nora_ros

عضو مشارك
#1
معذرة اذا اطلت فى القصه الموضوع انى اشتريت جهاز كهربائى بالقسط ومضيت عليه ايصالات امانه المهم كنت اسدد فى مواعيدى مظبوطه وقبل انهاء المبلغ باربع اقساط بلغنى البائع بزياده الف جنية لانى احيانا كنت ارسله الفلوس فى البريد لاننا نتعامل مع بعض منذ سنوات طويله المهم تقريبا هو وسط الوصولات كان حاطط وصل على بياض وانا مخدتش بالى او زور فى الرقم المهم انا قبلته وصممت على موقفى انه مزود عليه الف جنيه بدون حق وكان معى المبلغ كاملا لانهى الاقساط رفض استلامه من غير الالف ج الموضوع ده من سنه او اكتر وكل ما اطلب اشوف الايصلات وادفع الفلوس يتهرب من انه يورنى الوصولات وبالتالى انا مدفعش بدء يهددنى ورفع عليه دعوة واتحكم فيها غيابى وانا لا اعلم الا انه من ايام اتصل بيه وقالى عشان العشره انا بقولك ان عليكى حكم غيابى بسنتين و6 الاف ج كفاله روحى اعملى معارضه وادينى جزء من الفلوس وزود على المبلغ 2000 غير ال 1000 بس المهم تدينى الف ونص حاليا انا بصراحه اتهربت منه ورحت المحكمه وعملت معارضه واطلعت على الايصال ووجدت ان الايصالات القديمه اللى معايا غير صورة الوصل اللى مقدمه بس فعلا امضتى هى اللى فى الصورة لانه مقدم جنحه مباشره بالصورة فنصحتنى محاميه بطلب اصل الوصل والطعن فيه لان المبلغ المكتوب فيه 65000 واصلا كل المبلغ اللى كان عليه 2200 ج فهل اطعن وهل الايصالات القديمه اللى معايا اللى مكتوب فيها اسم المعرض بتاعه بعكس الصورة اللى متقدمه مفيهاش اسم المعرض هل الايصالات دى هتفدنى انا بصراحه مش عاوزة يستغلنى لانى من الاول كنت منتظمه معاه ولم اتاخر فى احد الاقساط ارجو النصيحه وشكرا
 

gamal gamal

محامى ومستشار قانوني
#2
عليكم السلام

النصيحة

اذا كنتى واثقة أن التوقيع مزور
اطعنى بالتزوير عليه وامشى فى اجراءاتك .

واما

أن تنهى الموضوع وديا وتدغهى ما عليكى
وبلاش المحاكم والظلم اللى فيها .......

وأنا أميل الى الحل الثانى .........
 

nora_ros

عضو مشارك
#3
متشكرة جدا لرد حضرتك هو فعلا توقيعى بس الوصل ده مش اللى انا ماضيه عليه ودى صورة يعنى ممكن يكون قص مكان الامضاء ولزقة فى وصل تانى وصورها ينفع القانون يحكم بصورة من غير اصل ؟
 

nora_ros

عضو مشارك
#4
معلش اخر استفسار لو انا عملت بالحل التانى بتاع حضرتك هو مصمم ياخد الفلوس حاليا و معاد الجلسه 18/3 لو ادته الفلوس ايه الضمان انه يحضر جلسه 18-3 ؟
 

gamal gamal

محامى ومستشار قانوني
#5
الضمان صلح موثق
أو توكيل خاص بالتنازل
بايم محامى من طرفك ...

والمحاكم ممكن تحكم بصورة
ومن حقك تطالبى بتفديم الأصل ...
 

nora_ros

عضو مشارك
#6
متشكرة اوى اوى اوى لحضرتك ربنا يكرمك :)
 

أعلى