جمال عبد العزيز م

شُعراء البوابة
#1
مين مبارك





هل مبارك بس حسنى؟
ام مبارك حد تانى؟؟؟
******
لو مبارك بس حسنى::
كان زمان الامن بينا ..مستتب
كان زمان الشعب ريح
فاتح التلفاز يقزق.. فول ولب
كان زمان العجلة لفت
والحياة من تانى مشيت
والعزيمة والشهامة وخفة الدم فى عروقنا
تانى رجعت
يبقى حسنى مش مبارك..او مبارك بس حسنى
******
لو مبارك حد تانى ..
هو مين؟؟
ناس بتحلف إن دا شيطان دفين
بين عروق الناس بيسبح
وف عقول البعض ينبح
وف قلوب الكل يدبح
يبقى هو دا اللعين
******
ناس بتحلف
ا ن دا أولاد مبارك
واحنا اسفين ليك يا ريس
بس هو حريمة .. واحدة.. يبقى خلف دول منين؟؟
نام بنسوان ف الحرام ؟؟
ده كلام !!!
هو كان فاضى لحريم !!
مش هطول فى الكلام
ربنا ستار كريم
والمثل بيقول يا صاحبى
ال خلف يوم ما متش
خلفه طالعه زى ابوهم
مخه.. قلبه..
حتى روحه عايشه فيهم
******
ناس بتحلف
إن طنطاوى وعساكره
مش بيفرقوا حاجه عنه
هو .. هو .. حتى ريحته
******
والحقيقة بس فين؟
مين مبارك هومين؟؟
هو حسنى؟؟
هو شيطان مستخبى؟؟
هو عسكر قاعده فوق راس البلاد؟؟
هو شر فى ايده مدفع
راح يقتل فى العباد؟؟
هو ضيع ..
هو جوع ..
هو مرض ..
هو عذب شعب مصر؟؟
هو تهمة كل عصر؟؟
هو ذنب ف كل دار؟؟
هو ماضى .. كله عار؟؟
اى جاهل يبقى حسنى
اى عابث بالامانة والديانة والاصالة ..
يبقى حسنى
اى مسجون بين ضلوعه
حابس الفرحة ف دموعه
من مشاكله ومن همومه ..يبقى حسنى
يعنى هو باختصار...
كل مصرى عاش حياته باحتقار
او حرامى سف مال الناس وودع ع المطار
يبقى مين هو مبارك؟؟
هو مصر الماضى .. هو.. المرار..
******
وال عايز يعرف اكتر..
او يشوفوا الصورة اوضح..
اسألوا عنه الميدان
اسألوا جرس الكنايس
و اسألوا صوت الادان
اسألوا الناس ال ماتت
لجل نحيا فى الامان
واسألوا الناس السجينة
فى المقابر واللومان
راح يقولوا مين مبارك
وال مش عايز يصدق
بكره تشهد يا زمان
******


جمال نصير فى 18/12/2011
 

hadi almawt

الوسـام الماسـي
#2
الله يعينكم ياشعب مصر. الله ينصركم على كل ظالم
 

جمال عبد العزيز م

شُعراء البوابة
#3
الله يعينكم ياشعب مصر. الله ينصركم على كل ظالم
اللهم امين وانصر الاسلام والمسلمين فى كل مكان وشكرا اخى العزيز على زيارتك الكريمة
 

aalyhabib

عضو ذهبي
#4
دا شيطان دفين

واسألوا الميدان وجرس الكنايس و اصوت الادان و الناس اللي ماتت
 

جمال عبد العزيز م

شُعراء البوابة
#5
اللهم خلصنا نحن جميع المسلمين فى كل مكان من شياطين الانس والجن وانصر الحق يا رب العالمين
شكرا على المرور الطيب
 

أعلى