ahmed elaraby

عضو جديد
التسجيل
13/5/12
المشاركات
2
الإعجابات
0
#1
انا مجند فى الجيش المصرى واعانى من حالة نفسية حتى الان واخذت اجازة يوم 24/8/2011 وكان مفروض ارجع يوم 26 يومين يعنى ولم اعد حتى الان ومعى ما يثبت حالتى النفسية فماذا افعل وهل لو سلمت نفسى وعرضت على سيادتهم الشهادات هاخد اعفاء
اغثنى اغاثك الله وجزاك كل خير
 

dodofula24

dodofula24

الوسـام الذهبي
التسجيل
29/7/09
المشاركات
1,783
الإعجابات
143
الإقامة
cairo
الجنس
Male
#2
انا من رايئ ان دا افضل حل انك تسلم نفسك فى اقرب قرصه وخد اوراقك الصحيه معاك ولو الورق دا جد واثبتو صحته
ممكن يتعفى عنك
والله اعلم
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#3


ارجع يا بنى لوحدتك أفضل
لأن الهروب بيدمر حياة
الانسان طول عمره ..
وانت لك عذرك الطبى .........
 

ahmed elaraby

عضو جديد
التسجيل
13/5/12
المشاركات
2
الإعجابات
0
#4
طيب متشكر جدا وانا اسف على ازعاجك بس ممكن تقولى ايه الشهادات اللى يقتنعوا بيها واجيبها ازاى وايه الاجراءات اللى هتحصل لما اسلم نفسى؟
 

damn

عضو مشارك
التسجيل
1/6/11
المشاركات
77
الإعجابات
0
#5
اياك يبني ترجع مبيقدروش الكلام ده كل اللى حيفكروة انك بتكدب عليهم زى كل العساكر ما بتكدب عشان التجنيد مقرف جدا انا بقي مش تعبان انا كنت محوز فى المستشفي العسكري 3 شهور ورجعت بالورق قائد الكتيبة قطعه ومعترفش بيه ولما لقي نفسه مضطر كان عاوز يسجني ولما ذابط السجن رفض يستلمنى وعشان حالتى الصحيه اتخانق معايا روحت سايبلهم الدنيا وماشي بعد ما قضيت نص جيشي وكان جيشي كله سنه واحده دوول كلاب بمعنى الكلمه

واقولك كمان متفرق انت سلمت نفسك زى مسكوك فاصبر يمكن تعدى معاك والكلام اللى بيخوفوك منه ده محدش واحد يقولك عن نفسه انه حصل معاه كل يقولك انا سمعت

محدش بيدور على حد دلوقتى لكن حاول تجدد بطاقتك وتعمل رخصتك تحسبا لاى مشكلة وغير محل اقامتك المسجل فى الداخليه والقوات المسلحة وصدقنى كتير اوى عايشين بقالهم سنين بالموضوع ده ومفيش مشاكل

انا شفت عسكري سلم نفسه كان دفعته قبلي وقعد فى البيت عشان والدته تعبانه كان مصيرة ايه؟؟ خد سنه ونص سجن وهو كان باقيله كام شهر اصلا ويخلص

ان شاء الله المجلس العسكري يغور فى ستين داهيه بقرفة بعد النتخابات الرئاسة اصبر كام شهر وحيبان اللى فيها من المجلس العسكري الجديد اعتقد كان محترم او غير محترم لازم يسوي موقف الهاربين ويضع حد لموضوع المتخلفين اللى بقت موضة
والله يبني انا بقولك تجربة حيه من كام شهر غير اللى بيقولك وهو كله سمع سمع مفيش حد اجزم وبدليل ان محدش رد عليا لما سألت

هل حد هارب اتاكد ان الداخليه بتدور عليه ولا القوات المسلجة بس؟؟
هل حد هارب راحله حد البيت؟؟
ياريت حد يجاوب من واقع تجربة
 
Hany Adel

Hany Adel

محامى ومستشار قانوني
التسجيل
5/4/11
المشاركات
2,344
الإعجابات
121
#6
الاخ العزيز

كلنا تعرضنا للضغوط في الجيش
والحياة العسكرية ليست رفاهية
وهي ضريبة الدم التي يجب ان تدفعها ..

وعليك حساب ما بين تحملك ومحاولة تكيفك مع الوضع
او بقاءك حتى سن 36 او ربما أكثر
حتى يتم البت في امرك
والان المسألة غرامة
وغدا قد تصبح حبسا ولفترة طويلة لانك دخلت بالفعل ولست متخلفا

لن تشعر بالمشكلة الان نهائيا
ولكن بعد شهر بعد سنة .. حين تجد نفسك مطارد
واي ممن حولك يمكنه في لحظة الابلاغ عنك وسجنك ..
يعني بقيت مذلول بهذه الجريمة ..

بالاضافة لعدم وجود فرص عمل في مصر بسبب شهادة الجيش
ولو زورت حتبقى جريمة تانية .. تزوير محرر رسمي
وتالته استعمال محرر مزور ؟؟!!

بخلاف عدم قدرتك على السفر لانك حتبقى مسجل على الكمبيوتر
وحيبجيبوك حيبجيبوك

يعني تتقفل ضبه ومفتاح
المسألة مش سهلة
ومش حيقبلوا اي شهادات خارج القوات المسلحة نهاااااااااااااااااائيا

ارجع احسن لك
انت اترفعت من على القوة حاليا ..
حتتحاكم وقول اللي عندك في المحاكمة ..

ما تضيعش مستقبلك
 

AHMED_NABIL

عضـو
التسجيل
22/4/11
المشاركات
2,044
الإعجابات
392
الإقامة
EGYPT
#7
بص ياعسكرى انت اول حاجة ترجع وحدتك

طيب متشكر جدا وانا اسف على ازعاجك بس ممكن تقولى ايه الشهادات اللى يقتنعوا بيها واجيبها ازاى وايه الاجراءات اللى هتحصل لما اسلم نفسى؟
بص ياعسكرى انت اول حاجة ترجع وحدتك وبعدين تقدم الأوراق التى تثبت انك مريض
ولو انت عيان فعلا ربنا سيعونك وانشاء الله امور اعفائك من الخدمة ستتم

اما :
لو بتصتنع ذلك هما هيعلجوك بمعرفتهم وانا كنت فى الجيش وعارف كل الحركات والأشتغالات بتاعة العيال الفرافيير مره / واحد عندنا فى الوحدة عمل انة لبسة عفريت هما بقى طلعولو العفريت بمعرفتهم الجيش
مبيرحمش
امضاء عريف مجند سابقا
رديف : 1/3/2010
وليا الشرف بالخدمة بالقوات المسلحة المصرية
 

أعلى