hokan

عضو جديد
التسجيل
26/8/10
المشاركات
8
الإعجابات
0
#1


مشكلتي قد تبدو إنها بسيطة بالنسبة للمشاكل الكثير اللي موجودة في القسم بس بالنسبة لي مسببالي إزعاج كبير.

تحت العمارة اللي جنبنا في قهوة إيجار قديم, صاحب القهوة دي بيستغل إن المحلات بتاعتنا اللي تحت عمارتنا مش مفتوحة وبيجيب كراسيه ويرصها قدام المحلات بتاعتنا ويقعد الزبائن عليها, طبعاً ده بيسبب مشاكل كثير لسببين :-
1- اللي بيجي عاوز يؤجر المحلات لما يشوف المنظر ده ممكن يصرف نظر عن الموضوع.
2- وده الأهم, باب العمارة جنب باب المحلات, يعني ممكن مثلاً حد جاي لنا أو والدتي أو خالاتي نازلين أو جايين وطبعاً في ناس قاعدة جنب الباب بيبقى موقف محرج جداً وخصوصاً طبعاً حضراتكم عارفين معظم اللي بيقعدوا على القهاوي بيبقى منظرهم إزاي!

ياما كلمناه وياما اتخانقنا معاه وهو لا حياة لمن تنادي, ممكن حضراتكم توضحوا لي لو في سكة قانونية أمشي فيها في الموضوع ده - بحيث أرفع الضرر ده عني - تبقى إزاي ؟

شاكر لحضراتكم حسن تجاوبكم مقدماً.
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#2
رد: طلب مساعدة بخصوص خلاف مع صاحب مقهى

عليكم السلام
الجهة التى يمكن أن تتعامل معها لإزالة هذا التعدى هو الحى
التابع له هذا المقهى فهو وحده يستطيع أن يزيل هذا الاشغال
ويلزم صاحب المقهى أن لا يتعدى حدود مقهاه . لذا عليك التوجه
الى الحى وتقديم شكوى بوجود هذا التعدى لكى تقوم بمعاينة مكان
المقهى وتحرير محضر مخالفة له . وكذا يمكنك تحرير محضر فى
قسم الشرطة الذى تتبعه لاتخاذ اللازم قانونا ضده ....
ولا مانع من تكرار هذه الشكاوى والمحاضر ضده حتى يرتدع !!!
فإن لم يرتدع : فيمكنك بناء على هذه المحاضر والشكاوى رفع
دعوى تعويض عن هذا الضرر ضد صاحب العمارة وصاحب المقهى
كوسيلة من وسائل الضغط عليهما .............
وعموما : دور الحى والتراخيص مهم جدا فى وقف هذا الاعتداء ............
 

hokan

عضو جديد
التسجيل
26/8/10
المشاركات
8
الإعجابات
0
#3
رد: طلب مساعدة بخصوص خلاف مع صاحب مقهى

شاكر رد حضرتك أ/جمال وجعله الله في ميزان حسناتك, بس اسمح لي استفسر من حضرتك عن بعض الحاجات وأتمنى أن تتحملني,,

1- صاحب القهوة بيحط الكراسي غالباً بالليل فقط علشان هو عارف الصبح ممكن يأخذ مخالفة, بيحطها الصبح في بعض الأحيان القليلة, ما العمل في هذه الحالة ؟

2- في الشرطة, أعمل محضر ولا مجرد شكوى ؟

3- هل في حاجة بأعملها في الحي وأنا بأقدم الشكوى علشان أثبت بيها إني قدمت شكوى علشان زي ما حضرتك قلت بناء عليها ممكن أرفع دعوى تعويض؟

وشكراً لرد حضرتك مقدماً.
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#4
رد: طلب مساعدة بخصوص خلاف مع صاحب مقهى

محضر الشرطة ستتم المعاينة فيه بالليل أثناء وجود المخالفة .
وكذلك الشهود يكونوا وسيلة اثبات لك - يمكنك أن تستعين بهم
من نفس العمارة أو من الجيران ....
أما الحى :
فبمجرد تقديم الشكوى يقوم بتحرير مخالفة له ..............

أما الطرق المتقدمة :
فقد تلجأ إليها على حسب مقدرتك !؟
ومنها :
سجادة تقوم بغسلها يوميا ووضعها لكى تجف
كل ليلة وتزود عليها المية شوية .. وبدون عصر !!!

أو

تقذقذ لب وترميه من البلكونه على الكراسى اللى تحت .

أو :

بقايا المياه المعدنية تقذفها من الشباك أصفل عمارتك .

أو

اذا كام أحد السكان له موتوسيكل فيتعمد ركنه فى
نفس المكان لمضايقته .....

أو

بدل ما تسهر فوق اسهر مع أصحابك أمام العمارة !!!

أو

اعلن عن نبتك تأجير المحل ملكك لفتحه قهوة !!!
والمنافسة مشروعة !!!

أو
الكثيييييييييير
 

hokan

عضو جديد
التسجيل
26/8/10
المشاركات
8
الإعجابات
0
#5
رد: طلب مساعدة بخصوص خلاف مع صاحب مقهى

ربنا يبارك لك أ/جمال على سرعة ردك ومساعدتك للغير لوجه الله وجعله الله في ميزان حسناتك.
 

أعلى