po25lm24

عضو مشارك
#21
هناك الكثير ممن اخذ اعلى الشهادات ولا يجيد فن التعامل مع الناس
فى النهاية انا فى رابعة حققوق القاهرة و ليس حقوق جامعة كفر البقر ومستنى اخد شهادة الخدمة لاكمال تعليمى ولكن عندما اتخرج لان احكم على الناس بهذة الطريقة . مهنة المحاماة مهنة جليلة ولكنها تحتاج الى عقل واعى متفتح
 

po25lm24

عضو مشارك
#22
عذرا لقرية كفر البقر القرية العظيمة التى استشهد فيها اطفالنا الابرياء فى مدرسة كفر البقر جراء الاعتداء الغاشم من قوات
الاحتلال .فلا اقصد الاهانة او التقليل من شانها . انها قطعة غالية من ارضنا نعتز بها
 

po25lm24

عضو مشارك
#23
اخوانى
هذا موقع وزارة الدفاع و التليفون و الفاكس و البريد الالكترونى و العنوان

العنوان شارع 23 يوليو - كوبرى القبة - القاهرة
تليفون 24032158
فاكس 22916227
البريد الإلكتروني mmc@afmic.gov.eg
موقع الوزارة http://www.mmc.gov.eg

تقدموا جميعا بشكواكم الى السيد وزير الدفاع عسى اللة ان يجعل لكم مخرجا
نقطة اخرى انا اعلم ان اى قرار ادارى ممكن الغاؤة عن طريق القضاء الادارى
و لكن لا اعلم هل هذا ينطبق على قرارات وزارة الدفاع ام لا لانها تمس المصلحة العليا للبلاد
 

عمر رحيل

عضو مشارك
#24
اخوانى
هذا موقع وزارة الدفاع و التليفون و الفاكس و البريد الالكترونى و العنوان

العنوان شارع 23 يوليو - كوبرى القبة - القاهرة
تليفون 24032158
فاكس 22916227
البريد الإلكتروني mmc@afmic.gov.eg
موقع الوزارة http://www.mmc.gov.eg

تقدموا جميعا بشكواكم الى السيد وزير الدفاع عسى اللة ان يجعل لكم مخرجا
نقطة اخرى انا اعلم ان اى قرار ادارى ممكن الغاؤة عن طريق القضاء الادارى
و لكن لا اعلم هل هذا ينطبق على قرارات وزارة الدفاع ام لا لانها تمس المصلحة العليا للبلاد
بارك الله فيك اخى وان شاء الله هقدم شكاوى وتظلمات بس كمان شهر كدا نظرا لظروفى
ولاكن والله متشكرين جدا جدا على مساعدتك لنا جعله الله فى ميزان حساناتك
عظم الله اجرك
 

عمر رحيل

عضو مشارك
#25
وهنسأل فى موضع الغاء القرار عن طريق القضاء الادارى
بس متهيئلى لا يجوز لانى الجيش عامة صوته من دماغه بالعربى كدا
بس يارب يكون غير كدا
 

damn

عضو مشارك
#26
بالطبع لا يستوون !!!!!!!!!!!

ولكنى أعذر بعض الهاربين
لسوء أحوال الجيش عندنا
فى الماضى .......
وفى انتظتر التغيير .........
طبعا ده المنتظر من حضرتك يا استاذ جمال كل ردودك معبرة وتحترم كل الفئات وبعيده تماما عن التحيز تدل على خبرة كبيرة من حضرتك فى عالم مصري ظالم وكله مشاكل وخصوصا انك محامى ولازم تعمل كده شكرا لردك السابق اللى حبيت ارفقه عشان استاذ هانى
الى كل الاخوه الذين قاموا بالرد سابقا على كلامي

اتأخرت في الرد

انا لا اتحامل على احد
ولم يكن عندي والدي يصرف علي كما قال واحد من اللي ردوا

وكنت بأشتغل وانا طالب في الجامعة وبأصرف على نفسي .. حتى وانا في الجيش
لحد ما خلصت وطورت نفسي بنفسي .. دراسات عليا وماجستير .. وان شاء الله ماشي في الدكتوراه

وبخصوص اللي بيقول الجيش مش كويس او كذا وكذا

عايز اقولك .. وهوا انت فاكر لو رحت تحارب حتقعد في خيمة خمس نجوم !!!!!!!!!!!!!!!!!!!!!!1

وبالنسبة للي بيقول ناس بتنضرب على قفاها
انا عن نفسي ما شفتش .. لكن اللي اعرفه ان فيه ناس مهزئه .. وبتقبل تتهان
واللي عنده كرامه مش حتفرق في المدني او الجيش

حيعرف ياخد حقة ..

كتير من اللي بيدورا على حقهم بعد ما هربوا من الجيش والخدمة
ما كانش ليهم مبرر الا نفسيتي مش عارف ايه؟
وفاكرين نفسهم هم المكروبين في الدنيا كلها ..

ولما يا محترم .. الجيش بالشكل ده .. كل زمايلك في الكتيبه او الوحده قاعدين لحد دلوقتي ليه ؟

عشان بيستحملوا .. وقدروا يتعايشوا مع الوضع .. وانت بس .. انت بس .. اللي هربت !!!
والا البلد تخرب .. وما يبقاش ليها جيش
وبدل ما العسكري ياخد على قفاه (((زي ما انتوا بتقولوا)))

الشعب كل صباح ومساء حياخد على قفاه لما ده وده
وكل اجنبي
يدخل كده ويتمطع جوه بيت العسكري اللي ظروفه كانت صعبه !!!!

اللي انتوا عايشين فيه ده اقل عقاب .. على تخليكم عن المسئولية
فيه اقليه عندها ظروف .. ده اكيد ..
الا انهم ضيعوا حقهم .. وضيعوا سنين طويلة من عمرهم ... لا عارفين يشتغلوا شغله محترمه ..
او قادرين يسافروا يدوروا على رزقهم بره مصر ..

كتير من اللي بيتصلوا بيا .. بقولهم ارجعوا مكانكم وسيبوها على الله ..
استحمل سنة والا اتنين احسن من 16 سنهههههههه

احنا كنا في الصحرا وبنشرب من بير معفن ..

فما حدش يتكلم ويقولي ظروف وجوابات ..

ويبرر غلطة .. وعجزه .. وفشله في انه يتحمل زي ملاييييييييييييييييييييييييييييييييييين
غيره ما استحملوا ..

اللي عنده ظروف ربنا ادرى بيه ..
لكن كمحامي ورجل قانون .. اقولك .. ان القاضي في الجيش في المحكمة العسكرية
ادامة واحد لبس ميري .. وهرب .. بس
مسألة مراعاة الظروف بقه ترجع لشخصة وقناعاته ..

فهو في النهاية انسان ..

ربنا يفك كرب الناس كلها .. وبلاش كل واحد هربان يعمل نفسه شهيد !!!

بص حضرتك اولا انا كلمتك باسمك فلازم حضرتك على الاقل تقول العضو فلان مينفعش تقعد تقول اللى بيقولوا واللى بيقولوا انت مشرف وده واجب عليك زى ما هو واجب عليا انى اوجهلك كلامى بالاسم واحترم حضرتك لاننا بنتكلم فى مصلحه عامه تمام؟.

ثانيا موضوع كلنا بنشتغل ونصرف على نفسنا مش كل شغلانه فى الكليه اسمها شغل وتصرف على نفسك ودى حاجه بنعملها كلنا لكن حضرتك بقي حوشتلك شوية كده عشان الجيش وانت داخل ؟ ولا عملت جمعيه؟ طالما والدك مصرفش عليك؟ هو مش عيب ان والدك يصرف عليك ده الطبيعي يعني انا معرفش الناس شايفاها ليه حاجه وحشه لكن انا كنت اتمنى ان والدى يعمل كده بصراحه لكن لظروف شخصيه محصلش وخصوصا انى دخلت الجيش متزوج واعول واحنا فى مدينه يعني انا عايش فى بيت مستقل

كلامك عن الجيش مقبول ان كله ظروف صعبه لكن هى قرف ومش كل مكان زى التانى .
وبيتهيالى انا مقلتش ان نفسيتي مكانتش مرتاحه انا نفسي كلمت استاذ جمال فى التليفون وقاللى انا مش عارف اقولك ايه لان الموضوع كان معقد جدا وقاللى لو تقدر تكمل اللى باقيلك ياريت
حقولك انى كنت مستشفي القوات المسلحه وعلاجى طول قالولى لا مش حنقدر نديلك اجازت تانى كفايه كده برغم انهم عارفين انى لسه تعبان ومقدرش ارجع الكتيبه بس القانون الظالم بقي يعملوا ايه

اما ان اللى هرب مش شغال شغلانه محترمه احب اقولك لحضرتك انك لسه عايش فى خيال ومتعرفش ان التعيين دلوقتى لا يلزمة اوراق ولا شهاده الجيش اللى حضرتك سعيد بيها دى ولا ليها تلاتين لزمة عندى ولا عند غيري ولا فى اى شركة عدا مديرين شركات بيبقوا رخميين بس لو هما عاوزينك لكفائتك يبقي ولا ليه لزمة لوا حتى صورة بطاقه وتتعين وتدخل تامينات وكل حاجه

اما عن وظيفه محترمه فاحب اقولك لحضرتك لو على الشغل انا عندى بدل المصنع 2 وكمان شركة وكلهم بتوعى وعملتهم من الصفر ولوحدى معايا شركاء طبعا لكن مجهود شخصي تمام؟؟
فعيب اوى تفضل تتكلم كده بردو ولازم حضرتك تعترف انك غلطان ولا شايف ان المحامى لازم يوجد ردود وميقولش ابدا انه اخطأ؟؟
بيتهيالى ان رد استاذ جمال فى الصفحه الاولى بيقول انك مخطأ فى حق الاعضاء لانك دايما متحامل عليهم.
ومينفعش تبقي محامى وانت اصلا مش مقتنع بقضيه متهم زى احد الاعضاء المحترمين قالك قبل كده.

جيش حضرتك مش مثال ولا يعتد بيه انك تحكم على كل اللى دخلوا جيش انا شفت ناس مرتاحه وهربت وشفت ناس تعبانه جدا واستحملت.

اما موضوع الكرامه والضرب والكلام ده واحد جيشه 3 سنين وباقيل 3 شهور ويخلص يستحملهم ولا يهرب عشان ضربوة؟؟
انا بحكي على اللى شفته بعيني الظلم الموجود فى الجيش مالوش اخر

ولو حضرتك معاك ماجستير انا كمان معايا وحعمل دكتوراه بس مش دلوقتى شوية كده عشان مشغول ولو عندك شغل وفلوس عندى شغل وفلوس اد اللى عند حضرتك 10 مرات فمفيش داعى ندخل فى مقارنات مالهاش لزمة .

انت مدين لكل واحد مكملش جيشه لظروف سيئة باعتذار ودى وجهه نظرى اما اعترافك بخطأك دى حاجه تخصك انا حاولت المح لحضرتك من المرة اللى فاتت ولما لقيتك مردتش قولت هو فهم النقطه اللى عاوز اوصلها اللى قالها استاذ جمال فى كلمتين ولكن الموضوع انت مقرتوش فرجعت بقي ترد عليه بقسوة اكبر وده مش من حقك انت خرجت من دورك كمشرف على المنتدى انك تنتقد شخصيات حقيقيه موجوده برة المنتدى لازم تبقي سياسي ومتدخلش مع الاعضاء فى حوارات جانبيه لا من حق حضرتك ولا من حق اى حد عشان مشرف منتدى .
مع كل احترامى ليك ولادارة المنتدى واستاذ جمال بالخصوص ومجهودكم فى مساعده الناس والرد عليهم بس الكلام ده مش كلامى لوحدى ده كلام اعضاء كتير وصلنى منهم ردود شخصيه بكده على كل الردود بتاعتك

واحب اقول لحضرتك لا كمين يخوف ولا قسم شرطه يخوف لان مشكلتنا عسكرية وليست مدنيه واحنا مش بنخاف من اى حاجه وبنسافر كل حته فى مصر عادى اما السفر خارج مصر فحقولها بالبلدي عويل بلاده عويل بلاد الله .
اللى يعرف يثبت نفسه هنا يبقي هو ده اللى شاطر مش اروح فى دول متخفله فى كل شيء وبيدوروا على الراحه مقابل الفلوس واشتغل اى حاجه هناك مقابل الماده.
فانت بكده تعبت وعرقت واتبهدلت زى ما بتقول وغيرك معملش حاجه ومراحش وخد شهادته بردو .
اتمنى حضرتك تراجع نفسك وانا اسف للاطاله وطبعا اسف لو كلامى معجبكش وده اكيد اللى حيحصل وشكرا

وهنسأل فى موضع الغاء القرار عن طريق القضاء الادارى
بس متهيئلى لا يجوز لانى الجيش عامة صوته من دماغه بالعربى كدا
بس يارب يكون غير كدا
ايه موضوع ال 10 سنين ولا ال5 سنين باثر رجعى ده مش فاهم؟؟ تقصد موضوع ال 36 سنه؟ ياسر قال المهم الدفعه تكون نزلها الاعفاء مالوش علاقه بالسن لازم يعدى الثلاثين بس المشكلة انهم منزلوش اعفاءات عن اى دفعه جديده من 3 سنين من ايام الثورة ودى المشكلة ( بصراحه لم ارى مجتهد استفاد من الثورة دى بأى شيء تعبنا اكتر ومشاكل اكتر وقله الشغل وكمان دخلتنا الجيش بدون كشف طبي وادينا كمان معرفناس نكمل واتوقف موضوع الاعقاءات عن المتهربين كان المفروض لو لسه ماشي كان زمنا باقيلنا 3 سنين وناخد الورقة هى مالهاش لزمة بالنسبة لى بس انا مش عاوز يبقي عندى حاجه غلط فى حياتى عشان انا بحب امشي صح )
 

عمر رحيل

عضو مشارك
#27
اهلا باخى DAMN
انا اقصد انى متغيب من 2005
وكملت 30
ولاكن بيقولو لازم اكمل36 وهذا قرار نزل سنة2010
يعنى بعد ما غبت بخمس سنوات
من المفترض ان تكون السجلات وصلت لسنة 2005

بس فى سؤال اللى انا اعرفه اى قرار بينزل بيتمرر على مجلس الشعب
ومجلس الشعب لسنه2010 كان عبارعن مجلس الشغب والعبس ولهذا تم حله
لماذا يطبق علينا قرار مالنا به علم وكيف يطبق بأثر رجعى على من تغيب قبل القرار بسنوات وشهور بل وايام معينه
اشمعنه تاريخ 25/4/2004وهم كانو السابقون يخلصو على سن الثلاثين
 

damn

عضو مشارك
#28
ياسر قال مش لازم المهم يطلبوا التسوية للدفعه ودى المشكلة هما بس يبدأو يعملوا اعفاءات وهى تمشي

السيسي منه لله بعت لعرب سيناء ناس يعملولهم تسوية عشان اللى هاربين من التجنيد هناك
بدو سيناء اللى كان السادات وعبد الناصر منعهم من التجنيد فى الجيش عشان خونة بقوا دلوقتى هما اللى حلوين والمصريين كلهم ولاد كلب
حسبي الله ونعم الوكيل فى البلد اللى ماشية بالعكس
الواحد المفروض يروح يخطف عساكر يعني عشان يخلص موقفه؟؟
حاجه تقرف
 

ميتو نت

عضو مشارك
#29
استاذ هانى احب اقولك انت ما تنفعش محامى ولا حتى كاتب عند سجل مدنى
 

مصطفى حموده

عضو مشارك
#30
لو سمحت استاذ dmn ممكن رقم تلفونك
 

أعلى