفضل الله
أنا قلت تفاصيل كتير في مشاركاتي هنا عشان أنفع معاك أي حد في حالتي وعاوز يطلع الورق أو يصلحه

كده أنا مدرك إنه بس الموضوع لما أكبر إن شاء الله إن كان ليا عمر وحب حد من أسرتي يطلع لي قيد عائلي حيحتاج قسيمة زواجي الأول
يبقى ربنا يحلها من عنده وقتها إن شاء الله

كده أنا قانوني 100000000000000000% بفضل الله ثم توجيهاتك يا راجل يا طيب

كتر خير سعادتك

سؤال أخير: هو ورق الجيش والمحاكمة للمتخلفين المقيمين داخل مصر تجوز أبداً من غير حضور وبموجب توكيل لمحامي؟؟ ولا ده ممنوع بالكلية؟؟

في حفظ الله
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#11
وفقك الله أخى الكريم
وهذا الوضع الآن اصبح مريحا جدا ...

أما بالنسبة للتجنيد والمحاكمة فيمكنك
مباشرتها بنفسك بشرط أن تتأكد من
موقفك وكونه قانونا تماما ثم تباشر
الاجراءات بنفسك دون مشاكل ....

واللجوء لمحام يكون في حالة ظهور
مشاكل فقط ..............
 

batalhima

عضو جديد
التسجيل
17/9/12
المشاركات
16
الإعجابات
1
#12
مستشارنا الغالي

شكراً ثم الشكر بعد الشكر موصول لكم على النصيحة والتوضيح

في رعاية الله وحفظه
 

أعلى