salm slem

عضو جديد
#1
من اشعار الشاعر رامى يحيى المسجله
طبع الناس اتغير
وطلع السبب كوره
الاخ قتل اخوه.. اتصور!
وطلع العيب ان الكوره متيوره

اه ياللى حبك ملايين
وسموهم فى حبك مجانين
عشتى فيهم وفى حبك هما عايشين
وخرجوا منك قتيل ومقتوله
طبع الناس اتغير وطلع السبب كوره

اللى لعبوا بيكى بقيوا نجوم
واللى لعبتى بيهم بقت شمسهم غيوم
وبعد ما كان فرحان بيكى بقى مهموم
وحالوا فى حبك بقى يحير
طبع الناس اتغير...وطلع السبب كوره

شوف راحت فين
وجايه منين
شوف شايف؟؟
شجع اعلى تشجيع
وبعد ما اتقطع تقطيع
ومن اللى شافه منك بقى خايف
ودمه لسه فى هدومه ولسه ما غير
طبع الناس اتغير ... وطلع السبب كوره

كنت واقف بتشجع باعلى صوت
واهو ماتش وكل الماتشات بتفوت
وماكنتش فاكر انها ثوانى فى الحياه وهتموت
وصراخ اهلك عليك هيدور
طبع الناس اتغير.. وطلع السبب كوره

كل واحد خرج من بيوته
وخايف ان لقطه واحده تفوته
ورجع فى نعشه وخسر حياته
وده كان جزاته
هتافه وصوته

فى كل مكان فى الملعب بلقاك
اهو النهاره بقى يوم عزاك
وايام وهتفوت
وياترى الكره هتفضل فكراك ولا هتنساك
ولو افتكرتك تبقى مشكوره
طبع الناس اتغير وطلع السبب كوره

الوم عليكى علشان عايشين فى حبك سنين
وخرج منك مشجع فرحان ومشجع حزين
والاخر كمان اتخرج منك مايتين
والوم عليكى ليه ما انتى معذوره
طبع الناس اتغير وطلع السبب كوره
http://www.youtube.com/watch?v=M5z298QHSk0
 

أعلى