الموعود9

شُعراء البوابة
التسجيل
14/6/09
المشاركات
173
الإعجابات
61
#1
استفتاء مبارك.(الايام السوداء)
ـــــــــــــــــــــ
رضينا بالمر لكن المر مش راضي
عمال يحرك صور حاضر لنا وماضي
فيها جميع العبر لشعبنا الراضي
بالظلم علشان كدا حاله بيبكي عليه
فيه العاهات مستديمه من كل لون مسكين
بفضل السياسه الرديئه منهج الملاعين
جمال وأنور وأنت تالت المجانين
عمال تخبط ولا داري بتعمل أيه
ما بنتيت في يوم مدرسة وكان بديلها لومان
ورميت ليه الأبرياء يا زعيم ورا القضبان
سل المشانق تقولك قمة الطغيان
فيك يا مبارك وهانقولك نعم علي أيه
ما دام الرياسه ميراث عسكر بطحجيه
موتنا مل جوع واحيي يا عم حرميه
يا رئيس هفيه وطول الصبر ينفع بيه
مبروك عليك الرياسة بالطول كمان والعرض
مدام الضمير انعدم مفروض علينا فرض
احكم بأمرك وغطسنا في سابع ارض
يا أبو السنين العصيبة يا زعيم بريه
لكن مادام شعبنا لابيهش ولا بينش
العب عليه واجتهد في اللعب اوعي تغش
شعبك وراك يا بطل عايش بخمسين وش
طبعه الرياء والنفاق يا ميت خساره عليه
ملك العاميه الساخر
أحمد الغندور
الشرقية
كفر الحمام
(الحمد لله حقق الشعب أعظم ثورة في التاريخ )
 

أعلى