mhussein

عضو مشارك
#1
السلآم عليكم أستاذنا الفاضل ومستشارنا الكريم
انا كنت فى الجيش دفعة 4 / 2011 ..
وكان عندي كهربا زيادة على المخ ومقلتش فى الكشف..وبعد ما لبست فى سلاح الداخلية قوة اساسية شئون ادارية تعبت..ووقعت اكتر من مرة ولما رحت كشفت حولوني مستشفي الخانكة للتأكد من الى عندي...
ومستشفي الخانكة اعدتني هناك 15 يوم فى المبني العسكري..وطلعت بتقرير بيقول انى عندي كهربا زيادة..
ولما رجعت معسكر مبارك حولوني على لجنة الرفد ومنعونى من السلاح والخدمة لحين العرض على لجنة الرفت الطبي..ورحت اكتر من مرة وكانو بيأجلوها وكنت باخد اجازات 15 يوم وتتجدد مع ميعاد العرض التالى على اللجنة وفى شهر 7.2011 زاد التعب عندي وبقيت بروح اكشف فى المستشفيات واتعالج لأن التعب زاد جدا فى الفترة دى ومن ساعتها وانا متغيب ومروحتش لجنة الرفت بس معايا تقارير طبية بالراحة والتعب واشعة وكلها من مستشفيات حكومي مختومة تثبت انى خاضع للعلاج الدوائي...وعاوز اخلص موضوع الجيش وسألت كزا حد فى الى بيقولى انى هروح اتحبس واتحاكم وانا تعبان وفى الى بيقولى هتروح هيحولوك على القومسيون وهما هيحجزوك تانى او هيعملولك اشاعات يشوفو الكلام صح ولا لا وفى الى بيقولى هتروح تتحبس ست شهور...وفى الي بيقولى لازم محامي معاك انا مش عارف اعمل ايه وخايف اروح...مع العلم انى كنت 100% خارج من الجيش بس التعب الشديد هو الى خلانى مروحش تانى ياريت حضرتك تفيدني بالى ممكن يتم معايا سيدي الفاضل
ولحضرتك جزيل الشكر :)
 

mhussein

عضو مشارك
#2
هما فين المستشـآرين ارجو الرد ضروري.....أستاذ هـآ’ني او أستاذنا الفضيل الجمل :)
 

mhussein

عضو مشارك
#3
هو ليه مفيش حد بيرد عليا...!؟ أين مشرفين القسم ضروري..محتاج الردود..!
 

gamal gamal

محامى ومستشار قانوني
#4
عليكم السلام

الأفضل أن تتابع معهم مرة اخرى يا غالى
وحالتك المرضية موثوقة ومؤكدة لذا فة
مثل حالتك الأفضل أن يتم ابلاع اللجنة الطبية
التى تتابع حالتك بمرضك أو دخولك أى مستشفى
حتى لا تعتبر متهربا منهم ............
عموما
ما دام معك أوراق تؤكد دخولك المستشفى وا،ك
كنت تعالج . فلا تخاف واذهب اليهم وان شاء الله
ستحصل على الاعفاء او الرفد الطبى ............
 

mhussein

عضو مشارك
#5
شكرا استاذي الفاضل...بس عندى استفسار صغير يعني هو مش ممكن اروح ويحبسونى؟؟ وهل لازم محامي او لا وايه الخطوات الفعلية الى ممكن اعملها..!؟
 

gamal gamal

محامى ومستشار قانوني
#6
إن شاء الله مش ها يحبسوك
نظرا لظروفك المرضية ....
وملفك الطبى ...........

والأمر لا يحتاج إلى محامى يا غالى .....
 

mhussein

عضو مشارك
#7
شكرا ليك استاذي الفاضل بغض النظر عن انى جارك من عزبة رستم الى انى اتشرف وليا كل الفخر ان حضرتك من منطقتنـآ...واشكرك على زووقك وزووق السادة الكرام :)
 

gamal gamal

محامى ومستشار قانوني
#8
هلا هلا بالجيران والأحباب
إن احتجت أى شىء فى
أى وقت اتمشى وعدى على
وأنا بالخدمة يا غالى ...........

بيننا أمتار قليلة جدا ...........
والمكتب فى عمارة الحاج طارق محمدى
الدور الأول .........................
 

أعلى