taher99

عضو مشارك
#1
أنا دخلت الجيش عام 2004 و عملت غياب فى 2005 يعنى بعد أداء نصف المدة حيث كانت مدة تجنيدى سنتين و الأن هل ذهابى الى السجلات العسكرية لن يتطلب منى سوى تقديم الاوراق المطلوبة و دفع الغرامة فقط ؟؟ أم سيتم احتجازى لأى أسباب أخرى ؟؟ أرجو من سيادتكم التحلى بالصبر على طلبى و ايضاح الأمر كله حيث ان هذه الخطوة يتوقف عليها مستقبل 6 أفراد ... و أنا سنى الأن يتعدى 35 سنة .. لكم جزيل الشكر
 

taher99

عضو مشارك
#2
رد: سؤال فى الهروب من الجيش

مع العلم انى مريض و تنتابنى حالات صرع متكررة و لدى أوراق تثبت هذا صادرة من الوحدة و من مستشفى أحمد جلال النفسى فهل لهذة الأوراق أى أهمية فى حال تقديمها ؟؟؟؟
 

taher99

عضو مشارك
#3
رد: سؤال فى الهروب من الجيش

يعنى 40 مشاهدة دون رد ... العنوان يوحى بالأمل و معاملاتكم تطفئ شمس كل أمل
 
Hany Adel

Hany Adel

محامى ومستشار قانوني
#4
رد: سؤال فى الهروب من الجيش

تم الرد بالمشاركة المكرره
ونرجو التكرم بالصبر
 

جاد2222

عضو مشارك
#5
رد: سؤال فى الهروب من الجيش

على فكره يا جماعه قولولى مبروك لانى خلصت موضوع هروبى من الجيش واستلمت الشهاده يوم 19/10/2011 والله طلع الموضوع تافه جدا واحنا كنا بنرغى فيه كتير قوى اى حد عنده سؤال وعايز يعرف اللى حصل يبعتلى رساله المهم اللى عامل هروب لغاية 25/5/2004 هو بس اللى يروح بعد التاريخ ده لازم يكمل 36 وده كلام من قلب السجلات العسكريه علشان محدش يشتغلكم وده قرار من المشير العام الماضى
 

جاد2222

عضو مشارك
#6
رد: سؤال فى الهروب من الجيش

شوفو يا اخواتى الكرام اللى حصل معايا كالاتى انا كنت دفعة 1/7/2001 وعملت غياب 18/01/2003 ويمكا انتوا شوفتو كلامى قبل كده المهم انا سافرت وذهبت الى السجلات العسكريه اللى فى مدينة نصر اخر عباس العقاد بس مشوار الشهاده فى مبنى ورا شئون المجندين بتوع الداخليه اللى عايز يروح يركب عباس العقاد وينزل يركب عربيه بتاعة اخر الشارع ويقول للسواق مكتبات المعايرجى هيلاقى قهوه بعدها بشويه هو ده باب تخليص شهادات الجيش للمتهربين المهم انا ذهبت ودخلت عادى خالص طبعا لازم اللى يروح يتم 30 سنه ويومين
وتعمل فيش جنائى عادى موجه الى السجلات العسكريه بالقاهره واصل البطاقه الشخصيه وصوره منها وشهادة الميلاد كمبيوتر ولو الكارنيه ضاع تدفع 15 جنيه فى مبنى تانى اسمه خدمة المواطنين وتروح تدفع حاجه اسمها حواله بريديه ب 10 وكمان واحده تانى ب 15 وتاخدهم معاك هناك وتتدخل عادى جدا تقول انا عامل غياب من تاريخ كذا وسنى كذا عادى جدا
 

جاد2222

عضو مشارك
#7
رد: سؤال فى الهروب من الجيش

ومحدش ياخد اى محامى معاه الموضوع تافه جدا جدا جدا والله العظيم المهم اكملكم هيقولك العسكرى اطلع اشترى دوسيه احمر من كشك قدام السجلات ديه وهيعطيك ورقه تكتب كل بيانتك وتاريخ دخولك الجيش وتاريخ هروبك بس هيحدد يوم تقريبا بعدها باسبوع هيقولك تعالى ومعاك 150 جنيه
هتروح بعد الاسبوع ده من غير اى اوراق تانى هتتدفع ال 150 وهتاخد ميعاد المحاكمه بعدها باسبوعين تقريبا هتروح حوالى الساعه 8 الصبح هتتدخل اوضه عاديه جدا مش محكمه هتقول اسمك وسنك وسلاحك وهتتدفع كمان 150 جنيه
وعلى الساعه 3 العصر تستلم الشهاده وشكرا وان الله يحب المحسنين والله ده كل اللى حصل معايا بالحرف
وعلى فكره انا كنت اكتر واحد خايف لكن الموضوع طلع قانونى 100/100 اهم حاجه اللى يروح لازم يكون 30سنه وعامل غياب قبل 25/5/2004
غير كده لازم يكمل 36 سنه وهكرر تانى ده قرار من المشير يعنى اللى يروح مش يخاف خالص ولا حد يقدر يحبسك اصلا هما بينفذوا التعليمات وبس
والله كانوا شوية ايام عسل واتعرفت على ناس زى السكر
 

جاد2222

عضو مشارك
#8
رد: سؤال فى الهروب من الجيش

وعلى فكره الشهاده بتتطلع رديئه اه لكن تصلح لجواز السفر وانا عملته فعلا واستلمته انهارده كمان وبيكون غير مطلوب للتجنيد خالص للناس اللىلا عايزه تعمل الشهاده علشان تسافر
واخيرا اى سؤال انا تحت امركم جميعا واسف اذا كنت طولت عليكم ويارب كلكلم تخلصوا شهادتكم واى مساعده انا خدامكم
 
Hany Adel

Hany Adel

محامى ومستشار قانوني
#9
رد: سؤال فى الهروب من الجيش

اولا
مبروك للاخ الكريم

ثانيا : انت واخد بالك انت قلت ايه ؟؟؟
-كلام ما .. لا داعي لتكراره .. يمكنك بحثه في مشاركتك .. !!!!

=
وهكرر تانى ده قرار من المشير يعنى اللى يروح مش يخاف خالص ولا حد يقدر يحبسك اصلا هما بينفذوا التعليمات وبس
والله كانوا شوية ايام عسل واتعرفت على ناس زى السكر
وااااااخد بالك من الجمله دي قوي
((((ده قرار من المشير )))))
يعني مش قانون ..

وبمعنى اكثر وضوحا للاخوه الزملاء ...
انه يمكن ان يتغير غدا في تمام السابعة صباحا ... باشارة تليفون .. او فاكس
من وزارة الدفاع ....

لان لاصدقاء لنا تجارب .. في هذا النوع من المحاكمات ..
والبعض يدخل الحبس فعلا ..
خصوصا لو ملفك فيه مصيبة من الكتيبه .. غير الهروب ..

@@امال ايه اللي حصل ؟!
اللي حصل زي اللي بيحصل في كل مصر دلوقتي .. مسايسه .. وترييح الشعب ..
لكن ما لا يعلمه البعض ان هناك تحضيرات لشده قوية .
لمنع التسيب ..

@@ما الحكاية سهله هربت من الجيش .. ودفعت 150 جنية.... ههههه !
ج>>>
هوووووو ده ..
مستحيل القوات المسلحة .. تخلي ده عقاب واحد هرب من الخدمه العسكرية ..
مستحيييييييييييييييييل .
والا الصبح ان شاء الله مش حنلاقي جيش يحمي البلد باذن الله !!!
ويبقى السنة اللي الواحد قضاها في الجيش والتدريب راحت هدر ..
مستحييييييل ..

واعقلوها كده .

وتاني مرة ده قرار يتغير في اي لحظة .. تبعا للظروف ..
وتبعا للاعتبارات السياسية ..

@@وبالنسبة للناس اللي زي السكر ..
هو فعلا الجيش بيتعامل معاك باحترام طبعا ..
بس مش للدرجة دي .
بس بردوا تعليمات عشان الثوره ..

@@@@ونرجو من الاخ الفاضل مساعدة الاخوه .. في حدود
ما حدث معه فقططططططططططططط..
ولا يعتبره دستورا او قانونا للتعامل مع الجميع ..

@@وبالنسبة لمسألة المحامين ..
بالفعل هذا ما نقولة للجميع .. بأن الاجراءات بسيطة ..
ولا يحضر المحامي عاده الا جلسات المحاكمة ((((التافهه))))
طبقا لكلامك ..

الذي ستكون الحاجة اليه ماااااااااااااسه ..
لما القرار يتغير .. واكيد حيتغير ..
لانه بهذا الشكل كااااااااااااااااااااارثه .
وخطر على الامن القومي المصري.

@@ونحن ايضا نوجه عناية الاخوه الاعضاء ..
بعدم الاستعانه بمحامي الصالات .. او الواقفين على الابواب ..
لان مستواهم غير مقبول .. وعليهم الاستعانه بعد الله .. بمحام قريب او صديق له ..
يثق فيييييه ...


أعتذر عن الاطالة .. ولكن وجب التوضيح

بالتوفيق للجميع باذن الله
 

sunmoonstars

عضو مشارك
#10
انا اسمع ان القانون بيقول اللي هرب من الجيش بعد تجنيده وعند تقدمة لاستخراج الشهاده يتم حبسه مدة تجنيدة
بمعني ان انا لو الجيش بتاعي سنتين وهربت بعد مثلا 6 شهور باخد سنتين سجن
أرجو التأكيد...
 

أعلى