ahmedsameer

عضو جديد
التسجيل
14/5/11
المشاركات
3
الإعجابات
0
#1
'', .. تحياتي اولا للعاملين على المنتدى وبمناسبة اشتراكي بالعضوية هو لكتابة هذا الموضوع فقط للاستفسار في امر خاص جدا يهمني بخصوص التجنيد .. بل هي استفسارات عديدة ..

انا حاليا مواليد 27 اكتوبر 1988 .. وبدرس في الامارات وانهيت دراسة الكلية وساستلم شهادتي باذن الله في منتصف يونيو المقبل للعالم الحالي 2011 .. لكن علمت مؤخرا اني طالما بدرس في الخارج اذن لما انزل مصر على اخر يونيو .. لازم مقدما ابدأ في عملية معادلة الشهادة في المجلس الاعلى في القاهرة .. وعلمت ان اخر موعد لاستلام الشهادة المعادة موثقة من المجلس تكون بتاريخ 31 يوليو .. وان بالعادة المعادلة تاخد اكثر من شهرين الى 3 اشهر .. يعني ان 31 يوليو سيمر وستكون شهادتي ما زالت لم تعادل .. وبالتالي سأتخلف عن دفعتي اللى كنت المفروض حقدم معها في شهر 10 او 11 .. وسأنتظر لشهر 4 من عام 2012 ؟ فما الحل بخصوص تلك القضية وهل فعلا حضطر انتظر ل 4 من 2012 .. يعني بنزل في يونيو 2011 واتاخر لابريل 2012 وتضيع عليا سنة بنتظر اموري للجيش فقط !!؟؟ وهذا لاستفسار الاول

اما الاستفسار الثاني .. انا في جدال مع اهلي هنا من نزولي مصر من عدمه .. فانا عاوز انزل واخلص من الجيش واعرف اشوف حياتي بدون هم الجيش او التهرب او التخلف .. لكن همه مصرين اني اشتغل سنتين او 3 هنا في الامارات وبعدين انزل مصر ويحصل اللى يحصل وقتها خصوصا وضع مصر الحالي والبلطجة وعدم اتضاح امور مصر واضطرابها " حسب كلامهم " وخصوصا ان جواز سفري متجدد 7 سنين .. لكن انا علمت اني لو تاخرت سنتين تلاتة برة مصر حعتبر متخلف او متهرب من الجيش .. وعلمت اني وقتها لما بنزل مصر طالما لم اتم 30 سنة .. فبلبس 3 سنين جيش بشكل اجباري ! فهل هذا كلام صحيح ام اني لو " اضطريت " اني اشتغل لفترة ونزلت ان يكون في احتمال اني البس سنة واحدة فقط ؟ انا سالت العديد من الناس وعرفت اني لابس لابس .. لكن محدش اعطاني فترة محددة هل بلبس 3 ولا سنة واحدة ؟

انا اسف على الاطالة .. لكن بجد انا في موقف متأزم جدا جدا .. ما بين شيء انا عاوز اشوف حالي فيه وايضا حتأخر في عملي ومستقبلي بسبب موضوع المعادلة !! وايضا ما بين رغبة اهلي وعدم اقتناعهم بنزولي والجدال اليومي في النقاش لاصراري على النزول وعدم موافقتهم .. انا عاوز ارتاح واعرف راسي من رجليا بجد !
 

ahmedsameer

عضو جديد
التسجيل
14/5/11
المشاركات
3
الإعجابات
0
#2
رد: استفسار هام بخصوص التجنيد لمن انهى دراسته بالخارج !

للاضافة فقط .. والدي حيتم 57 سنة في يونيو .. ولي اخ و اختين .. وكلنا مصريين والحالة المادية تمام .. يعني مفيش اي سبب في الاعفاء من الناحية العائلية .. حبيت اوضح بس ..
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#3
رد: استفسار هام بخصوص التجنيد لمن انهى دراسته بالخارج !



لا بد من معادلة شهادتك فى جميع الأحوال
حتى يتم الاعتراف بالمؤهل الذذى حصلت عليه
هنا فى ادارة التجنيد وعليه سيتحدد المدة التى
ستقضيها فى أداء الخدمة إما سنة واحدة أو 3 سنوات

والمدة العادية هى سنة فقط .
أما اذا كنت صاحب جسم رياضى وطويل وبنيانك قوى
فمن الممكن أن تدخل ضابط احتياط لمجة 3 سنوات
وهذا الاختيار يكون لهم فقط ولا دخل لك فيه ....

أما قرار نزولك مصؤ من عدمه فهو لك ولأسرتك
أولا وآخرا وأنتم فقط من تحددونه .
واعلم أنك لو نزلت مصر فلن تتمكن مطلقا من مغادرتها
الا بقضاء فترة الجيش كاملة ...
ولا تستهين أبدا بالفترة التى ستقضيها فى الجيش لأنها
صعبة جدا جدا جدا .................

وصفة العائل لا تثيت لك الآن فعلا
 

ahmedsameer

عضو جديد
التسجيل
14/5/11
المشاركات
3
الإعجابات
0
#4
رد: استفسار هام بخصوص التجنيد لمن انهى دراسته بالخارج !

شكرا على ردك استاذ جمال .. بس انا دلوقتي بخصوص المعادلة هل عندك علم فعلا اني ممكن اضطر استنى لشهر 4 من 2012 ؟؟ يعني مفيش امل اني اقدم في يناير مثلا .. زي ما قلت انا مواليد اكتوبر 88 وشرحت ظروف المعادلة .. ده رقم 1

والسؤال التاني الاهم " لو قضيت سنتين تلاتة برة مصر " وبعدين نزلت المدة حتبقى كام ؟ لان شكله كدة اني ممكن امشي في السكة دي وعاوز اعرف عقباتها عليا مبقاش تايه انااعرف القانون بيقول اني بقضي سنة زيادة .. طب سنة زيادة على سنة قبلها ولا سنة على 3 سنين .. المدة كلها بتبقى كام تقريبا .. طبقا لحالات مماثلة قبل كدة نزلت قبل ما تتم ال 30 .. وده رقم 2

وانا تخصص هندسة مدني لكن جسمي عادي مهواش الطول الفارع ولا البنية القوية وراثة من الوالد .. فلو قدمت للجيش في وقتي العادي هل فعلا مش حيهتموا بتخصصي وحيبصوا لجسمي واخد سنة مش 3 ... وده رقم 3 ..

يا ريت رد حضرتك على ال 3 نقط دول
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#5
رد: استفسار هام بخصوص التجنيد لمن انهى دراسته بالخارج !

العلم عند الله يا غالى
هذه اجراءات لا نعلم متى تنتهى ...

واذا تخلفت عن موعد تجنيدك ستدخل
عند تقديمك على الفور سنة أو 3 الله
أعلم ... كما قلت سابقا هم الذين يختارون
وليس أنت ............
 

أعلى