wmgc

عضو مشارك
التسجيل
20/7/09
المشاركات
67
الإعجابات
1
#1


انا لى اختين اكبر منى متزوجين ولهم سكنهم الخاص فى احد محافظات مصر وكنا ساكنين فى شقة ايجار قديم باسم والدى اختى الكبيرة تزوجت فى حياة والدى ووالدتى فى مسكن خاص لها ثم توفى والدى وطلع الوصل باسم ورثة المرحوم والدى وفضلت انا واختى ووالدتى فى الشقة تزوجت اختى الثانيه وتركت المنزل فضلت انا ووالدتى الى ان توفيت والدتى وفضلت انا لوحدى فى الشقة ومازال الايصال بيطلع باسم ورثة المرحوم والدى ... عرض على صاحب العمارة شراء الشقة تمليك فاشتريتها باسمى عشان اتزوج فيها باذن الله عاوز حاليا اجرها لظروف خاصة بى اخواتى عاوزين يطعنوا فى العقد ويفسخوا العقد بحجة ان صاحب العمارة باع لى الشقة من وراهم ولم ياخذ منهم تنازل عن حقهم من الشقة او بيدعوا انى رضيت صاحب العمارة بمبلغ عشان يرضى يكتب العقد ويتغاضى عن حق اخواتى فى الشقة وطبعا هذا لم يحدث اطلاقا والله شاهد على ما اقول وان اختى الثانيه اللى تزوجت فى حياة والدتى عاوزه تدعى انها كانت مسافرة ورجعت وعنوان بطاقتها على نفس عنوان الشقة حاليا بتاعت والدى لانها لم تقوم بتغير العنوان الى محل ساكنها المتزوجة فيه حاليا ولم تطلع بطاقة عائلية منذ ان تزوجت مع العلم ان وثيقة الزواج بتاعتها مكتوب فيها عنوان المسكن اللى هى عايشه فيه حاليا وكذلك شهادات ميلاد اولادها ومدارسهم فهل يجوز الطعن فى هذه الحالة وفسخ العقد ..علما ان تاريخ وفاة ابى مارس 2005 وامى مايو 2009 ...

ثانى حاجة عاوزين حقهم الشرعى فى الشقة بمعنى لو انا بعتها ياخذوا هما النصف وانا النصف وكذلك بالنسبه للايجار لو اجرتها ياخذوا هما النصف وانا النصف فايه راى حضرتك فى الكلام ده من الناحية الشرعية ... نسيت اذكر حاجة ان العقد اللى معايه حاليا لم يذكر فيه ان الشقة كانت ايجار قديم ... وفى حاجة كمان انا اخد الشقة ده لان عندنا بيت ملك باسم جدتى وهى متوفيه رحمهم الله جميعا و والدتى ليها شقة فيه فلقدر الله لو حصل لاخواتى اى حالة زى طلاق مثلا هيروحوا يسكنه فيه ..
 

Hany Adel

Hany Adel

محامى ومستشار قانوني
التسجيل
5/4/11
المشاركات
2,344
الإعجابات
121
#2
اهلا بك

العقد التمليك تم تسجيله ؟
ام مجرد عرفي حتى الان ؟

واين عقد الايجار القديم ؟
هل تم اعادته للمؤجر ام ماذا ؟
 

wmgc

عضو مشارك
التسجيل
20/7/09
المشاركات
67
الإعجابات
1
#3
لا عقد التمليك عملت عليه صحة توقيع فقط ...

وبالنسبه لعقد الايجار القديم فهو معايه وصاحب العمارة او المحامى بتاعه لم يطلبه منى اثناء كتابة عقد التمليك ..
 
Hany Adel

Hany Adel

محامى ومستشار قانوني
التسجيل
5/4/11
المشاركات
2,344
الإعجابات
121
#4
عندك حلين
الاول >> ترضيتهم بأي مبلغ والحصول على تنازل منهم ..
وكان هذا من المفترض حدوثة .. بالتراضي لتجنب هذا الموقف قبل التحرك ..

الثاني >> اخفاء عقد التمليك .. والعمل على تسجيله في هدوء ..
واستمرار الشقه كأنها ايجار قديم كما هي ..

وعدم الاستجابة لاي شئ من جانبهم واللي تحب تسكن وتسيب ولادها وبيتها
اهلا وسهلا .. وطبعا ده مش حيحصل ... من ناحيتهم ..

بالنسبة للطعن على العقد ..
يمكنهم الطعن عليه بالطبع لانهم من الورثة ...
وسيأخذ هذا الامر فترة طويلة .. ممكن 10 او 15 سنة باذن الله ..
ابتدائي واستئناف ونقض ..

ووقتها يكون ربنا كرم الجميع .. وتم الغاء قانون الايجار القديم اصلاااااا..

غير العداد الكهرباء والغاز والماء باسمك ..
حاول التفاهم معهم .. كي لا تخسرهم ..

ولو تحب تأجرها .. حتدخل اكيد في قضايا ..
ومن الافضل تسجيلها في الشهر العقاري

تحياتي
 

wmgc

عضو مشارك
التسجيل
20/7/09
المشاركات
67
الإعجابات
1
#5
ممكن افهم نقطة يا استاذ هانى مش هما بمجرد ما تزوجوا وتركوا منزل والدهم و والدتهم انقطع حقهم فى الامتداد القانونى لعقد الايجار واصبح انا لى الحق فقط فى الامتداد القانونى لانى كنت مقيم مع والدى ووالدتى لغاية ما توفوا رحمهم الله بصفة دائمة ومستمرة وبالتالى يحق لى التفاوض مع المالك دون الرجوع اليهم حسب ما فهمت من موضوع الاستاذ جمال .. ده :
http://www.damasgate.com/vb/t/193518/

معلش سؤال اخر ايه صحت ما سمعت اننا لا حق لنا جميعا فى البقاء بالشقة بعد وفاة والدتنا فى عام 2009 لما كانت ايجار قديم قبل ما امتلكها ..
 
Hany Adel

Hany Adel

محامى ومستشار قانوني
التسجيل
5/4/11
المشاركات
2,344
الإعجابات
121
#6
الاخ الفاضل

هذا الكلام سليم .. ولكنه محض السلطة التقديرية للقاضي
وفي كل الاحوال اذا لم تقم بالتراضي معهم ..
فسيببون لك مشكلة قانونية في حالة بيع الشقه ..

او لاي مستأجر لها ...
لا تخسرهم ..
وحاول التفاهم معهم
 

tofey2010

عضو مشارك
التسجيل
23/9/05
المشاركات
67
الإعجابات
0
#7
هو انت لسه متعرفوش ان المستاجرين ان شاء الله فى نار جهنم ربنا ينتقم من ضيع ملك صاحب الملاك وخله ناس ملهش ملك تتخنق على املاك الناس وهى حرم اصلان
 
Hany Adel

Hany Adel

محامى ومستشار قانوني
التسجيل
5/4/11
المشاركات
2,344
الإعجابات
121
#8
هو انت لسه متعرفوش ان المستاجرين ان شاء الله فى نار جهنم ربنا ينتقم من ضيع ملك صاحب الملاك وخله ناس ملهش ملك تتخنق على املاك الناس وهى حرم اصلان
الاخ الفاضل
الزميل صاحب الموضوع اشترى الشقة من صاحب الملك

ونحن نعلم كل ما تتحدث عنه
ونرجو عدم مهاجمة الاعضاء بهذا الشكل .. فهو لن يغير من الامر شيئا للاسف
في القريب العاجل


تحياتي
 

أعلى