ledogym

عضو جديد
#1
انا شاب مواليد 30-11-1981 يعني السنه دي هكمل 30 سنه في آخر نوفمبر .. اخدت من الجيش تأجيل عائلي سنه في التانيه لان والدي و والدتي متوفيين و لي اخين اصغر مني ما زالا طالبين و انا عائلهما الوحيد..آخر تأجيل اخدته لمده عام حتي اكمل تلاتين سنه او عند زوال السبب ايهما اقرب .. المشكله ان اخي الاصغر مني مباشره في عامه الدراسي الأخير هذا العام يعني امتحانات البكارليوس بتاعته في شهر 6 اللي جاي و ان شاء الله هتطلع النتيجه علي شهر 8 او 9 بكتيره و بعد لما ينجح ان شاء الله قالولي لازم تروح تسلم نفسك لان ساعتها يبقي السبب زال يعني قبل ما اكمل 30 سنه بشهرين و احتمال البس"شكلها في الظروف دي احتمال كبير البس" :(..:832:
فسألت اخلص من الموضوع ده ازاي واحد قالي ما تروحش الا لما تكمل 30 سنه و ساعتها هتدفع مش اكتر من 2500 جنيه غرامه تخلف و خلاص و الموضوع يخلص علي كده و قاللي ما فيش حبس و لا حاجه هيا غرامه ماليه بس فلو علي الفلوس ما فيش مشكله بس انا راجل متزوج و عندي طفل صغير و اعمل مهندس في شركه خاصه اجنبيه لن تقبل بتغيبي عن العمل يعني بيتي هيتخرب لان ما عنديش مصدر تاني للدخل و شغلي هيضيع مني لو دخلت الجيش و كل ده علي آخر شهرين..عايز اعرف من حضراتكم هيا حلها فعلا زي ما قاللي صديقي و لا ايه الحل و لو محتاج محامي يقدر يساعدني انا مستعد للتكاليف ما فيش مشكله بس يدلني اعمل ايه
 

gamal gamal

محامى ومستشار قانوني
#2
رد: استشاره بخصوص موقفي من التجنيد



الحل بسيط يا غالى

اما أن يرسب أخوك سنة فى التعليم
خدمة لك وتأخذ اعفاء نهائى ساعتها
أو
اذا وصلت الثلاثين وأنت خارج التجنيد
فالمحاكمة والغرامة ...............
 

ledogym

عضو جديد
#3
رد: استشاره بخصوص موقفي من التجنيد

بصراحه ما ينفعش اخلي اخويا يسقط السنه ده جايب في الترم الاول امتياز ...يعني موضوع الغرامه ده انا معنديش فيه مشكله بس انا عايز اتاكد هيا عتبقي غرامه بس و لا ممكن حاجه تانيه " حبس يعني "..و لو كده اظن هبقي محتاج محامي و لا ايه؟..فمش ممكن حضرتك تقولي ايه الاجراءات اللي هتحصل ساعتها لما اروح التجنيد عند ال30 سنه و لو ينفع اتفق مع حضرتك تبقي معايا و تحت امرك في اللي تطلبه ده شغل مفيش كلام
 

gamal gamal

محامى ومستشار قانوني
#4
رد: استشاره بخصوص موقفي من التجنيد

لك حق
ما دام أخوك إمتياز
يبقى نستبعد هذا الحل ...

وعموما لا مانع أن ننهى
موقفك التجنيدى يا غالى ....
 

أعلى