ما الجديد

الموعود9

شُعراء البوابة
التسجيل
14/6/09
المشاركات
173
الإعجابات
61
#1
وجه القاهرة

أنا لما شوفت القاهرة ام الحضارة الباهره

لقيت حلتها امدهوره وشكلها أصبح مخيف

سماؤها صبحت كباري وارضها فيها المجاري

متفجرةولا حد داري عامه الزقاق حتي الرصيف

وكل شيء فيه ازدحام لا تلاقي تاكسي ولا ترام

أما الطوابيرـ ع ـ التمام علي كل سلعة حتي الرغيف

والميه يا ريتها تدوم علي شعب مسرح للهموم

ليه تنقطع ونيلها عوم لكن الزمان لازم يحيف

وإن كنت هاحكي عن النظافه فلوحدها عايزه صحافه

تفضحها بصنعة لطافة ولا داعي للقلم السخيف

فمصرنا ياميت ندامه أحياؤها مُلئت قمامه

ومين توجهله الملامه لا ميدان ولا شارع نظيف

والارصفه ليه مخنوقين بالباعه والمتسولين

دا غير كمان النشالين والوضع كله مش لطيف

وليه ضحايا القطارات أضعاف ضحايا السيارات

كم من صدام فيه ألف مات ويقولوا دا حادث طفيف

أما تصدع لعمارات فاق كل حاضر واللي فات

علشان أصحابها بلونات دايما كاد دمهم خفيف

كل همهم يشوا الكراس علشان كدا بتحصل مآسي

ليه القانون ميكونشي قاسي ويكون العقاب حاسم عنيف

أما المرور دا حاجة تانيه الرش عليه في كل ثانيه

وإن حد قاله الدنيا فانيه ميعتقوش علشان شريف

حتي دواوين الحكومه الكل فيها رايح في نومه
\
والصاحي فيها شايله شومه فارض إتاوه علي الضعيف


ملك العاميه الساخر
أحمد الغندور
الشرقية
كفر الحمام
 

fireman

عضو مشارك
التسجيل
3/2/07
المشاركات
44
الإعجابات
1
#2
رد: وجه القاهره ..لملك العاميه الساخر

قصيدة ممتازة مشكووووووووور
 

ابواماني

عضو جديد
التسجيل
1/9/11
المشاركات
5
الإعجابات
0
#3
رد: وجه القاهره ..لملك العاميه الساخر

قصيدة جيدة وفقك الله
 

انا المصرى

عضو محترف
التسجيل
25/4/10
المشاركات
533
الإعجابات
198
#4
رد: وجه القاهره ..لملك العاميه الساخر

بارك الله فيك

اللهم لك الحمد كما ينبغي لجلال وجهك وعظيم سلطانك
************************
 

medo2

عضو مشارك
التسجيل
14/10/10
المشاركات
38
الإعجابات
0
#5
مشكور يا اخي الكريم
 

أعلى