منى

الوسـام الماسـي
#1
نقلاً من ** انت سلفي


ــــــــــ معانا أول حالة ــــــــــــ

'',





خد نفس وقول ااااااه كده .... خد نفس تانى وقول ااااه

ده انت كويس خالص اهو .... معندكش اى حاجه متقلقش

لأ يا دكتور.... انا حاسس انى تعبان

قلبى وجعنى .... اكتبلى اى دوا يريحنى

.....
اخونا ده فاكر ان علاجه عند الدكاتره

ميعرفش انه مش محتاج اى روشته

محتاج بس حب الله يزيد فى قلبه شويه....لأن حب الله أعظم دوااااااء....

----------------
دواعي الإستعمال....... uses

لما تعوز يبقالك معــــــنى.... وحياه صافيه الصدق مـــــــاليها
لما تضيق حولـــيك الدنيا.... ويكون قلبك ضايع فـــــــــــــيها
لما تضيع أحــــــــلامك منك....والأيام تدبـــــــل أمــــــانيها
لما تموت جواك أحاســــيسك....وبقيت مــــش قـــادر تحييها
لما الناس في المحنه تسيبك....وتروح مهمـــــــا تنادي عليها
لما جروحك تفضل تنـزف.... ومافيش شئ في الكون يداويها
إوعى تروح للناس في الـدنيا ...هىّ الناس فيه ايه في إيديـها
سيب الخلق وروح لخالــقهم .....سيب الأرض وروح لـباريها

----------------
آ ثار الدواء......... actions

هيخليك إنسان له معــنى.....هيخلـــــــــيك فعلا إنسان
ياخد قلبك فوق ويـــــــرفرف.....وسط قلوب مليــــانه ايمان
هيخليلك روحــــــــك تبقى.... أسمى و أقوى من الأحزان
هيخليلك قلــــــــبك ثابت.... ولا يستسلم مـهما ان كان
أنا مش هفضل أعد فوايـده..... أصل فوايده فوق الحسبان
بس كفايه أقولك إنك يومها..... هتبقى مع الرحمن

----------------
التركيب.........composition

حبة صبر وحبة تــــــقوى... وتدوبهم في الإخــــــلاص
لازم يبقى الصبر في قلبك …ثابت مش مكتوب برصــاص
والأفعال هي اللي تعـــبر....مش شعارات تنقال وخــلاص
وكفايه تعرف مهما الدنيــا.....فضيت حوليك مـ الحــــراس
لازم تعرف إننا لينــــــــا.....رب مافيش من حكمه خلاص

----------------
الجرعه……dose

خد على قد ماتقدر مــــنّه ....خد مــــا تقولشي إزاي ولا ليه
عوّد عقلك..روحك.. قـلبك.....طول أيامـك يمــــــــــشوا عليه
إوعى تسيب ولا ثـانيه تعدي .....من غير قلبــك ما يعيش بيه
و أن أدمنته دا شئ من حظك ...طـب فيه أجمل من كده ايه؟

----------------
التحضيرات ………preperations

ركعه في قلب الليل تخفــــيها.... ولا دمـــــــوع تبكيها بقلبك
صدقه ماحدش يبقى شايفها.... علشان تطـــلع خالصه لربك
فرّج كربة حد في أزمــــة.... حتى إن صدفة قابلته في دربك
الأعمال لو حتى بسيــطة..... بس تكون ممـــــزوجه بحبك
رب الكون ده هيقبل مـنك..... والأجمل ربنا هــيحبك

----------------
الآثار الجانبيه......... side effects

كل آثاره انك مـ الفرحـــه....... قلبك ممكن نبضـــــه يزيد
و كمان ممكن تشعر إنك....... جرى في عروقك دم جديد
ممكن وشك يبقى منـور....... باسم وكأن إنـــت في عيد
يعني أثاره الجانبيه مجرد إنك ......تلقى كيانك كلـه سعيد

----------------
موانع الإستعمال……..contra indication

مش ممنوع للدنيا بحـالها....... حتى العاصي مـاهوش ممنوع
عمر زمان ومكان ما هيمنع....... طول ما في قلبك لسه خشوع
لو جه يوم أخطأت طريقـــك....... لسه بإيــــــدك تاني رجـوع
دايماً دايماً خليك فاكــــــر....... لسه بإيدك تاني رجــــــــــوع
 

khaled99

عضوية الشرف
#2
رد: طب القلوب ،،

تسلمى اختى منى
أعجبتنى كثيرا هذه التذكرة
بارك الله فيكى وكل عام وانت الى الله أقرب
 

جهاد ع

عضوية الشرف
#3
رد: طب القلوب ،،

متميزة اختنا الكريمة منى في ابداع الافكار وصقلها صقلا جميلا يتناسب وكافة مستويات الاعضاء الفكرية والثقافية

جزاك الله خيرا
 

منى

الوسـام الماسـي
#4
رد: طب القلوب ،،

تسلمى اختى منى
أعجبتنى كثيرا هذه التذكرة
بارك الله فيكى وكل عام وانت الى الله أقرب

آمين يارب وأنت أخى وجميع المسلمين
جزاك الله خيراً وبارك فيك وأكرمك


متميزة اختنا الكريمة منى في ابداع الافكار وصقلها صقلا جميلا يتناسب وكافة مستويات الاعضاء الفكرية والثقافية

جزاك الله خيرا
ربنا يعزك أخى ويكرم أصلك كما قلتُ فى بداية الموضوع نقلاً عن أنا سلفي
جزاك الله خيراً وبارك فيك وأكرمك
 
Mahmoud Abdo

Mahmoud Abdo

الوسـام الماسـي
#5
بارك الله فيكي .
 
محـــمد ظافـــر

محـــمد ظافـــر

مجموعة الإدارة
#6
بارك الله فيك وجزاك خيراً
 

ربيع

عضـو
#7
بارك الله فيك وجزاك خيراً
 

أعلى