عادل ماجد

عضو مشارك
#1
خناجر من دمع نزلن على الخدين ,,
وانـــه مــن الــصــغــر والله حبيتــــك ..
ولــحظات الفرح احــسب ولا كـول ,,
جم عيد وجم وفرح بس اني هنيتك ..
اذا انت الحــمام اتــطير وين تــروح ,,
رسمت الـــســعد بــدروبك ودليتــك ..
واذا انــت الورد والعطـر مــنك فــاح ,,
تلكاني اول نفــس اشتمه شميتــك ..
ومن تعطش يروحي لا تجيب الماي ,,
كثفت الدمع من عيني وسكيتــــــك ..
واذا فد يوم تبرد لا تشـــيل هموم ,,
بحضن واحــــد حضنتــك ودفيتــــك ..
عيون الناس ما ترحم يبعد الروح ,,
افتحت صدري شلت كلبي وضميتك ..
صرت انت كلبي وبيك النفس مرتاح ,,
وصار الحـــــــب اللي بداخلي بيتك ..
وصرت انت عيوني وبيهن اباوع بيك ,,
واي شي حلو شفته اني راويتـــك ..
كفر هذا الخيال العايش اني بيه ,,
وكلبي المجروح تذكر من هديتــــك ..
وادوس اعله جرحه ولا بين الآهات ,,
وتدوس اعله الجرح يا عمري خليتك ..
سكوتك هذا دمرني وشعل بيه النار ,,
هم تكتم يا حبيبي السر اذا سريتك ..
يل كلك ذهب ياقوت بس مرجــــان ,,
ومكانك بالكلب بيدي اني وديتـــــك ..
واذا بصحراء تــــــايه تلتفت محتار ,,
وانه من ابعـــــــيد عاينتك لكيتـــــك ..
اجيت ولهفتي تسبقني والاشواق ,,
وعلى جتافي يروحي شلتك وعديتك ..
نظراتك حبيبـــــــي تمحي هلعبرات ,,
يريت عيونك مـــــا ترمش وياريتـــــــك ..
لكتب قصتك وبحبك ارســـــم دوم ,,
بحبي للعشك وي اسمك وغنيتك ..
وابعد بالبحر ابعد واســـــــافر بيك ,,
وعلى مرسى العشك ياعمري رسيتك ..
وعلى مرسى العشك ياعمري رسيتك ..


وشكرا : عادل الشاعر ..

ويمكنكم سماع هذا الشعر بألقائي على هذا الرابط :

http://www.4shared.com/mp3/KfdWb8dW/adel_alshaer__habetak.html?

 

أعلى