جمال عبد العزيز م

شُعراء البوابة
#1
(ميد ان شاينا)

عايزين الة (ميد ان شاينا)

تعمل أيها شيء ف الدنيا
وتخلصنا من شياطينا
تدخل جوا قلوب الناس
وبتكشف ايها احساس
تزرع قلب ... وتصنع حب
تعمل امة لو من لمة
تصنع شعب بلمسة زر
وال بنتمناه يتحقق...والمسجون بيها يصبح حر
الة خيالية .. مش عربية..
ولا يعرف سرها حرامية
حتى ان عطلت .. تتصلح بعقول صينية
فيها زرين بس اتنين
****
دوس ع الاول .. يظهر لينا الناس الخاينة
دوس ع التانى .. احرق كل الخونة بنار
لحظة يعيشها الخاين بينا... ذل وعار
****
دوس ع الاول .. نعرف مين ال بيكرهنا
وال بيلعب بينا وفاكر
انه هيقدر يوم يخدعنا
دوس ع التانى .. وقفه عند حدوده .. صاحبنا..
واسرح جوا ضميره وقل له
قلب المؤمن هو دليله
مش راح تقدر يوم تنافقنا ..
****
دوس ع الاول ..نعرف مين ال بيهوانا
لو نتناسى يجينا فى نومنا
مهما نعادى و نقسى و نبعد
نلقى مفيش ف الدنيا هواه
هو لوحده بنتمناه
دوس ع التانى ..ادخل قلب حبيبنا وازرع
اجمل وردة
وارسم اجمل قبله تقوله .. انى بحبه
****
دوس ع الاول ..فهم كل الشعب النايم
ان الناس ال بتحكمها
عايشة فى دمها زى الدود
بتموتها ببطء شديد
عايزه الضلمة .. مهما شموع الدنيا تزيد
دوس ع التانى .. هات له حكومة (ميد ان شينا)
تعرف امته وكيف تتعامل .. وييا شعوبها
تصنع ناس بتحب بلادها
تبنى بلادها بجهد وحب وعزم ولادها
تبدأ تانى بعزم اكيد

****
دوس ع الاول .. بين حجم فساد حكامنا
افضح كل ضميرها الاسود
ال بتحرق بيها احلامنا
دوس ع التانى ..قل للشعب الصامت انطق
قوم واتحرك
اعمل ثورة تهدك عدوك
ابدأ بيها حياتك.. انهض
بيها هيشهد كل الكون
خلص شعبك فرعون
****
دوس ع الاول ..بين كل معانى الكره
معنى الحقد ومعنى الفقر
دوس ع التانى ..علم كل الناس الحب
ازرع فيها الرضى بالقسمة
خليها تعرف
ان الفقر مكانة القلب




جمال نصير فى 3/12/2011
<!-- / M.Ysser هاك حفظ حقوق الموضوع لموقعك تعديل وتطوير mr.product - برمجة -->
 

khaled99

عضوية الشرف
#2
تسلم اخ جمال ويعيش قلمك
 

جمال عبد العزيز م

شُعراء البوابة
#3

أعلى