قمرالشام

الوسـام الماسـي
التسجيل
6/1/09
المشاركات
7,011
الإعجابات
3,559
#1
اذا كنت طالع ممكن يخبط راسك بالباب لأنو ارتفاعو أصلا غلط
فاذا كنتي صبية رح تسمعي : الله ..الله ..خير صرلك شي ؟؟؟؟ من كل الركاب طبعا و نظرات العالم كلها شفقة ورحمة و وكلن يمكن يضربو الشوفير لأن الحق عليه ما اشترا سيرفيس الو اكياس هوا مشان الصدمات



واذا كنت شب فرح تسمع العالم عم تضحك وتقول العما بعيونك ضربت الباب مانك شايف !!!!!!! يالله بتستاهل ..شوف وين كنت عم تبصبص

وقت بتسكر الباب بهدوء تبعا لتعليمات الاعلان اللي موضوع عالباب وما بيتسكرإلا بهدوووء
اذا كنت صبية … دخيل الله شو هالأنوثة ليك وحتى عالباب مالها نفس تخبطو
اذا شب …. ليك التشتوش ليك....... مالو حيل يسكر الباب...... تفه عهالجيل التعبان

وقت بتسكروووووو بقوة

اذا كنتي صبية … يا حرام اكيد معصبة من شي شغلة..... الله يعينها
اذا شب …. هشششش فهمنا انك أبضاي خلعت الباب با هووووووو

وانت قاعد ممكن يجيك اتصال

اذا كنتي صبية ….. ياخ مأحلا صوتها نيالو المحظوظ يلي بتكلم معها .. ومعها اريكسون كمان......... يا اخي مزووووووءة كتير
اذا كنت شب …. تضرب انت واللي داير عم يتصل عليك....... وطي صوتك صرعتنا والله فهمنا معك موبايل أي شو يعني كلنا معنا موبايلات

وقت بيوقفلك الشوفير وما بيكون في معو محلات أصلا

اذا كنتي صبية... ما عليك الا انو تنظري نظرة وحدة لأي شب من اللي قاعدين بتلاقيه نط وقعد عالسفنجة اللي بعكس الشوفير ......صاحب نخوة ماشاء الله
اذا شب ......دبر حالك عالدولاب وازا ما عجبك روح مشي .......نحنا بعمركن كنا نروح عالحسكة مشي


وقت بيكون معك اغراض
اذا صبية..... في مين يطالعلك ياهن وينزلن ويحطن بحضنو اذا بدك والناس شو بتقول بقلبا : يا حرام!! وين اخواتها الشباب يجيبو الاغراض

واذا كنت انت اخوها وجبت الاغراض شو رح يقولو ؟؟
هوهوووووووو علينا تعا حطن بحضننا شو رايك !!! كلو مشان ما تاخد تاكسي لعما البخل .....شو هالنا س ياخي


وقت بتطلع غنية بشعة كتير والصوت قوي والناس طاءة رواحها من الدوامات

اذا صبية كنتي..الك الحق تقوليلو وطي الصوت ازا بتريد او غير المحطة والعالم رح تقول اي اي غيرا مراعاة لشعورها (اكيد في الها ذكرى حزينة بقلبها) مسكينة هالصبية
اما اذا شب رح يلتفت عليك الشوفير ويقوي الصوت حبة تانية ورح يقول : ليك هالعالم ليك بدو يشترينا بالعشر ليرات تبعيتو !!!


وقت بدك تعطي الاجار

ما بتفرق اذا كنت شب أو صبية اي لو كنت مين ماكان الاجار اهم شئ وهاي الشغلة الوحيدة ما فيها فرق ولا شو رايكن؟؟؟؟؟

وقت بدك تنزل وتقول للشوفير على مهلك وما يسمع بسبب الاغاني اللي حكينا عنها من شوي

اذا كنت شب بيتطلع فيك اللي حدك وبيقلك بنظرة فوقية : ما سمع صوتك
وبينط التاني بعد ما بتمر جنب بيتك وانت مستغرب انو السرفيس ما عم يفكر يوقف وبيقلك نازل ؟؟ وبنزل بعد 200 متر من الموقف
واذا كنتي صبية
ما عليكي الا انو تفكري تفكير بالنزلة او تهمسي همس بينك وبين حالك نزلني واسمعي الشباب كلن بصوت واحد :

على مهلك على مهلك ….. نزلها …. شو مانك سامع ؟
:1002::1002::1002::1002::1002:
 

يسعد صباحك

عضوية الشرف
التسجيل
29/7/05
المشاركات
21,626
الإعجابات
4,016
#2
.........

أضحك الله سنك أختي الفاضلة أم أنس ,

أسعدك الله في الدارين .
 

قمرالشام

الوسـام الماسـي
التسجيل
6/1/09
المشاركات
7,011
الإعجابات
3,559
#3
سعيدة بمرورك
شكرا لك
 

أعلى