المهندس امير درويش

عضو مميز
التسجيل
14/5/12
المشاركات
243
الإعجابات
210
#1
بعد ان تم شرح الهوت اير والكاويه والافوميتر والجفت والقصدير والشفاط والفلاكس سنتناول فى هذا الموضوع بعون الله تعالى : الهوت جن - مبرمجه شحن البايوس - صور للبورد التقطيع وفائدتها للعامل فى مجال الصيانه الهارد وير .


اولا الهوت جن :






صوره للهوت جن والمعدات التى تاتى معه .

ماهو الهوت جن ؟

هو جهاز متعدد الاستخدامات يستخدم فى مجالات شتى نظرا لانه يطلق الهواء الساخن بدرجه حراره عاليه جدا وسرعه هواء عاليه ولا تؤثر حرارته على كل المواد مثل النحاس بل يؤثر فى حرارته على القصدير
فهو يستخدم فى لحام مواسير البترول ويستخدم ايضا تحت اسم بلاور شيرنك فى المصانع لعمليه التغليف ونحن نستخدمه فى المازربورد لحام الشيب وسوكت البرسيسور ويستخدم فى التسخين تحت سوكت البروسيسور نفسه او الشيب
وهو متوفر وسعره فى متناول اليد للجميع للعمل به .

ثانيا مبرمجه شحن البايوس :




احدى اشكال المبرمجات الاوريجنال الجاهزه للعمل وهى تتميز بسهوله الشحن عليها ولكن سعرها عالى جدا .




احدى المبرمجات المصريه وهى مزوده بشحن الشريحه الفلاش والفريم وير والSPI ومزوده بشحن الرامات



احدى المبرمجات المصريه المعروفه وتعد الافضل الان على الساحه وهى من انتاج المهندس المصرى صلاح السيد وتتميز بسهوله ىالاستخدام الى جانب الدعم الفنى لها باستمرار لتواكب التطور ودعم للشرائح الحديثه .

وياتى دائما مع المبرمجات كابل توصيل سواء كان USB او كانت LPT اى ان كان وياتى جفت لفك الايسهات الفلاش وبالنسبه لمبرمجه المهندس صلاح السيد ياتى معها كونفرت الايسى الحديث SPI









احدى اشكال اديبتور توصيل ايسى البايوس الحديث بالمبرمجه




وهناك ايضا هذا الاديبتور بدون لحام نظام مشبك يركب الايسى بداخله






كيفيه استخدام مبرمجه شحن البايوس ؟؟؟؟

المبرمجه سهله الاستخدام جدا ولكن قبل التعرف على كيفيه استخدام المبرمجه يجب التعارف اولا على اشكال الايسهات الخاصه بالبايوس وطريقه وضعها على المبرمجه ولنا محاضره ان شاء الله عن برنامج شحن البايوس وعن انواع الايسهات وارقامها ولكن هذا لا ياتى الا بعد الشرح الدائره الاساسيه وبعدها يتم شرح وحده البايوس بالتفصيل :



احدى اشكال ايسى البايوس





وهذه ايضا من اشكال البايوس




هذه صوره لايسى البايوس المنتشر الان فى انواع المازربورد الحديثه والاب توب الحديث

الان مع صوره للمبرمجه وشرح الاماكن الهامه والمستخدمه بها فى شحن بيوس المازربورد والاب توب



والان مع التوضيح :

1 - المكان المخصص لتركيب ايسهات البايوس من النوع فلاش وفيرم وير ذات الحجم الكبير الرباعى الاطراف وعدد رجول الايسى 32 رجل .

2 - السويتش الاحمر صاحب ال12 طرف وهو مخصص بعد اختيار نوع ورقم الايسى من برنامج المبرمجه يتم ضبط الجنابر الخاصه به حسب الموضح ليتم التعامل بالكامل مع المبرمجه .

3 - جنبر خاص بالشريحه ال4 ميجا فلاش يتم تغييره عندما يطلب البرنامج .

4 - وهو المكان المخصص لتركيب اديبتور الشريحه الـــ SPI او 945 والجنبر المجاور له خاص بتشغيل سوكت الـــ SPI او شحن الفلاش والفيرم وير .


الى هنا نكون قد انتهينا من المكونات الالكترونيه والمعدات المطلوبه ونبدا على بركه الله تعالى بالدوائر فى الدروس القادمه
 

م/هشام فوزي

عضوية الشرف
التسجيل
15/9/08
المشاركات
542
الإعجابات
218
الإقامة
الاسكندرية
#2
ما شاء الله يا باشمهندس امير عاوزين ندخل على التقيل بقى والاعطال وشرح الدوائر واناشد كل من له ميول لدراسة الهارد وير التواجد والتفاعل ونوعدكم بالاحتراف بإذن الله تعالي ... تحياتى وشكري اخى امير
 

MA7AMED IBRAHEM

عضو محترف
التسجيل
24/1/10
المشاركات
467
الإعجابات
117
الإقامة
egypt
#3
رائع جدا جزاك الله خير
 
khaled helal

khaled helal

عضوية الشرف
التسجيل
8/11/06
المشاركات
9,204
الإعجابات
3,216
الإقامة
alex
#4
ايه الجمال ده ياباشا , أنا منتظر شرح الابروم , علشان أنا فى أمس الحاجة له . خالص الشكر والتحيات ,
 

حسن عـلى

الوسـام الذهبي
التسجيل
26/7/10
المشاركات
1,502
الإعجابات
183
#5
تسلم مهندس امير
 

المهندس امير درويش

عضو مميز
التسجيل
14/5/12
المشاركات
243
الإعجابات
210
#6
ما شاء الله يا باشمهندس امير عاوزين ندخل على التقيل بقى والاعطال وشرح الدوائر واناشد كل من له ميول لدراسة الهارد وير التواجد والتفاعل ونوعدكم بالاحتراف بإذن الله تعالي ... تحياتى وشكري اخى امير
حبيبى يا عم هشام من ايام المندره وسموحه وابوحمص وادكو و العماروه .

تحت امرك ان شاء من الدرس الجاى على التقيل عالطول بس برده شويه شويه علشان الناس المبتداه الى زى حالاتى تفهم

انته راجل محترف يا عم احنا مش قدك.
 

المهندس امير درويش

عضو مميز
التسجيل
14/5/12
المشاركات
243
الإعجابات
210
#7
ايه الجمال ده ياباشا , أنا منتظر شرح الابروم , علشان أنا فى أمس الحاجة له . خالص الشكر والتحيات ,
حبيبى يا عم خالد تحت امرك بس النت فصل عندى معرفتش اكمل ان شاء الله تابع باقى الموضوع وان شاء الله يعجبك
تقبل تحياتى وحبى
 

المهندس امير درويش

عضو مميز
التسجيل
14/5/12
المشاركات
243
الإعجابات
210
#8
بشكر محمد ابراهيم و حسن على على المتابعه وان شاء الله يكملوا معنا للنهايه وارجو ان كان هناك اى استفسار او اى شئ غامض يتم عرضه ومناقشته فيما بيننا
 

egyptnet

عضـو
التسجيل
27/10/10
المشاركات
1
الإعجابات
0
#9
اين باقى الموضوع يا بشمهندس شوفتنا ولا هو كدا خلص
 

AhmedRezk

عضو ذهبي
التسجيل
17/9/13
المشاركات
940
الإعجابات
32
#10
شكرا جزيلا للمجهود الكبير والعناء الشاق لتوفير هذه الشروحات حضرة المهندس
 

rgenidy

عضو جديد
التسجيل
10/2/15
المشاركات
13
الإعجابات
0
#11
جزاكم الله خير الجزاء
 

أعلى