batalhima

عضو مشارك
التسجيل
17/9/12
المشاركات
16
الإعجابات
1
#1
إخوتي المستشارين
بعد التحية
أنا كنت متزوج جوازة لم تدم أيام
من سنة تقريبا
كانت لسه حتتم البنت 18 وأنا مستعجل وأهلها كذلك
كتبنا رسمي مع مأذون وجابلي ورقة الزواج مطموسة فيها ختم النسر تماما :confused::confused:
المهم البنت واضح كانت مش مظبوطة فمحصلش دخول وطلبوا الطلاق فورا

المهم رحت أطلق، المأذون عمل فيها ناصح وأخذ أصل ورقة الزواج مني (وسابها معاهم):rolleyes::rolleyes: - هم زي جماعة كده تبع واحد في البلد، فكان المأذون المرة دي مختلف :confused::confused:

كنت عاوز أخلص، وبعد أما لهفوا المقدم والمؤخر اداني المأذون ورقة عليها ختم نص مطموس والله العظيم ما عارف أقرأ منه حاجة!!! واسم المأذون نفسه مضروب أو يمكن ده إحساس...

من الآخر أنا مش مقتنع بورقة الطلاق ولا بأي حاجة من الأول ومقتنع إن الورق مضروب وأهم لهطوا ليهم كام ألف جنيه المأذون ده وده

رحت أجدد البطاقة طبعا لسه أعزب يا عيني ومش ظاهر لي في الفردي

الخلاصة يا جماعة والسؤال:

أنا دلوقتي إن شاء الله داخل على جواز

وأنا نفسي مش جدع قوي أروح بورقة طلاق للسجل يا عالم تطلع مزورة وإن مكنتش مزورة فالبنت كان يا عيني تحت السن (القانون طبعا ميفرقش حتى لو تحته بشهرين) وحتى عقد الجواز إياه مش معايا أساسا...

أعمل إيه لما المأذون اليومين دول يسألني؟؟؟؟ ما هو الراجل ملوش غير إللي قدامه وأنا أعزب. أعمله فيها شريف وأقول مطلق وهو حيصدق إني مطلق من غير بيانات إضافية أو ورق أصلي. علماً بأن ورقة الزواج مفيهاش غير إقرار بزواجي وأنا طبعاً مش متجوز حالياً- إنما مش لاقي فيها حاجة عن حالتي كأعزب أو مطلق... هو أنا صح؟

ومع علمي إن ده قانونا اسمه تزوير
حد يقدر في الدنيا يئذيني دلوقتي ولا مستقبلا من غير أي مستند أو دليل
(البنت نفسها اتجوزت وزمانها مخلفة)

والزوجة المصون الجديدة تقدر تثبت ده أو تشتكي منه من غير أي ورقة نهائي...

ولا أنسى الموضوع وماتجوز عمري!!

للتبسيط مرة تانية 3 أسئلة الله يكرمكم:
1- أقول إيه للمأذون بالضبط ولا أقعد ساكت وخلاص تمشي- يعني هو ليه إنه يعرف بطلاق أساساً؟
2- أحاول أثبت الطلاق ده مع السجل المدني ولا بلاش لحسن الورقة متطمنش وكمان البنت في الطلاق تحت السن برضه؟ - مجرد سؤال نظري أنا مش عاوز أروح في داهية-
3- ممكن قانونا من غير أدلة من أي نوع حد يدعي عليا في الموضوع ده وإيه أسوأ ما ممكن يحصل؟ - هو ده بقى لب الموضوع لجهابذة القانون والله يكرمكم الصراحة-

يا عيني علينا الرجالة مقهورين قانونا كده على طول- رحمتك يا رب يا أرحم الراحمين

مع شكرررررررررررررري

الإمضاء
ضحية النظام العقيم:5998:
 

Hany Adel

Hany Adel

محامى ومستشار قانوني
التسجيل
5/4/11
المشاركات
2,338
الإعجابات
120
#2
اكشف على رقمك القومي لو مسجل عليك الجوازه ماشي
غير كده يبقى انت ما اتجوزتش اصلا
 

batalhima

عضو مشارك
التسجيل
17/9/12
المشاركات
16
الإعجابات
1
#3
أستاذ هاني- يا باشا حضرتك جبت من الآخر
وأنا نفذت فوري وكانت المفاجأة :wow: :wow: :wow:

الجواز والطلاق طلع متسجل فعلا على الجهاز وأقدر أطلع قسايم مميكنة :rolleyes:

أستغفر الله العظيم على ظني إن القسايم مش مظبوطة ده المأذون 1 و2 طلعوا ولاد حلال (بس الأختااااااااااااام ضايعة!!) .

طب يا ريس كده طبعا أنا في السليم، فوق السن تحت السن ده مش موضوعي
ومع الجوازة الجديدة إن شاء الله أروح أسجلها على بطاقتي وكل سنة وإنت طيب...

استفسار بسيط: في الورق من هنا ورايح مع تعديل البطاقة وأي شيء، أظهر هذا الزواج المسجل للعلن مع ورقه ولا أبقى أكتفي بذكر الزواج الجديد (ورق البطاقة مثلا) والقيد الفردي في المستقبل واللاذي منه). يعني هل من في مرحلة ما حد ممكن يدقق في سن الزوجة السابقة وتكون مشكلة قانونية، ولا أمشي حالي وأتصرف بقلب جاااااااااااااااااااامد؟؟ أنا عاوز محدش يمسك عليه غلطة يا ريس فقولي المفيد من الآخر..

مع السلامة ومع تقديري الكبير جزاكم الله كل الخير . . .
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#4
يا كبير
خللى قلبك جامد كل الحكاية بدلا من أعزب
مطلق ....................
ولن يبحث أحد عن السن لأن أعب الزوجة
والمأذون هم من سيتضررون أكثر منك
ان ظهر هذا الأمر ...
لذا
انسى هذا الأمر للأبد ..... فقط مطلق ...
 

batalhima

عضو مشارك
التسجيل
17/9/12
المشاركات
16
الإعجابات
1
#5
يا باشا والله حضراتكم هنا مستشارين زي العسل
الله يبارك لكم يا رب

مليون شكرا وحضرتك وضحت الصورة تماما إن المصابين مش أنا

وأنا حامشي الأمور بقسيمة الطلاق المميكنة وتمام مطلق، وبعد كده متزوج، وكل سنة وحضرتك طيب

مليوووووووووووووووووووووووووووووون شكر . . .
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#6
ومليون مبروك لك مقدما يا غالى .........
 

batalhima

عضو مشارك
التسجيل
17/9/12
المشاركات
16
الإعجابات
1
#7
للمستشارين الأفاضل،،،

سؤال صغير مبني على ما سبق. أنا لقيت قيد الطلاق تمام على الكمبيوتر من سنين، وإنما لا أثر لقيد الزواج. طبعاً زي ما قولت كان تحت السن + أخدوا مني أصل عقد الزواج ومدونيش حتى صورة وأنا والله مش فاكر تاريخه حتى بالضبط.

السؤال ببساطة:
هل أستطيع استخراج قيود فردية أو عائلية على اسمي من دون وجود أي شيء في الكمبيوتر إلا قيد الطلاق؟
لأني بصراحة مش شايف أي حكمة إني أستخرج مستخرج من ورقة أعتقد إنها لم تسجل في المحكمة لأن تسجيلها أساساً مخالف للقانون ولا إيه رأيكم يا أساتذة؟
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#8
ما دام الطلاق مقيد على الكمبيوتر
يبقى لازم يقيد الزواج على الكمبيوتر أيضا ...
وهذه الأمور تحدث كثيرا ....
اذن أعتقد أنهم سيطلبون منك تقديم وثيقة الزواج .

وان أعطوك حالتك كمطلق فلا مشكلة أيضا ....
 

batalhima

عضو مشارك
التسجيل
17/9/12
المشاركات
16
الإعجابات
1
#9
يا أستاذنا الفاضل
نعم كان اعتقادي، إنما في السجل وأنا بأطبع قالي 100% هو الطلاق بس إللي متقيد.

طبعاً في القيد العائلي فعلاً بيطلبو قسيمة الزواج مع الطلاق. طب أي اقتراحات؟ لأني بالسؤال قالولي لتسجيل الجواز على الكمبيوتر بروحلهم بأصل القسيمة.

أعتقد كده مليش إني أستخرج قيد عائلي، تمام؟
رأي حضرتك أقول لهم إيه، ما هو الجواز كان تحت السن ومش قانوني.

شاكر الفضل والفكر
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#10
رأيى
أن تبحث فى المحكمة
التى يتبعها المأذون عن
وجود قسيمة الوةاج من عدمه

وسيأخذ البحث منك أقل من نصف
ساعة فقط ...........

وساعتها ستتأكد بصورة يقينية ..........
 

batalhima

عضو مشارك
التسجيل
17/9/12
المشاركات
16
الإعجابات
1
#11
سعادة المستشار الفاضل
مليون شكراً ونصائحكم فعلاً هي عين العقل
الواجب أسأل وسيكون إن شاء الله عشان يكون عندي اليقين
جزاكم الله ألف خير ويجعله في موازين حسناتكم
 

أعلى