heba81

عضو مشارك
#1

اولا اشكركم على الموقع الجميل ده , مكنتش اتوقع انى ممكن ادور فى القانون او يكون ليا قضية فى محكمة المهم انا اتجوزت كبيرة 30 و حملت فى اول شهر لكن المشاكل بدات بعد اسبوعين لما اكنشفت انو شخص مادى و منافق و شكاك و حاطط انى مهندسة فى دماغة
حصل طلاق رجعى يوم سبوع ابنى و نزلت من البيت هو غير المفتاح و فضل يماطل فى الوقت علشان اتفقنا على الطلاق هو كان دائم تهديد بالطلاق لحد ما راح اهلى يكلموا معاه لقوه مفضى الشقة و سلمها كانت ايجار جديد البواب قال بقالوا اسبوعين بينزل الحاجة رحت عملت محضر بس و احنا مش عاملين قايمة
و رفعت قضية نفقة و طلاق للضرر طبعا هو مبيصرفش مع العلم انه بيعمل فى الخارج شهر و شهر و بيقبض كويس جدا , حاولنا نكلم والده اى حد علشان احنا مش بتوع الكلام دة بس لا حياة لمن تنادى و قالنا انو خد العفش فى حتة امان و بيساوم عليه اتنازل عن كل حاجة علشان يطلقنى قولت لا هحاول فى المحاكم
رفع عليا طاعة مرتين واحدة فى البحيرة و كاتب انه يعمل فى ليبيا و واحدةبعدها بشهرين فى دمنهور و عمل محضر تبديد ضدى و كتب فى العنوان اللى كنا عايشين فيه فى القاهرة و كمان رسالة تهديد بعتهالى على الموبيل بالفرانكو اراب
اعترضت على الطاعة و عملت تسوية
دلوقتى معيش قايمة لاكن معايا فواتير ذهب هعرف اجيب حاجتى ؟ و هل انذارات الطاعة دى تسبت الضرر ؟ و عندى شهود عليه وانو ماشى مع واحدة تانيه و بداؤا يديقونى فى محل عملى بتليفونات
عاوزة طلاق و حقى و حقى ابنى مش هتنازل عنة هاخد سنين فى المحاكم؟
اسفة على الاطالة
شكرا و ربنا يجازيك كل خير ان شاء الله
 

gamal gamal

محامى ومستشار قانوني
#2
عليكم السلام

مسألة المنقولت الزوجية يمكنك رفع دعوى
مطالبة لها أمام محكمة الأسرة وإن شاء
الله تأخذى حكم عليه بتسليم قائمة المنقولات
أو قيمتها ....... وهذا ممكن وصدرت به أحكام
فى مواضيع مشابهه .

وأهم حاجة تعترضى على الطاعة فى مواعيدها وترفعى
دعوى اعتراض مع التسوية فى خلال 30 يوم من ورود
انذار الطاعة اليك ..........
والقاضى هو الذى سيفصل بينكم بعد سماع دفاع كل منكم ...
 

heba81

عضو مشارك
#3
استاذ جمال عملت كل الى قولته و حضرت فى محكمة الاسره الاعتراضات
بعتلى انذار جديد على شغلى فى البوسطة المحامى بتاعى بيقول ده بيضيقك ده مش انذار
و جالى كمان جواب لحضور جلسة للحكم فى منعى من السفر و انا مستلمتش جواب لاول جلسة اصلا
هو ممكن يمنعنى من السفر انا و ابنى هل فى طريقة ان ده ميحصلش

ممكن حضرتك تقولى ايه ممكن يتعمل . ربنا يباركلك يا رب
هو القانون مديلو الحق انو يبهدل بنات الناس كدة طب انا المحامى بتاعى محترم و ماشى قانونى لكن هو لا ممكن ارد ازاى بثغرات القانون و لو فى محامى فى اسكندرية دلنى عليه

شكرا
 

heba81

عضو مشارك
#4
ممكن اعرف اتعاب المحاماة بتكون ازاى يعنى امتى اديلو فلوس و كلها تقريبا كام
 
Hany Adel

Hany Adel

محامى ومستشار قانوني
#5
هذا انسان مش محترم بالمره
وسيجازيه الله بظلمه






..
.
 

gamal gamal

محامى ومستشار قانوني
#6
أتعاب المحاماه تختلف من محام الى آخر
هلى حسب خبرة كل منهما ....
وعموما يمكنك مقابلة أخوما المستشار
هانى عادل بما أنه من الإسكندرية لمنافشة
الأمر بالمستندات ............
أو ارسال رسالة خاصة له ........
 

أعلى