moh_2210

عضو جديد
التسجيل
15/6/10
المشاركات
23
الإعجابات
1
#1
يعنى يخلص الناس بعد 2004 الى وقتا الحالى اللى وصلوا 30سنة
 

damn

عضو مشارك
التسجيل
1/6/11
المشاركات
77
الإعجابات
0
#2
انا كمان داخل لنفس السبب
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#3
وأنا أقترح عليكم أننا ننتظر
حتى يجلس وزير الدفاع فى مكتبه
ويشرب كباية شاى !!!!!!!!!!!!
وبعدين نشوف اتخذ قرارات من عمه ؟!!!
 
new_yasser

new_yasser

عضو مميز
التسجيل
27/3/12
المشاركات
281
الإعجابات
3
الإقامة
الأسكندرية
#4
ههههههههههههههههههههههه حلوة يا أستاذ جمال ... خلاص يعنى الوزير حيبقى أول قراراته فى الموضوع دة؟
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#5
الله يكرمك أستاذنا الكريم new_yasser
والله وحشتنا كتير ...................
كل عام وأنتم بخير .........
 

robinzezo

عضو جديد
التسجيل
19/5/12
المشاركات
6
الإعجابات
0
#6
طب مفيش ميل او بريد بحيث نرسل للوزير الجديد طلب تعديل وضع المتهربين حتي يكونوا عناصر فعالة في الفترة القادمة من تاريخ مصر
 

moh_2210

عضو جديد
التسجيل
15/6/10
المشاركات
23
الإعجابات
1
#7
ياريت حل جميل طيب ازاى نبعت للوزير رسالة او فاكس هل فية موقع نبعت علية لو حد يعرف يفيدنا و جزاكم الله كل خير وكل سنة وانتم طيبين .
 
Hany Adel

Hany Adel

محامى ومستشار قانوني
التسجيل
5/4/11
المشاركات
2,345
الإعجابات
121
#8
اعتذر عن التطفل او أي اسلوب قد يعتبره البعض فظا

ازاي ممكن تساوى مواطن التزم بضريبة الدم
وهي التجنيد والتدريب اللي هوا جزء فعلي من الجهاد في سبيل الله
بالاعداد للحرب

بإنسان آخر قرر الهرب !!
ولا يوجد اي مبرر نهائي .. او ظروف .. او جوابات .. تبرر هذا الامر
وارى كثير ويصلني كثير من الرسائل ..
اللي نفسيته وجعاه .
واللي رجله فيه دمل !
واللي ما يقدرش يبعد عن بابا !
واللي خلته بتموت ومحتاجاه جنبها ..

واللي واللي .

دخلنا الجيش وتحملنا متاعب وارهاق وظروف صعبه ..
وتحكم شخص بلا اعدادية في مؤهلات عليا .. لمجرد الاقدمية بدفعة او حتى يوم ..
وصبرنا .. وتعلمنا ..
وخرجنا على خير بفضل الله وحده ..


لقد اختار الهارب الهروب وعليه تحمل نتيجه اختياره .. وعدم طلب اي امتياز ..
او مكافأة على جريمته ..

شكرا واعتذر مرة أخرى
 

damn

عضو مشارك
التسجيل
1/6/11
المشاركات
77
الإعجابات
0
#9
على فكرة يا استاذ هانى كل الاحترام والتقدير ليك ولكلامك لكن اعذرنى انا بقي لو كلامى حيزعلك او يزعل غيرك
اه في عيال سيس وبتخاف وجبانه لكن فى ناس تانيه غصب عنها
انا شوفت ناس بضرب بالقلم وبالقفا
شوفت كتايب مبتدخلها ميه شرب باليومين
الميا كانت كلها صدا
لونها بني
وشوفت ناس بتقضي جيشها مبيت
وناس بتروح بحريه وتروح الساعه 2
وناس بتبقي فى الصحراء تموت العقارب برجلها او طوبة
ويطلع علينا عرب يضربونا واحنا واقفين بسلاح من غير زخيرة او حته خشبة عاملنها سلاح
وكمان قطر بيطلع من القاهرة الساعه 1 باليل ويوصل المنطقه الغربية الساعه 3 العسر تانى يوم
وناس تانيه بتنام فى البيت وشغاله مندوبين يروح الكتيبه فى الشهر يومين
وناس بتقبل تبقي سيكه عشان تاخد اجازت وناس بتقعد بالشهرين مبتشوفش اجازة
كنا بنشتري مياه معدنية للاستحمام عشان مفيش مياه
مرتبنا اللى مبناخدوش غير كل 3 او 4 شهور على بعض
اللجنه الطبيه اللى بتخرج من الجيش اللى ورقها كان بيتخبي فى الدرج من قائد الكتيبة لانه عنده نقص عساكر
الشتيمة والبهدله والزحف
المخله كلها كانت بتتلبس فوق بعض والهواء التلج فى عز الشتا كان بيعضى بين الضلوع كانك من غير هدوم
وتلاقي واحده زيهه زيك مستريح عشان معاه وسطه
او داخل ضابط فنايم فى المبيت ومعاه عساكر تخدمه
ده من ناحيه الجيش

لو عاوز اكلمك من ناحيه ظروف اجتماعيه اه اصدق ان كان فى ناس غصب عنها بتهرب لانى قعدت 6 شهور وشوفت العجب وعلى فكرة انا كان جيشي سنه واحده ومشيت عشان رفضت حد يقلل من احترامى او يقل ادبه عليا وعلى اهلى

الجيش زبالة
ومش جيش
ولو ده التجنيد تبقوا سوري يعني مبتفهموش

لما تقعد سنه فى الجيش تضرب نار مرة واحده 4 طلقات يبقي سلامات يا جيش

ربنا يخليك بلاش تقول الكلام ده تانى
مش كل واحد خلص جيش حيفكر انه عمل انجاز مع احترامى
انا مكملتش جيش بس اللى قعدته فى الجيش اكدلك مليون فى الميه مشفتش نصه فى جيشك كله
 

damn

عضو مشارك
التسجيل
1/6/11
المشاركات
77
الإعجابات
0
#10
اه على فكرة فى حركه غير طبيعيه فى السجلات العسكرية وبيحبوا بيانات موقف العساكر كلهم
وده معناه ان فى حصر
وممكن يكون معناه انهم يعملوا حملات يلموا فيها الهربانين كل واحد ياخد باله
 
new_yasser

new_yasser

عضو مميز
التسجيل
27/3/12
المشاركات
281
الإعجابات
3
الإقامة
الأسكندرية
#11
لطفا بإخوانك أستاذنا عادل ..... فهناك ظروف لكل واحد لم يكمل مدته وقد لاحظت أن جميع الأخوة التى تسئل فى هذا الأمر جميعهم من حملة المؤهلات العليا والفوق متوسطة ( فالمجندين العادة مثلى لا يدخلون منتداكم العريق لضعف ثقافتهم ) بمعنى أن مدتهم قصيرة بالنسبة لمدتى أنا فقد قضيت فى الخدمة الحسنة سنتان وأربعة أشهر وسبعة عشرة يوما من خدمتى التى هى ثلاث سنوات .... يعنى خدمة إثنين من حملة المؤهل الذى حصلت عليه حضرتك !! .... والمناطق التى خدمت بها هى التى ذكرها الأستاذ damn فى مشاركته فوالله العظيم كنا نشرب ماءا أسوأ من الذى شربوه أهل المنوفية وأصابهم بالتسمم ..... احمد الله انك قد قضيت مدتك على خير ولم تتعرض لما تعرضنا له ... لك كل التحية والتقدير

أخوك أبو عمار
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#12
بالطبع لا يستوون !!!!!!!!!!!

ولكنى أعذر بعض الهاربين
لسوء أحوال الجيش عندنا
فى الماضى .......
وفى انتظتر التغيير .........
 

damn

عضو مشارك
التسجيل
1/6/11
المشاركات
77
الإعجابات
0
#13
قولة يا ياسر بالله عليك

الله يفتح عليك يا استاذ جمال لكل واحد ظروفه وهو ده اللى دفعنى اوضح لاستاذ هانى
لانى شايفه بصراحه وبدون زعل متحامل علينا كاننا حرامية او عاملين عامله
اقسم بالله انا خرجت على عيني انا سنه ودفعتى بتسلم بعد بكرة وكمان اسبوع يبقوا لابسين ملكي
متتخيلش ده سهل عليا
لكن عندى بيت وعيال
وماليش وظيفه ثابته
ياكلوا منين؟؟
متجرحش حد بكلامك وانت مش عارف كلامك ده حيودي لفين انت ليك اب صرف عليك فى الجيش احنا مالناش
وخلينا ساكتين بقي الله يخليك مش لازم تقلبها علينا
الحمد لله على كل حال
احنا مش مذنبين احنا فى بلد الجيش فيها ظالم وطبيعي اى نظام فى الدنيا لازم يكون ليا مساويء
ومن كتيبه لكتيبة تفرق انا قابلت واحد صاحبي جيشه على البحر
على طولل بيكلم فى الموبايل
وقاعد ع البحر
وبينزل اجازت وقت ما يحب وكان بحرية
وكمان كان سكرتير قاعد على الكمبيوتر
وهرب تخيل؟؟
وابوة واموة بيدولوة فلوس بالهبل مبياكلش اكل جيش وبعد 4 شهور هرب
وكان بينزل كل 15 يوم 10 ايام
 

damn

عضو مشارك
التسجيل
1/6/11
المشاركات
77
الإعجابات
0
#14
استاذ جمال الوزير قعد وشرب شاى واتخطف منه عساكر ومشفناش اى تقدم مفيش اى بوادر؟؟

انا عاوز محامى محترم يرفع قضيه على القوات المسلحه وانا حدفع الاتعاب وحنجيب كل واحد اتظلم يقدم معانا وحنقفل الجيش قريب :)

لا بجد والله عاوزين نعمل قضيه كده عمرنا ما حنخلص وقبل ما يحاسبونا يحاسبوا اللى عملوا فينا كده
 

عمر رحيل

عضو مشارك
التسجيل
15/1/13
المشاركات
73
الإعجابات
0
#15
ياريت انا اتظلم معاك بس مقدرش اتظلم من الظالم للظالم
احنا ااطبق علينا قرار بأثر رجعى احنا عملنا غياب قبل ما القرار ينزل بخمس سنوات
ده ايه الظلم ده

ولو هى ماشيه كدا مايقولو اللى سرق يعدم ويعدمو الحراميه اللى سارقو من 10 سنين
 
Hany Adel

Hany Adel

محامى ومستشار قانوني
التسجيل
5/4/11
المشاركات
2,345
الإعجابات
121
#16
الى كل الاخوه الذين قاموا بالرد سابقا على كلامي

اتأخرت في الرد

انا لا اتحامل على احد
ولم يكن عندي والدي يصرف علي كما قال واحد من اللي ردوا

وكنت بأشتغل وانا طالب في الجامعة وبأصرف على نفسي .. حتى وانا في الجيش
لحد ما خلصت وطورت نفسي بنفسي .. دراسات عليا وماجستير .. وان شاء الله ماشي في الدكتوراه

وبخصوص اللي بيقول الجيش مش كويس او كذا وكذا

عايز اقولك .. وهوا انت فاكر لو رحت تحارب حتقعد في خيمة خمس نجوم !!!!!!!!!!!!!!!!!!!!!!1

وبالنسبة للي بيقول ناس بتنضرب على قفاها
انا عن نفسي ما شفتش .. لكن اللي اعرفه ان فيه ناس مهزئه .. وبتقبل تتهان
واللي عنده كرامه مش حتفرق في المدني او الجيش

حيعرف ياخد حقة ..

كتير من اللي بيدورا على حقهم بعد ما هربوا من الجيش والخدمة
ما كانش ليهم مبرر الا نفسيتي مش عارف ايه؟
وفاكرين نفسهم هم المكروبين في الدنيا كلها ..

ولما يا محترم .. الجيش بالشكل ده .. كل زمايلك في الكتيبه او الوحده قاعدين لحد دلوقتي ليه ؟

عشان بيستحملوا .. وقدروا يتعايشوا مع الوضع .. وانت بس .. انت بس .. اللي هربت !!!
والا البلد تخرب .. وما يبقاش ليها جيش
وبدل ما العسكري ياخد على قفاه (((زي ما انتوا بتقولوا)))

الشعب كل صباح ومساء حياخد على قفاه لما ده وده
وكل اجنبي
يدخل كده ويتمطع جوه بيت العسكري اللي ظروفه كانت صعبه !!!!

اللي انتوا عايشين فيه ده اقل عقاب .. على تخليكم عن المسئولية
فيه اقليه عندها ظروف .. ده اكيد ..
الا انهم ضيعوا حقهم .. وضيعوا سنين طويلة من عمرهم ... لا عارفين يشتغلوا شغله محترمه ..
او قادرين يسافروا يدوروا على رزقهم بره مصر ..

كتير من اللي بيتصلوا بيا .. بقولهم ارجعوا مكانكم وسيبوها على الله ..
استحمل سنة والا اتنين احسن من 16 سنهههههههه

احنا كنا في الصحرا وبنشرب من بير معفن ..

فما حدش يتكلم ويقولي ظروف وجوابات ..

ويبرر غلطة .. وعجزه .. وفشله في انه يتحمل زي ملاييييييييييييييييييييييييييييييييييين
غيره ما استحملوا ..

اللي عنده ظروف ربنا ادرى بيه ..
لكن كمحامي ورجل قانون .. اقولك .. ان القاضي في الجيش في المحكمة العسكرية
ادامة واحد لبس ميري .. وهرب .. بس
مسألة مراعاة الظروف بقه ترجع لشخصة وقناعاته ..

فهو في النهاية انسان ..

ربنا يفك كرب الناس كلها .. وبلاش كل واحد هربان يعمل نفسه شهيد !!!
 

عمر رحيل

عضو مشارك
التسجيل
15/1/13
المشاركات
73
الإعجابات
0
#17
ربنا يفك كرب الناس كلها .. وبلاش كل واحد هربان يعمل نفسه شهيد !!!
الله يعطيك العافيه وشكرا على دعوتك لنا
ولاكن محدش بيعمل نفسه شهيد ولا يقدر حد يعمل حد شهيد الا فى قوانين ودساتير الدنا اللى هى جمع دنيا

ربنا سبحانه فقد هو اللى بيقدر الشهاده وبيحسبها

لا اله الا انت سبحانك ان كنت من الظالمين
 

po25lm24

عضو مشارك
التسجيل
20/4/13
المشاركات
55
الإعجابات
0
#18
اخوانى الاعزاء
ارجو منكم الا تحزنوا بسبب الاراء الرافضة لموقفكم
فانا اعلم وانتم تعلمون اذا دخلت البلاد فى حرب لا قدر اللة لن تتخلوا عنها وستكونوا اول المشتركين فى تلك الحرب
فهذا شعور كل مواطن مصرى يحب بلدة ويعيش على ارضها . و اذا كنتم لم تكملوا مدة خدمتكم فانا اعلم انها لظروف خارجة عن ارادتكم . انا مثلا كان فاضل 3 شهور واخلص جيش وكنت عملت التعبئة الاولى وقبل اخذ ملفى الى السجلات قام قائد الوحدة بعمل عقوبة حتى يفقدنى دفعة لم استطع بعدها الاستمرار لاحساسى بالظلم . ياخوانى قدموا شكواكم الى اللة فهو خير معين
 

عمر رحيل

عضو مشارك
التسجيل
15/1/13
المشاركات
73
الإعجابات
0
#19
اخوانى الاعزاء
ارجو منكم الا تحزنوا بسبب الاراء الرافضة لموقفكم
فانا اعلم وانتم تعلمون اذا دخلت البلاد فى حرب لا قدر اللة لن تتخلوا عنها وستكونوا اول المشتركين فى تلك الحرب
فهذا شعور كل مواطن مصرى يحب بلدة ويعيش على ارضها . و اذا كنتم لم تكملوا مدة خدمتكم فانا اعلم انها لظروف خارجة عن ارادتكم . انا مثلا كان فاضل 3 شهور واخلص جيش وكنت عملت التعبئة الاولى وقبل اخذ ملفى الى السجلات قام قائد الوحدة بعمل عقوبة حتى يفقدنى دفعة لم استطع بعدها الاستمرار لاحساسى بالظلم . ياخوانى قدموا شكواكم الى اللة فهو خير معين
بارك الله فيك كنت عايز اقول كدا
انا جيشى كان سنه خلصت منه 8شهور واتحجزت فى مستشفى احمد جلال للامراض النفسيه والعصبيه 3شهور
وكنت بتعالج من تجمع بين فصوص المخ وورم فى الغده النخاميه فى المخ والحمد لله
وعملت عمليه بعد هروبى بسنتين الحمد لله صحتى احسن دلوقتى
ورغم كل ده كنت احنا مستعدين للجهاد بس
مين
هيحاسب الدكاتره اللى بيكشفو علينا
مين هيحاسب القاده اللى ذلونا
ربنا اكيد

وَاذْكُرُوا إِذْ أَنْتُمْ قَلِيلٌ مُسْتَضْعَفُونَ فِي الأرْضِ تَخَافُونَ أَنْ يَتَخَطَّفَكُمُ النَّاسُ فَآوَاكُمْ وَأَيَّدَكُمْ بِنَصْرِهِ وَرَزَقَكُمْ مِنَ الطَّيِّبَاتِ لَعَلَّكُمْ تَشْكُرُونَ-.
 

po25lm24

عضو مشارك
التسجيل
20/4/13
المشاركات
55
الإعجابات
0
#20
اريد ان اتكلم عن مهنة المحاماة
المحاماة مهنة جليلة هدفا تحقيق العدالة ومساعدة القاضى فى ان يصل الى الحقيقة و الدفاع عن حق موكلة
فليس من حق المحامى ان يصدر احكاما على الناس ولكن تقتصر مهمتة على الدفاع فقط
فهل عندما يذهب احد الموكلين الى محامى للدفاع عنة يقول لة المحامى لة انت مجرم
لا واللةفليس من حقة ذلك فالمحامى يعرف ظروف القضية وملابساتها وبعد ذلك يقبل او يرفض الترافع عنة
القاضى وحدة فقط هو الذى يحكم فقط بالعقوبة ولا يقول للمتهم هذة اقل عقوبة تستحقها او انت مجرم
اذا كان هو مجرم فهناك ايضا محامين تخلوا عن ضمائرهم وقاموا بالدفاع عن مجرمين واخذوا لهم براءة
اليس هؤلاء المحامين مجرمين لانهم دافعوا عن مجرمين قتلوا و سرقوا و اغتصبوا وغيرها من افظع الجرائم
اما من اخذ اعلى الشهادات فهناك ممن لم ينهوا خدمتهم حاصلين على اعلى الشهادات فلا يصح التعالى باخذ اعلى الشهادات
فهناك الكثير ممن اخذ
 

أعلى