hokan

عضو جديد
التسجيل
26/8/10
المشاركات
8
الإعجابات
0
#1
.

زميلي حالياً ضابط احتياط مجند وكان عاوز يسأل عن حاجة بخصوص قانون المحاكمات العسكرية, هل لما يخلص السنتين ونصف مدة الخدمة العسكرية بيخرج من تحت طائلة القانون العسكري يبقى بإمكانه المشاركة في الأحزاب السياسية والمظاهرات وخلافه, يعني يرجع يمارس حياته السياسية بحرية, ولا بيفضل تحت طائلة القانون ده طوال فترة الاستدعاء لحد سن 45 سنة ؟؟
السؤال الآخر, هل لو تم استدعائه في أي وقت في فترة الاستدعاء بيدخل تحت طائلة القانون ده ثاني - ده لو كان بيخرج من تحته أساساً - ؟؟

وشاكر وقت وجهد حضرتك.
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#2
عليكم السلام

المنع من ممارسة الحياة السياسية للضباط
يستمر طوال مدة الخدمة الالزامية فقط ...
أما
فترة الإحتياط فيمارس فيها حياته عادي
الا اذا ورد له استدعاء فيجب عليه أداؤه
فورا ويظل متمتعا بكل مزاياه المدنية ....
 

hokan

عضو جديد
التسجيل
26/8/10
المشاركات
8
الإعجابات
0
#3
شكراً جزيلاً لسرعة ردك.
بس معلشي حضرتك طلعت في دماغي سؤالين لو سمحت لي.
س1 : يعني حتى لو جاء له استدعاء بيروح ينفذه لكن يقدر يمارس حياته السياسية بشكل طبيعي أثناء فترة الاستدعاء دون الوقوع تحت طائلة القانون العسكري ؟
س2 : مدة الضابط الاحتياط 30 شهر, منهم 14 شهر اسمهم الخدمة الإلزامية والـ 16 شهر الباقين بيبقى مستدعى وده بيتكتب في الكارنيه بتاعه, هل معنى كده إنه يقدر يمارس حقوقه وحياته السياسية بشكل طبيعي في الـ 16 شهر دول دون لوقوع تحت طائلة القانون العسكري ؟

شكراً لوقت وجهد حضرتك.
 
Hany Adel

Hany Adel

محامى ومستشار قانوني
التسجيل
5/4/11
المشاركات
2,338
الإعجابات
120
#4
استكمالا لكلام استاذنا

اثناء فترة الاستدعاء يدخل في مظلة القوات المسلحه .. كضابط عليه التزامات .. ويمنع عليه ممارسة العمل السياسي نهائيا .. ويحاكم اذا حاول هذا .

اما خارج هذه الفترة فهو حر شكلا ..
وان كان نشاطا حادا او ملحوظا او انتمى لتيارات سياسية متطرفه مثلا ..
فهذا يؤثر عليه سلبا .. سواء بعدم استدعائة اصلا .. او استدعائه لفترات طويلة مثلا
ووضعه في اماكن بعيده ونائية ..

لان الجيش غير مسموح فيه بالنشاط الحزبي أو الديني الذي يسبب الفرقة والجدل والتشرذم .. بين أبناء القوات المسلحة ..
مما يؤدي الى انهيار المنظومة ... ويتحول الامر الى صراع داخلي بدلا من توجيه الطاقة للعدو ..

شكرا
 

hokan

عضو جديد
التسجيل
26/8/10
المشاركات
8
الإعجابات
0
#5
لا حول ولاقوة إلا بالله :( استعباد ظالم للناس بقوة القانون :(.

شاكر رد حضرتك أ/هاني.
 

أعلى