midoahmed

عضو مشارك
التسجيل
30/3/11
المشاركات
52
الإعجابات
0
#1
انا اعلم ان سؤالي مازال امامه وقت ولكن خطر علي بالي ان اسأله

انا مواليد 9 - 1987 ومعي اعفاء مؤقت من التجنيد لاني العائل لاخي القاصر مواليد 11-1993 لان ابي فوق الستين عاما..
حتي يبلغ اخي 21 عاما ينتهي زوال السبب..

اسئلتي فيما يلي :

عند بلوغ اخي 21 عاما سيكون مازال يدرس في الجامعه ومؤجل تجنيده..هل ينبغي ان اتوجه الي الجامعه واخذ اوراق لاثبات ذلك ثم اتوجه الي منطقة التجنيد خلال الثلاثون يوما المحدده لتغيير سبب التأجيل حتي انتهاء اخي من دراسته ومعرفة موقفة التجنيدي ؟ وعندها يبقي السبب العائل لاخيه الغير قادر علي الكسب ؟

السؤال الثاني : في حاله قبول اخي للتجنيد او قد أخذ تأجيل متي ينبغي لي ان اتوجه الي التجنيد لاعداد اوراقي للتقدم ؟

السؤال الثالث : هل سأعامل معامله المتقدم للتجنيد لاول مرة ؟ ام سأعامل معامله المؤجل تجنيده ومتوجه لتجديد تأجيل التجنيد ؟

وما هو السن المناسب الذي عندما يتم الوصول اليه يفضل عدم التوجه لمكتب التجنيد والانتظار حتي بلوغ ال 30 عاما علما بأنه وقت تقديم اخي للتجنيد سوف اكون 28 عاما..


ولكم جزيل الشكرا مقدما
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#2
رد: سؤال بخصوص الاعفاء المؤقت من التجنيد

عليكم السلام

عند بلوغ أخوك سن 21 وهو ما زال يدرس
لك أن تاخذ ما يفيد ذلك وتتوجه لادارة التجنيد
للحصول على مد مدة الاعفاء ....

وسيبقى السبب كما هو العائل لأخوه الطالب ...

عند تخرج أخوك ينبغى عليك أنت التقدم للتجنيد
فى موعدك حتى لاتعتبر متخلف عن التجنيد ...


وستعامل ساعتها كمتقدم للتجنيد أول مرة .
ولكن لو تاخرت عن موعدك فستسقط عنك
كل الحقوق ..........

لا انصحك بالتخلف عن التجنيد فى هذا
الوقت ...........
 

midoahmed

عضو مشارك
التسجيل
30/3/11
المشاركات
52
الإعجابات
0
#3
رد: سؤال بخصوص الاعفاء المؤقت من التجنيد

شكرا جزيلا علي الرد..

سؤال بسيط..هل اتقدم باثبات ان اخي مازال يدرس قبل بلوغه ال 21 بشهور ام يجب الانتظار حتي بلوغه ال 21 حتي لا اكون مقيدا بالثلاثين يوما في الذهاب وتجهيز الاوراق ؟ علما بان اخي المفترض هيكون في اخر سنه دراسية له في هذا الوقت فهل يجوز الحصول علي تأجيل حتي انتهاء دراسته وانتهاء موقفه التجنيدي؟

وهل فعلا كما يقال ان احتمالية التجنيد للاعمار الكبيرة اكثر منها في الدفعات الجديدة ؟

سؤال اخر: هل اتقدم للتجنيد بعد تخرج اخي ام بعد ما يعرف موقفة التجنيدي ؟

ولماذا حضرتك بتنصحني بعدم التخلف في هذا الوقت ؟

وشكرا جدا لوقت حضرتك ولاجابتك السريعه
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#4
رد: سؤال بخصوص الاعفاء المؤقت من التجنيد

الأمر مرتبط بانتهاء اخوك من التعليم
لذا
بعد حصول اخوك مباشرة من التعليم
تقدم بورقك للتجنيد بصرف النظر عن
سن أخوك وقت التخرج ......

وقوانين التجنيد محتمل ان تتعدل فى
الأيام القادمة ....
 

midoahmed

عضو مشارك
التسجيل
30/3/11
المشاركات
52
الإعجابات
0
#5
رد: سؤال بخصوص الاعفاء المؤقت من التجنيد

شكرا لوقت ورد حضرتك..

انا رجعت لكذا قريب لي في الشرطة العسكرية..اني اعفاء مؤقت حتي وصول اخي ل 21 عاما ولو كان لسه بيدرس اتقدم في يوم مرور 21 عاما لادارة التجنيد باثبات قيد اخي في الجامعه والقيد العائلي لمد مده الاعفاء حتي الناتهاء من دراسته ثم يتقدم هو للتجنيد واذا اصابة الدور انتظر انا حتي انتهاء تجنيده واذا لم يصبه اتقدم في الدورة التاليه..




لي تعليق بسيط : ازي لا يوضع في الاعتبار اذا كان هذا الشخص لديه اولاد واسرة مثلا..يعني شخص في وظيفة مرموقة ويكون معرض لخسارتها ويترك اسرته واولاده واذا كات مرتبط ب أقسط او ماشابة !

لازم يتم وضع هذه الاشياء في الاعتبار ن وجهه نظري..
 

ddsf

عضو مميز
التسجيل
4/7/08
المشاركات
322
الإعجابات
2
#6
رد: سؤال بخصوص الاعفاء المؤقت من التجنيد

اعتقد انك فى سن ال 28 وضعك سيكون حرج جدا اذا كان عليك اثبات موقفك التجنيدى وهم لاينظروا وقتها انك متزوج او ستترك عملك او اشياء من هذا القبيل ولا تركن الى حجة انهم لايجندوا الاعمار الكبيرة لان العكس ممكن ان يحدث ....وقتها سيكون امامك خيارين اذا حصل اخوك على اعفاء هو الانتظار سنتين حتى التلاتين واقف حالك او تتقدم للتجنيد وانت فى سن كبيرة

نصيحة منى تقدم للتجنيد فور انتهاء جامعتك وتخلص من هذا الكابوس مبكرا وقد تحصل على اعفاء ويكون ربنا بيحبك
 

midoahmed

عضو مشارك
التسجيل
30/3/11
المشاركات
52
الإعجابات
0
#7
رد: سؤال بخصوص الاعفاء المؤقت من التجنيد

لا ما حضرتك مش واخد بالك
انا خدت الاعفاء المؤقت من 2008 ومكنتش عارف كل التفاصيل دي..
ممكن حضرتك تقلي قصة حضرتك والخطوات الي حضرتك عملتها حتي الان وموقفك ايه ؟
 

midoahmed

عضو مشارك
التسجيل
30/3/11
المشاركات
52
الإعجابات
0
#8
رد: سؤال بخصوص الاعفاء المؤقت من التجنيد

اللي انا اعرفة يعني المفروض لو واحد واخد اعفاء مؤقت لاخوه حتي يبلغ ال 21
اخوه بلغ ال 21 ولسه بيدرس..الاخ الاكبر بيروح يجدد الاعفاء المؤقت..بياخده خمس سنين ولا مشروط بتخرج اخوه ؟
وهل اخوه الصغير لما بيخلص جامعه بيبقي مستني موقف اخوه الضغير التجنيدي..هل الاخ الاكبر بيروح يثبت انه مستني موقف اخيه الصغير التجنيدي ؟ ولا بيبقي معروف غير قادر علي الكسب مشروطة بممعرفة الموقف النهائي من التجنيد ؟

ونفترض اخوه الصغير اتجند..بعد لما بيخلص الكبير بيدخل اجباري؟ ولا بيدخل وممكن يصيبة الدور وممكن لأ ؟ لاني رجعت لموضوع حضرتك القديم حضرتك قلت اخو حضرتك دخل عسكري وبعدين حضرتك بتدخل اجباري لانه بيبقي عائل ؟؟ ودا كان 2008 ف حبيت استفسر من حضرتك بما اننا دلوقتي 2011 حضرتك عملت ايه
 

ddsf

عضو مميز
التسجيل
4/7/08
المشاركات
322
الإعجابات
2
#9
رد: سؤال بخصوص الاعفاء المؤقت من التجنيد

انا موقفى مشابه لحضرتك وتضررت كثيرا خصوصا كلما زاد السن

حضرتك ممكن بعد زوال السبب او انتهاء مدة الشهادة الى معاك تروح تقدم نفسك لو اخدت اعفاء خير وبركة لو لبست ممكن ساعتها ترجع تقدم ان اخوك فى جامعه وتعمل اعفاء مؤقت تانى ..او تستحمل سنة وخلاص وتدخل جيش وتستريح بعدها علطول .... وده افضل حل ليك
 

midoahmed

عضو مشارك
التسجيل
30/3/11
المشاركات
52
الإعجابات
0
#10
رد: سؤال بخصوص الاعفاء المؤقت من التجنيد

تستحمل سنه وخلاص دا حل متاخر جدا..لان انا دلوقتي 24 سنه..والموضوع دا قدامه لسه 4 سنين وبرضو ممكن القوانين تعدل..

ف فكل الاحوال هيكون حياتي اتبنت علي حاجات كتير..هو الموضوع لسه بدري عليه بس الموضوع طبعا مقلق جدا ومضرر جدا..لان انك تتخيل انك بنيت حياتك ومعرض كل حاجة انها تتعطل بسبب موضوع الجيش دا..

انا عايز بس اتأكد من نقطتين :
1- لما الاخ الصغير بيدخل الجيش او مبيدخلش الاخ الاكبر بيقدم عادي ولا بيدخل اجباري؟
علي حسب معلوماتي بيقدم عادي بس حضرتك ذكرت ف مشاركة من كذا سنه انهم قالولك هو بيبقي عائل وحضرتك تدخل اجباري؟ ايه مدي صحه الكلام دا ؟

النقطة التانية : لما بقدم بعد زوال السبب بقدم في الدفعه العادية ولا بيبقي للناس المعفاه مؤقتا دفعه خاصة بيهم ؟
 

ddsf

عضو مميز
التسجيل
4/7/08
المشاركات
322
الإعجابات
2
#11
رد: سؤال بخصوص الاعفاء المؤقت من التجنيد

انا كنت مسافر لما اخويا خلص جامعة فهو الى قدم فى الجيش الاول ودخل سنة عسكرى وانا مديت الاعفاء بتاعتى بناء على ان هوة دخل جيش ...فالفترة مابين تخرج اخوك من الجامعة لحد هوة ميقدم للتجنيد ورقه انت ساعتها بتبقى متخلف لو هوة دخل يبقى انت كدة فى السليم وبتجدد الاعفاء

..لو هو اخد اعفاء يبقى يتم معاملتك كانك متخلف لانك مقدمتش نفسك بعد مااخوك خلص جامعة ومعندكش اسباب تانية تمدد بيها الاعفاء وساعتها هتلبس هتلبس لانك متخلف ومقدمتش ف معادك

لو انت قدمت علطول بعد زوال السبب فى وقتها من غير ماتتاخر بتروح لهم وهما الى بيدوك ورقة يقولوك تعالى قدم مع مواليد من كذا لكذا وبتتعامل زيك زيهم ممكن تلبس وممكن لا
 

midoahmed

عضو مشارك
التسجيل
30/3/11
المشاركات
52
الإعجابات
0
#12
رد: سؤال بخصوص الاعفاء المؤقت من التجنيد

طب ازاي ببقي انا متخلف ؟

يعني نقدم احنا ال 2 مع بعض ؟ يعني انا نص تاني وهو نص تاني ؟ وازاي ومينفعش 2 اخوات يتجندوا ف نفس الوقت ؟
 

ddsf

عضو مميز
التسجيل
4/7/08
المشاركات
322
الإعجابات
2
#13
رد: سؤال بخصوص الاعفاء المؤقت من التجنيد

النقطة دى انا مش متاكد منها لانها محصلتش معايا لان اخويا دخل جيش

لكن لو هوة اخد اعفاء انت هتروحلهم بالشهادة الى مكتوب فيها حتى زوال السبب وهو نهاية اخوك لدراسته الجامعية فهيبص فى التاريخ هيقولك انت مش جاى ف معادك ليه وهتدخل نفسك فى متاهة وحاجة مش مضمونة عشان تقولهم انا كنت مستنى اخويا لما يشوف موقفه؟؟؟؟؟؟؟؟؟ مش متاكد من النقطة دى بس منطقيا مش مضمونة العواقب خالص

انا حكيتلك عن الى حصل معايا ونصيحة خليك فى المضمون والتزم بالتوايخ المكتوبه على الشهادة
 

midoahmed

عضو مشارك
التسجيل
30/3/11
المشاركات
52
الإعجابات
0
#14
رد: سؤال بخصوص الاعفاء المؤقت من التجنيد

انا لو اعرف كل دا كنت قدمت مع دفعتي عادي خصوصا ان كلها خدت تأجيل..يالا الحمد لله علي كل شئ
 

ddsf

عضو مميز
التسجيل
4/7/08
المشاركات
322
الإعجابات
2
#15
رد: سؤال بخصوص الاعفاء المؤقت من التجنيد

انا برده مكنتش اعرف كل ده وبقول ياريت لو كنت قدمت مع دفعتى لانها اخدت تاجيل برده .

عموما انت عندك فرصة لما اخوك يتم 21 ممكن تسلم نفسك لو لبست ممكن تقدملهم ان اخوك فى دراسة لسه وتاخد اعفاء جديد او تستحمل السنة وخلاص فى الجيش وانت سنك صغير
او تاخد اعفاء مين عارف

والله اعلى واعلم

وبرده حاول تسال اكتر فى المنطقة نفسها
 

midoahmed

عضو مشارك
التسجيل
30/3/11
المشاركات
52
الإعجابات
0
#16
رد: سؤال بخصوص الاعفاء المؤقت من التجنيد

لما حضرتك مديت الاعفاء عشان اخوك لسه بيدرس بيبقي مدون فيها تاريخ ؟ يعني اخوك ف سنه 3 مثلا , بيكتبوا ايه ف الشهاده ؟
 

midoahmed

عضو مشارك
التسجيل
30/3/11
المشاركات
52
الإعجابات
0
#17
رد: سؤال بخصوص الاعفاء المؤقت من التجنيد

لما اخويا يتم 21 هبقي انا داخل ف ال 28..استحمل سنه ازاي بس :) ! الكلام دا كان م الاول..عامه لا يكلف الله نفسا الا وسعها
 

midoahmed

عضو مشارك
التسجيل
30/3/11
المشاركات
52
الإعجابات
0
#18
رد: سؤال بخصوص الاعفاء المؤقت من التجنيد

انا برضو سمعت ان مينفعش لو حد لبس يقلهم انا عايز اغير وابقي العائل مثلا..يعني لو رحت ولبست مينفعش اقلهم لا ده انا اخويا لسه بيدرس..
دا علي حسب الي سمعته..الموضوع دا فعلا مقلق جدا جدا
 

ddsf

عضو مميز
التسجيل
4/7/08
المشاركات
322
الإعجابات
2
#19
رد: سؤال بخصوص الاعفاء المؤقت من التجنيد

لما حضرتك مديت الاعفاء عشان اخوك لسه بيدرس بيبقي مدون فيها تاريخ ؟ يعني اخوك ف سنه 3 مثلا , بيكتبوا ايه ف الشهاده ؟
ايوة بيبقى مكتوب كل حاجة بالتفصيل

انا برضو سمعت ان مينفعش لو حد لبس يقلهم انا عايز اغير وابقي العائل مثلا..يعني لو رحت ولبست مينفعش اقلهم لا ده انا اخويا لسه بيدرس..
دا علي حسب الي سمعته..الموضوع دا فعلا مقلق جدا جدا
ينفع ويمكنك التاكد من المنطقة ايضا
 

midoahmed

عضو مشارك
التسجيل
30/3/11
المشاركات
52
الإعجابات
0
#20
رد: سؤال بخصوص الاعفاء المؤقت من التجنيد

انا اقصد بيبقي مكتوب مثلا اعفاء مؤقت لاخيه العائل لاخية فلان الطالب بالسنه كذا المؤجل تجنيدة طبقا لبطاقة رقم وذلك حتي...
بيبقوا كاتبين ايه؟ معتقدش تاريخ لان ممكن الفلان دا يسقط سنه مثلا
 

أعلى