lalyleee

عضو مشارك
التسجيل
9/2/10
المشاركات
32
الإعجابات
0
#1

انا كان عندى استفسار ويارب اقدر الاقى اجابه
دلوقتى انا عايشه فى دولة اجنبيه , وعندى بنتين صغيرين مولودين هنا ولكن للاسف لسه ماطلعناش ليهم شهادات ميلاد مصريه , وللزوم السفر طلعناهلم جوازات سفر اجنبيه من البلد اللى احنا فيها

وسؤالى هل ينفع اسافر بيهم مصر من غير باسبور مصرى او فيزا الدخول الخاه بالاجانب, بحجة ان الام والاب مصريين ويحملون جوازات سفر مصريه؟
ولا لازم تاشيره من المطار؟

السؤال التانى
لو طلعتلهم فيزا مدتها حسب القانون شهر, وفى خلال الشهر ده هطلعلهم شهادات ميلاد مصريه وباسبور مصرى
فهل استخراج شهادة الميلاد المصريه فى خلال مدة اقامتهم فى مصر تلغى الفيزا اللى من خلالها دخلوا بيها مصر؟
ولا لازم يسيبوا مصر بمجرد انتهاء مدة صلاحية الفيزا حتى ولو ليهم شهادات ميلاد مصريه؟

واخيرا انا متشكره قووووى واتمنى تردوا عليا وكل سنه وحضراتكم طيبين
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#2
رد: فيزا دخول مصر لابناء مصريين

عليكم السلام

بالطبع سيكون دخولهم مصر بموجب
جواز السفر الأجنبى وبالاجراءات المتعارف
عليها .........
وبعد دخول مصر
يجب اتباع الآتى : حتى تكونى على علم بالاجراءات ..........


إجراءات قيد واقعات الميلاد لمولود مصرى بالخارج
أولا: فى حالة كون المولود بالخارج لأب مصرى و ( أم مصرية أو أجنبية )
- مع توافر مستندات قيد الواقعة 0
v الحالة الاولى للمواليد المبلغ فيها خلال 3شهور من الميلاد 0
v الحالة الثانية للمواليد المبلغ فيها بعد 3 شهور من الميلاد 0
- على صاحب الشأن تقديم المستندات الأتية:
أ‌- تبليغ عن ولادة فى الحالة الأولى ونموذج 26 ساقط قيد ميلاد فى الحالة الثانية
ب‌- مستند الميلاد الأجنبى بأى من البدائل التالية:-
- أصل شهادة الميلاد الأجنبية أو المؤقتة - مصدق عليها من السفارة أو القنصلية أو الخارجية المصرية -ويمكن قبولها بدون تصديق الخارجية فى حالة تقديم ( جواز السفر المضاف عليه المولود والمتضمن تاريخ وجهة ميلاده أو جواز سفر المولود ذاته ( الأجنبى- المصرى) أو صورة شهادة الميلاد الأجنبية أو تبليغ ولادة مصدق عليها من السفارة أو القنصلية المصرية بالخارج .
- خطاب تحركات للمولود من مصلحة الجوازات والهجرة والجنسية وفى حالة خلوه من تحديد جهة الميلاد ( يمكن الاستعانة بأحد الوثائق المثبت فيها محل الميلاد وهى:- ( جواز السفر المضاف عليه المولود أو جواز سفر المولود ذاته- الأجنبى- المصرى)
ج- مستند يفيد تمتع الوالد بالجنسية المصرية بأى من البدائل الأتية:-
- صورة جواز سفر مصرى سارى للوالد بعد الاطلاع على الأصل.
- صورة بطاقة الرقم القومى للوالد بعد الاطلاع على الأصل.
- استعلام أو شهادة ميلاد للوالد من واقع مصادر القطاع الالكترونية مثبت بها أن جنسيته مصرى صادره حال تقدم صاحب الشأن بطلب قيد الواقعة 0
تعليمات هامة:-
يشترط تقديم خطاب جنسية من مصلحة الجوازات والهجرة والجنسية فى الحالات الأتية :-
1) وجود جنسية أجنبية للمولود فى مستند الميلاد الأجنبى وعدم وجود جواز سفر مصرى سارى للاب 0
2) عدم توافر أى من مستندات إثبات الجنسية المذكورة بعاليه 0
3) بلوغ صاحب القيد سن 21 عاما دون قيده بدفاتر المواليد المصرية وذلك لمواليد الدول الأجنبية فقط دون العربية 0
ü فى حالة تقدم المواطن بمستند بديل لأصل شهادة الميلاد الأجنبية يلزم إرفاق مستند لاثبات العلاقة الزوجية للوالدين 0
 

lalyleee

عضو مشارك
التسجيل
9/2/10
المشاركات
32
الإعجابات
0
#3
رد: فيزا دخول مصر لابناء مصريين

انا متشكره جدا ليك يااستاذ جمال
بس معلش عندى استفسار
هل لازم اعمل تصديق على شهادات الميلاد الامريكيه بتاعتهم من السفاره المصريه عشا اقدر ادخلهم مصر ؟
ولو ماعملتش التصديق على شهادات الميلاد هل ممكن السلطات فى مصر يمنعوا دخولهم لمصر؟
وفى حالة دخولهم كاجانب المفروض مدة الاقامه تكون قد ايه ؟
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#4
رد: فيزا دخول مصر لابناء مصريين

الأفضل التصديق على شهادة الميلاد الأجنبية
حتى لا تكون هناك مشاكل فى مصر ....

أو
تقديم جواز السفر الثابت به تاريخ الميلاد ...

لن يتم منع دخولهم مصر ما داموا قد حصلوا
على التأشيرة ...............
والاقامة تتحدد حسب التأشيرة الممنوحة لهم

ويمكنك التأكد من المدة من السفارة ............
 

أعلى