ahmedsaaaad

عضو مشارك
#1
'',


ياريت حد يفيدنى ضروري بموضوعى

انا واخد اعفاء مؤقت من الجيش والشهادة بتاعتى مكتوب فيها

" اعفاء المذكور مؤقتا من اداء الخدمة العسكرية والوطنية كونة العائل للعائلة بعد والدة المتوفي بتاريخ 18/5/2008 وأشقاؤة أكبرهم ( اسلام ) م 5/3/1992 وعلية تقديم نفسة خلال 30 يوماً من تاريخ بلوغ أخيه القاصر سن 21 سنة "
ودلوقتى اخويا اسلام دا دخل الجيش بقالوا 7 شهور والجيش بتاعة سنتين ودلوقتى لسالوا سنة واكم شهر تقريبا ويخلص جيشة وانا دلوقتى مسافر برة مصر وخايف انزل اجازة عشان خايف لميرضوش يدونى تاجيل تانى فياريت حد يعرفنى موقفي اية دلوقتى هل يجوز ليا انى اجدد او يدينى تأجيل لحد سنة 29 سنة ولا موقفي اية بالظبط ياريت حد يساعدنى ضرورى ويقولى اعمل اية والاوراق المطلوبة منى اية فى حالة ان يجوز ليا بالاعفاء
مستنى ردكم بسرعة وضرورى للاهمية القصوى
 

Hany Adel

Hany Adel

محامى ومستشار قانوني
#2
اذا كنت قربت من سن التلاتين
فخليك بره احسن ..
غير كده حتكمل اعفاء لحين خروجه من الجيش ..

ولو قرب الميعاد لازم تعرف انك داخل داخل داخل
فترجع وتعمل حسابك على كده
 

ahmedsaaaad

عضو مشارك
#3
شكرا على سرعة الرد يا استاذ هانى ولكم جزيل الشكر
بس بعد اذن حضرتك لية حكاية انى داخل داخل دى يعنى مافيش اى امل اني اخد تاجيل ولا صعب شوية ولو ادونى تاجيل هيدونى مدة قد اية دا اللى انا عاوز اعرفة ولو اخويا حتى خلص جيش مش المفروض انا الكبير ابقى عائل للاسرة ولا لايجوز
 
Hany Adel

Hany Adel

محامى ومستشار قانوني
#4
ما دام سبب الاعفاء انتهى خلاص ..
ولا تأجيل ابدا لك .. ودخولك مضمون .. بخلاف تقدمك في ميعادك الطبيعي
كان ممكن تاخد تأجيل ثم لم يصبه الدور ...
 

ahmedsaaaad

عضو مشارك
#5
شكرا يا استاذ هاني علي رد حضرتك
وانا اسف ع الاطاله واسف ع كتر الاسئلة والاستفسارات بس غصب عني لاني مش عارف حاجة وكنت محتاج حد يرشدني
وبعد اذن حضرتك ليا استفسار اخير لو اخويا خلص الجيش وانا قدمتلة جامعة مفتوحة او جامعة عمالية في الحالة دي هل هيبقي ليا الحق اني اخد تأجيل واجدد الاعفاء ولا ماينفعشي ارجو الرد واعذروني لو كنت طولت عليكم وبارك الله فيك
 

ahmedsaaaad

عضو مشارك
#6
بارك الله فيكم انا محتاج الرد ضروري
 

damn

عضو مشارك
#7
التعليم المفتوح لا يؤجل الجيش اساسا ولا يعتد به كتعليم لانه لا يعتمد على الحضور
لو انت واخوك بس وهو فى الجيش فانت حتاخد تاجيل لحد ما يخلص ولو باقيله سنه ممكن متاخدش ختم السفر
فخليك برة لحد سن ال 30 وارجع اعمل موقفك وامشي وادفعلهم الغرامة
والله اعلم
 

ahmedsaaaad

عضو مشارك
#8
شكرا اخي الفاضل علي ردك ليا وجزاك الله خير
بس ممكن توضحلي اكتر ازاي لو فاضل سنة لاخويا مش هيدوني اذن سفر فية قانون بينص علي كدا ولا اية ارجو الرد للاهمية
 

damn

عضو مشارك
#9
لا القانون اللى اعرفه انك لو فى الترم التانى فى اخر سنه فى الكلية مينفعش تاخد تصريح سفر
وبعدين بقي اى حد مينفعش ياخد تصريح سفر الا فى سنه ثالثه او ما قبلها وبالطبع حيبقي موقفك مماثل :) ولا انا غلطان؟؟
 

أعلى