و افوض امرى الى الله

عضو مشارك
#1


انا فى حاله قلق شديد و محتار اعمل ايه

انا عندى 29 سنه و 5 اشهر و احتاج الى شهاده الجيش لاجد عمل جيد

و انا تخرجت من الكليه 2011 و موعد تقديم الجيش بتاعى هو اول اربعه

انا اقوم بالانفاق على اسرتى و هى امى و اختى الاكبر منى و لى اخ كبير و لكن هو يسكن بعيد عنا و انا اعتبر العائل لاسرتى الوحيد

و تخصصى مطلوب فى الجيش

انا اريد ان اتقدم الى الجيش و اذا سمعت الارجاء و وجدت اننى دخلت الجيش لا اذهب بعد ذلك الى الجيش لاننى لا استطيع ان اترك اسرتى بدون عائل

ما هو الموقف افيدونى بالله عليكم هل اصبح متخلف ام متهرب و ما هو الفرق

جزاكم الله خيرا
 

Hany Adel

Hany Adel

محامى ومستشار قانوني
#2
اذا كنت لن تتمكن من دخول الجيش فالخيار لك
لان سنك ليس له عادة ارجاء

لانه بمجرد سمع الارجاء فانت طبقا للنظام الحالي
بعد تصويرك ؟؟؟؟؟
فانت على قوة الجيش ..

تحياتي
 

و افوض امرى الى الله

عضو مشارك
#3
استاذ هانى انا روحت النهارده الى منطقه التجنيد الهايكستب
و سالت على سن الامتناع لجامعه الازهر و لقيت اراء مختلفه جدا
30 و 30 6 اشهر و 31
و الله محتار و مش عارف اعمل ايه
ياريت حضرتك تقولى الراى القانونى ربنا يكرمك يارب
و سوال اخر هل لو تزوجت من فتاه تركيه يعطينى الحق فى الاعفاء من الخدمه
جزاك الله خيرا
 

و افوض امرى الى الله

عضو مشارك
#4
استاذ هانى انا روحت النهارده الى منطقه التجنيد الهايكستب
و سالت على سن الامتناع لجامعه الازهر و لقيت اراء مختلفه جدا
30 و 30 6 اشهر و 31
و الله محتار و مش عارف اعمل ايه
ياريت حضرتك تقولى الراى القانونى ربنا يكرمك يارب
و سوال اخر هل لو تزوجت من فتاه تركيه يعطينى الحق فى الاعفاء من الخدمه
جزاك الله خيرا


 
Hany Adel

Hany Adel

محامى ومستشار قانوني
#5
افتح القانون الخاص بالخدمة العسكرية

كل الشباب 30
ما عدا جامعة الازهر فقط ؟؟؟؟؟
اذا كان بس في السنة النهائية بيمتد 30 وست شهوووووور

لو كنت ف اخر سنة بس يمتد ست شهور وبعدها امتناع عن التجنيد

كل واحد من اللي سألتهم بيفتي وخلاص .

افتح القانون

والزواج من اجنبية مش مبرر للاعفاء من التجنيد
الا لو كانت اسرائيلية طبعا !!



تحياتي
 

و افوض امرى الى الله

عضو مشارك
#6
استاذ هانى ربنا يكرمك
انا عندى 29 سنه و 7 شهور و اتخرجت من كليه الهندسه 2011

هل اذا انتظرت حتى سن 30 سنه يكون هذا سن الامتناع باذن الله

ربنا يكرمك قولى جواب نهائى لان انا موعد تجنيدى شهر 4 و انا مش عاوز ادخل الجيش و اترك اسرتى لان والدتى مريضه و اخوتى بنات

هل انتظر حتى سن 30 و اعمل مصالحه
 
Hany Adel

Hany Adel

محامى ومستشار قانوني
#7
انا ما اقدرش اقولك ما تدخلش الجيش
لان ده مخالف للقانون ...

ولكن اذا بلغت 30 سنه
ولم تقم باي اجراءات تعد على قوة الجيش وتعتبر هارب وليس متخلف ..
فلا يكون لك تجنيد ..
ويتم محاكمتك

تحياتي
 

و افوض امرى الى الله

عضو مشارك
#8
استاذ هانى شكرا جدا لرد حضرتك

و لكن انا وجدت فى موقع فقره فى القانون
و هى كالاتى

حددت المادة 36 من القانون الخدمة العسكرية والوطنية رقم 127 لسنه 1980 سن الإلزام النهائي للتجنيد فجعلته سن الثلاثين ، بصفة عامة وسن الحادية والثلاثين بالنسبة لطلبة وخريجي الجامعة الأزهرية.



هل هذا القانون تغير و اصبح سن التخلف حتى لخريجى جامعه الازهر هو 30 سنه ؟؟؟؟
 
Hany Adel

Hany Adel

محامى ومستشار قانوني
#9
يا أخى الفاضل

هذا اذا كنت طاااااااااااااااااااااااااااااااااااالب في السنة النهائية أزهري
يمتد ليك فترة الامتناع

ولكن بخلاف هذا 30 للجميع

فهل انت الجامعة اجلت لك لسن 31 ؟؟؟
وما تاريخ حصولك على المؤهل الدراسي ؟
2011
والتأجيل حتى لو الجامعة عملته لك
بينتهي بمجرد حصولك على الشهادة وتخرجك

ما تتعبش نفسك كتير ..
واتأكد من كلامي في مكتب التجنيد في القسم التابع له او
في مركز التجنيد في منطقتك

وهما حيأكدوا لك
بس ما تقولهمش طبعا انك عايز تخلع !!!

والمادة كاملة في القانون هي كالتالي

مادة 36-

لا يجوز أن يطلب للخدمة العسكرية
من أتم الثلاثين من عمره
ويستثنى من ذلك طلبة كليات الجامعة الأزهرية المشار إليهم في الفقرتين الثانية والثالثة من البند (هـ) من المادة (8)
وكذلك
من يحصل منهم على المؤهل بعد إتمامه سن الثلاثين
فيمتنع
طلبه للخدمة العسكرية عند إتمامه سن الحادية والثلاثين .

ولا يسرى حكم الفقرة السابقة في حالة الحرب أو التعبئة أو الطوارىء وبقرار من رئيس الجمهورية .

على انه بالنسبة إلى طلبة كليات الجامعة الأزهرية يشترط ألا تزيد سن الطالب على ثلاثين عاما .

المادة 8
.......
وإذا بلغ سن الطالب في الفرق النهائية الحد الأقصى المشار إليه في البنود (أ- ب – ج – د – هـ) من الفقرة الأولى استمر تأجيل تجنيده إلى نهاية العام الدراسي بشرط ألا يتجاوز سن الطالب الثلاثين عاما وستة اشهر بالنسبة لطلبة كليات الجامعة الأزهرية .

تحياتي وبالتوفيق
 

و افوض امرى الى الله

عضو مشارك
#10
شكرا جدا لاهتمام حضرتك يا استاذ هانى
بجد حضرتك تعمل مجهود ربنا يكرمك عليه


حضرتك انا مواليد 9 1982

و شهاده التخرج اعتمدت بتاريخ 9 2011 من الكليه
و من الجامعه بتاريخ 11 2011

و انا الان سنى لم يتجاوز 30 عام
تحديدا 29 سنه و 7 شهور

انا سالت فى التجنيد فى الاستعلامات قال السن 30
فى مكتب كبار السن قال 31
و سالت عميد قالى اما 30 او 30 و 6 شهور

و الحقيقه انا مش واثق فى كلامهم لانهم مترددين و مش مهتمين بمصلحه اى حد رغم انى شرحتلهم ظروفى

و كلام حضرتك موثق اكتر منهم

ماذا تنصحنى حضرتك

هل انتظر حتى سن الثلاثين

و اسف انى سالت كتير و متشكر جدا على مجهود حضرتك
 
Hany Adel

Hany Adel

محامى ومستشار قانوني
#11
الشكر لله
وانا مش الاستاذ الفاضل جمال على فكرة

وعليك الانتظار لما بعد الثلاثين

تحياتي
 

و افوض امرى الى الله

عضو مشارك
#12
شكرا لحضرتك استاذ هانى

و اسف على الخطا فى الاسم

جزاك الله خيرا يارب
 

أعلى