دين الحق

عضو مشارك
التسجيل
3/12/10
المشاركات
79
الإعجابات
22
#1
مع انتهاء الرئيس المخلوع حسني مبارك من كلمته التي بثتها فضائية العربية، تفجرت شلالات النكتة المصرية، على صفحات الفيس بوك والتوتير وهذا بعض منها:

- عاجل بعد كلمة مبارك.. النائب العام يجهش بالبكاء ويأمر بالتحفظ على أموال خالد سعيد.

- مبارك: أنا أدمن كلنا خالد سعيد.

- الإخوة المواطنون. أبناء مصر الشرفاء.. هرجع من أجلكم أنتم… نياهاهاهاها. "ضحكات شريرة متقطعة".

- المجلس العسكرى ينفى خطاب مبارك ويؤكد لا توجد قناة اسمها العربية اصلا، ودى إشاعة من فلول النظام.

- من مبارك الي المجلس: شكرا على حسن تباطؤكم معنا، الفلوس في أمان والسنجة في الرنجة وفتشنى فتش.

- المجلس: خلاويص؟ مبارك: لسه. المجلس: خلاويص؟ مبارك: لسه. المجلس: خلاويص؟ مبارك: خلاص.

- شرم يا مه يا بهية.. يا أمو بسين وشمسية.. فيكي مبارك والحرامية.

- من إسعاد يونس لمبارك: شلت المرارة.. عاوز تفقع لي ايه تاني.

- الفنان محمد حسني مبارك.. أوسكار فقع مرارة الشعب.

- يحز في نفسي ما ألاقيه من بني وطني من حقد على القصر اللي مأنتخ فيه.

- متصدقوش إذاعات هذول الكلاب أنا مسرقتش 70 مليار هما 67 بس.

- القذافي طلع على توك توك.. انا طلعت على عربية.

- جمال ايه اللى تحققوا معاه.. من انتم؟.. من انتم؟!!.

- رداً علي جمعة الزحف لشرم، مبارك: لو جايين بجد.. هاتوا معاكم دراع بلاي ستاشن زيادة.

- مبارك: مستر إكس.. مش ممكن يموت.

- مبارك: اعزائي المواطنين، بصوا العصفورة! سلاموا عليكوا.

- مبارك: يعلن ده أول سنجل لي.. وناوي أعمل ألبوم تسجيلات كامل وبنتفاوض مع روتانا.

- انه لا يموت.. انه يذكرنى بابراهيم الابيض!!.

- مبارك: أظـنّ إتسلّيتو بما فيه الكفاية وأنا خدت أجازة كويسة.. نكمّل بقي مدة رئاستي السادسة؟.

- مبارك: لم أكن أنتوي... إني أشم النسيم لوحدي في شرم يلا تعالوا بقى.

- مبارك للشعب: يانعيش مع بعض حبيبي يانموت احنا الاتنين !.

- مبارك:‏ إنتو فاكرين الثورة أثرت عليا؟ أبسلوتلي..‏ أنا اللي أثرت ع الثورة..‏ الثورة عملتلي دماغ ودماغ جامدة كمان.

- مصر دلوقتي عاملة زي أوضة واحد عازب، كل حاجة مش في مكانها، القميص في التحرير والشبشب في مصطفى محمود.. والجزمة في شرم.

- حطلع خطاب تاني فيديو مع يسري فودة.. بشرط عدم حضور الأسواني.

- انا طاهر وحفضل طول عمري طاهر.. طاهر "موسيقى يا ام المطاهر".

- أنا مش حرامى: انا مش خرونج.. انا كينج كونج.

- الواد جمال ده مش ابني.. لقيته وهو صغير قدام باب المطار .

- مبارك: بلاه جمال.. خدوا علاء.

- لو كنتم اجتهدتم زى جمال.. كنتم حوشتوا من مصروفكم زيه.

- إن كان على سوزان أطلقها.. أنا ماليش غير الإخوة والأخوات.

- لن ينعم المصريون بالأمن.. حتى نعيشه واقعاً في شرم.

-هزه أرضية بمقدار 13 ريختر تضرب السودان.. جيولوجي يرجع السبب لـ "صوت إسكندراني جماعي" من المصريين بعد مبارك.

- ثوار يناير يخشون موقعة "المايوه" من جمعة الزحف في شرم الشيخ.
 

mzar720

عضوية الشرف
التسجيل
18/1/05
المشاركات
4,134
الإعجابات
387
الإقامة
Kuwait
#2
رد: مبارك:متصدقوش أنا مسرقتش 70 مليار هما 67 بس

هههههههههه.........جامدة ........هو وقع مع مين ....دول المصريين
 

abodnet

عضو مشارك
التسجيل
11/1/09
المشاركات
90
الإعجابات
28
العمر
28
الإقامة
بني سويف
الجنس
Male
#3
رد: مبارك:متصدقوش أنا مسرقتش 70 مليار هما 67 بس

ها ها ها ها ها ها ها ها ها ها ها ها
والله يا اخى المصريين دول الى هما احنا طبعا

عيال جدعان قوى ومحدش يقدر علينا

هع هع هع هع

مبارك مين يا حبيبى
على فكره انا كنت برجح كفايه بقى خلى الرئيس يرجع علشان يشوف بقا مصلحه البلد
 

mzar720

عضوية الشرف
التسجيل
18/1/05
المشاركات
4,134
الإعجابات
387
الإقامة
Kuwait
#4
رد: مبارك:متصدقوش أنا مسرقتش 70 مليار هما 67 بس

ههههههههه..........ارجع يا ريس احنا بنهزر
 

جهاد ع

عضوية الشرف
التسجيل
11/2/10
المشاركات
13,400
الإعجابات
794
الإقامة
الاردن
الجنس
Male
#5
رد: مبارك:متصدقوش أنا مسرقتش 70 مليار هما 67 بس

هههههههههههه

مشكور اخي الكريم
 

أعلى