ahmedmyangel

عضو مشارك
#1
انا كنت ديما اسئل حضرتك هنا والحمد لله

انا خدت شهادة اعفاء مؤقت كونى عائل لوالدتى لحين انتهاء اخويا من الدراسة
"دى اخر سنه لأخويا"

مكتوبلى فيها اتقدم بعد زوال السبب او البلوغ 29 ايهما اقرب وطبعا السبب هيزول بامر الله كمان 9 شهور عشان هيكون اخد شهادته.


انا مش عاوز اتقدم فى حين زوال السبب وعاوز استنى لما اعرف موقفه من التجنيد بحيث لو دخل الجيش اقدم اوراقى على انه فى الجيش وانا العائل.واخد اعفاء لحد ما يخلص جيش

او لو طلع فى الارجاء خد تحت الطلب 3 سنين اقدمله فى جامعة عمالية وامدها على اساس انه بيدرس لسه.



هل هيقبلوا ورقى فى الحالتين ويدونى اعفاء سواء لانه فى الجيش او لانه هيقدم فى جامعة عمالية خصوصا إن انا متقدمتش خلال 30 يوم من زوال السبب ولا هيعتبرنى متخلف وادخل؟


اتمنى تجاوبنى ومتسالنيش ليه مش عاوز تتقدم فى حين زوال السبب.هو فى الغالب مش عاوز اعمل إجرائات التجنيد سواء كشف وطوابير واوراق.وعشان لو قدمت بعد زوال السبب هقدم معاه فى دفعة غير دفعتى لان انا نص تانى وهو نص اول وبالتالى احتمالية دخولى كبيرة خصوصا انى ميكانيكا انتاج والقسم ده بيتاخد ديما.فمش عاوز يحصلى مشاكل لو قررت مدخلش الجيش لو منفعش الموضوع ده خصوصا ان سنى وقتها هيبقى 27 سنه ومش فارقه كتير الانتظار لسن 30.
 

gamal gamal

محامى ومستشار قانوني
#2


زوال السبب يوجب عليك التقدم فى موعج
أقصاه ثلاثون يوما منه .
التقدم بعد زوال السبب قى خلال 3 شهور
لا توجد فيه مشكلة أيضا الا سنة زيادة
وترفع بالسبوك الحسن ....

أما عدم تقدمك فى حينه فيجعل منك متخلفا عن
التجنيد ... وبالتالى تسقط جميع المزايا عنك ...

لذا

يجب عليك التقدم مع أخوك بعد زوال السبب
وهم من سيحددون من سيدخل الخدمة ومن
سيتم تأجيله ......
 

ahmedmyangel

عضو مشارك
#3
مهو انا بسئل على انه بعد زوال السبب ب30 يوم ممكن يكون هو اخد تاجيل 3 سنين وقدم فى جامعة عمالية فبالتالى السبب رجع تانى قائم انه بيدرس بس فى مكان اخر .هل يحق ليا اعمل اعفاء مؤقت (وليس التقدم للتجنيد كإرجاء وما شابه)؟


او ان يرجع السبب تانى انه فى التجنيد ومش هيقدر يشتغل ويعول والدتى وبالتالى هيكون ده بردو سبب انى خد الشهادة حتى لو زال 30 لان هناك سبب للحصول عليها؟؟؟؟

اتمنى حضرتك تكون فهمت سؤالى انا مش بسئل على ظروف التقديم العادية (الكشف الطبى والارجاء)انا بسئل على انى اقدم عائل لوالدتى بردو بعد زوال السبب الاول ب30 يوم .لوجود سبب تانى ظهر بعد 3 يوم من السبب الاول
 

gamal gamal

محامى ومستشار قانوني
#4
أيوه يا غالى

اطلعت على ما كتبته
ورأيته غير صحيح
بالمرة . هلشان كده
نصحتك بالحل الوحيد لك ......

ومش لا زم أقولك أن التعليم
المفتوح لا يؤجل التجنيد !!!

ومش لزم اقول لك أنه لو دخل
الخدمة ستكون أنت متخلفا أيضا

لأنك لا بد وأن تقدم معه فى نفس الوقت
والا كنت متخلفا ...............

أخيرا : اما أم تقدم نفسك فى موعدك
أو تكون متخلفا ...............
 

345muhammed

عضو مشارك
#5
طيب معلش ممكن اسال حضرتك:
انا لو اصبحت متخلفا ايه الضرر عليه وانا لسه تحت سن ال 30
لان لو بقيت فوق ال 30 بدفع غرامه علي حسب ماسمع لكن تحت ال 30 مش لاقي حد يفيدني
 

m.abdrabboh

عضو مشارك
#6

لو سمحت انا كنت واخد تأجيل مؤقت لكونى العائل الوحيد لأمى حتى بلوغ 29 سنة أو زوال السبب وسافرت ولم ارجع وانا دلوقتى 32 سنة و نصف ووالدتى توفت من 4 شهور.
ما الوضع لو رجعت مصر؟ ارجو الافادة
 

أعلى