seosa media

عضو فعال
التسجيل
24/3/12
المشاركات
176
الإعجابات
63
#1
ب
سم الله الرحمن الرحيم



***صداع سيوزا ***

لست أعيش في فرنسا أو أمريكا أو إنجلترا

لكي أقول أنني في الغربة
و إشتقت للبلاد و العائلة و الأحباب

أنا راني في الجزائر " سكيكدة"

و أحس بالغربة في وطني
......
تغيضني كي نشوف البراني عايش في بلادي مبحبح و هانئ
و أنا مرمد

و بعد ذلك أسمع بملتقى أو ندوة حول المواطنة في الجزائر
و يقلك المواطنة هي إشارك المواطن في كافة النشاطات ووووو
و يتحدثوا على الديمقراطية
و كي خرجت إحصائية بلي رانا روطارد في الديمقراطية
ماعجبهمش الحال
و يقلك أحنا بلد ديمقراطي
....
نروحوا للجامعة
تهلكنا ...
بعض الأساتدة يقيموا لبنات على الدكور
كله بالمعارف
و كي تدير إضراب يقلك هادوا لازم يتطردوا
هادوا مشاغبين وجب تلقيمهم
....
الجامعة باهية من الخارج
و حايرة من الداخل
....
كيفاه اختصاص حاب تروحلوا ما يعطوكش ورقة الرغبات
و بعد يقلك قاصنا الكل حابيين تروحوا للاختصاص لخيرناهولكم
أو يقلك عندنا مشاكل مع الإدارة تاع الجامعة الفلانية
....
و زيد في الادارة تجي تجبد ورقة تقلك ولا يقلك بلي مكاه بصح تقدر تجبدها لاكان عندك معرفة
....
4000 دينار منحة جامعية
كيما قال عبد الغاني :دراهم مربيين
هادوا واش ندير بيهم
لابغة صباط عاد يتباع 4400 دينار جزائري
.....
سينورمال كاين الحرقة
أنا على جال والديا برك ولا راني في خبر كان
....
شبعوا تمهبيل بينا
كرهونا
....
و يقلك أحنا نشجعوا في الشبيبة
احنا او رهمنا
واش من شبيبة
....
معظم الشباب تغرست فيهم بدور الإنهزامية
....
و انا وقتاه نخطب ونتزوج
و الدراهم و الدار و الخدمة مكاه
ستة عشر سنة و أنا نقرا و بعد نكالي الحيط "حيطيست"
و بعد يقلك او انتوما ما تبحثوش الخدمة راهي كاينة
واش نخدم عساس عليكم و أنتوما تسرقوا
تفووووه عليكم
....
الإصلاحات السياسية في الجزائر
حمص فوق بربوشة
نظن الرئيس عبد العزيز بوتفليقة راهم يزيفولوا في الأحداث
قاصوا الشعب هانىء
و يقلك كاين تعددية سياسية
و البرلمان مخدوم
.......
تجي تغني الراب باه تنتقد الأوضاع
يقلك أنت محرض على العنف
.....
تجي تكتب مقال على الفساد
يتهمك بالقدف و السب
.....
تجي تخطب في مسجد
يقلك أنت حاب تغرس أفكار تطرفية
.....
ماحايبش نحرق روحي..
....
بصح راهم كارهوني على الصباح
انا او غير وان نضت
نحكم روحي برك رايح نطيخ
لابغة الدخان حبستوا
ربي يستر
راني رايح
يتبع في صداع أخر...
SEOSA SALAH EDDINE

ملاحظة : إذا لم تفهم ما كتبت فأنت ماراكش عايش في الجزائر
راني كتبتها بالدارحة لكي لا تفهمها السلطات القارية و الفاهمة و المحترمة
 

الجازية

الجازية

عضوية الشرف
التسجيل
8/7/08
المشاركات
5,800
الإعجابات
2,689
الإقامة
العالم العربي
#2


حياك الله أخي وبارك بك

فهمت جزء كبير مما كتبت

وأسأل الله أن يُعينكم على ما أنتم فيه

وأن تعودوا لوطنكم سالمين غانمين من غير سوء


 

khaled99

عضوية الشرف
التسجيل
6/8/10
المشاركات
16,469
الإعجابات
1,769
العمر
34
الإقامة
مصر- المنيا - منشأة بدينى
#3
حياك الله أخى
كلنا فى الهم عرب من المحيط الى الخليج
مشاكلنا وهمومنا واحد
الله يصلح احوالنا واحوال بلادنا وولاة امورنا
 

أعلى