رودينا جلال

عضو جديد
التسجيل
16/3/11
المشاركات
5
الإعجابات
0
#1
كنت عاوزة اسأل حضرتك لو انا مقدمة دعوة خلع بتاخد وقت قد اية عشان يتحكم فيها دة لو الانسان اللى انا مقدمة ضدة معندهوش ضمير لا هو ولا المحامى بتاعة ونصاب والمحامى بتاعة بيساعدة على كدة ومحتالين بأسم القانون بيتعمدو تطويل المدة ؟ لأنى شفت ردك على سؤال واحد اخد 6 شهور فى قضية تبديد بتقولة المهر عبارة عن غرف ومش غرف انت قصدك طبعا يطول بس فى الموضوع دة يبقى انت عندك ضمير ومتأكد من ان فلوسك هتبقى حلال يا ريت ادارة الموقع تختار المحاميين اللى عندهم ضمير عشان يفيدو الناس وحضرتك حاول فعلا تفيد الناس عشان محدش يدعى عليك ويقول حسبى الله ونعم الوكيل وشكرا
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#2
رد: سؤال للاستاذ المحامى / السيد الجمل



من أبسط القواعد فى مجال المحاماة
والقضاء أن العدل أساس الملك وعندما
ننبه الناس الى طلب رد المهر الحقيقى
عند طلب الخلع من النساء فإننا نرد أصل
المسألة إلى أصلها الشرعى أولا ثم القانونى .

وعندما أقرر ذلك فى ردودى على الناس فإنى
أرشدهم إلى كيفية استرداد حقوقهم . بصرف
النظر عن الطرف الآخر يوافقنى الرأى على
ذلك أم لا .. فهذا لا يعنينى بالمرة .

وانما الهدف يكون دائما الوصول الى الحق
لأن الحق احب إلى من كل شىء .

وانما هى نصيحة للمظلوم أوجهها إليه وأهديه
إليها للوصول إلى الحق .
أما التطويل فى حد ذاته فليس بهدف .

ومن عمل فى العمل القانونى فى مصر يعلم
جيدا أن القوانيين المصرية ظالمة جدا جدا جدا
لذا :
نحاول أن نصل الى الحق بأسلوبنا الواضح
والقوى فى نفس الوقت ..

وللعلم لا أقف فى صف شخص ضد آخر
وانما دائما مع حق فى مواجهة آخر . أيا كان
هذا الآخر .............

لأنك كما تعلمين أنه لا يوجد الآن من يزوج
ابنته على مهر ( 1 ) جنيه فقط !!!!
ومع ذلك :
نجدهم فى المحكمة يردوا هذا الـــ 1 جنيه
زاعمين بكل بجاحة أن هذا هو المهر المكتوب
فى القائمة وأن هذا هو المهر الحقيقى !!! ..

لقد اضطررت إلى احراج قاض فى هذه المسألة
فى جلسة زعمت فيها المدعية ان هذا هو المهر
الحقيقى وتحديته أن يكون هو هو متزوج ومكتوب
فى قسيمة زواجه ( 1 ) جنيه وأن هذا هو المهر
الحقيقى أو يكون قد زوج ابنته بــ هذا الجنيه ...
وقد ظل هذا القاضى يؤجل القضية إلى أن تم نقله
الى محكمة اخرى فى موسم قضائى جديد ...
يا سيدتى :
من الأقوال المأثورة والخالدة عندنا قاعدة :
اعرف الحق تعرف اهله .............

أخيرا أرجوا أن يكون المقصد قد وضح ......
 

رودينا جلال

عضو جديد
التسجيل
16/3/11
المشاركات
5
الإعجابات
0
#3
رد: سؤال للاستاذ المحامى / السيد الجمل

وهل يوجد فى العرف المصرى اساسا مهر فى الوقت الراهن لا يدفع العريس مهر للعروس ابدا وانما تشاركة فى تجهيز مسكن الزوجية ولو انت متأكد من ان موكلك لا يملك ما يقدمة لزوجتة من اموال ولا شبكة كيف تدافع عنة وتطلب تطويل فى القضية مرة بعد اخرى وتقول ان موكلك دفع مهر وسوف اثبتة فى المرة القادمة ولا يوجد تحت يدك دليل فقط للتطويل وانت تعلم ذلك جيدا هل تساعد الظالم على ظلمة وهل تقبل ان يفعل ببنتك او اختك ذلك هو هدف المحامى فقط الدفاع عن موكلة حتى لو هو ظالم من اجل المادة ايوة القانون بتاعنا ظالم لكن على ايام الرسول لو الزوجة ذهبت الية وهى مكتوب كتابها وقالت لة ان الانسان اللى تقدم لها وصمم على كتب الكتاب عشان يقدر يقعد معاها فى منزل والدها وميكونش الامر حرام وهو لا يمت للدين بصلة ولكن لهدف اخر فى ذهنة هو احتباسها فى ذمتة من اجل استنزاف اموالها هل كان الدين يسمح بشخص نصاب ان يحتبس امراة على ذمتة على ما اعتقد لأ لأن دة ولا هو دين ولا هو من الاسلام فى شئ ووظيفة المحامى اللى بيتطلبها ضميرة هو الدفاع عن المظلوم مش استخدام القانون ودواخلة لاغراض مادية بحتة انا بس عاوزة اى محامى يراعى ضميرة لان ربنا قال افعل يا ابن ادم كما تشاء فكما تدين تدان وحسبى الله ونعم الوكيل فالناس اللى معندهاش ضمير ولا حضرتك يا استاذ / سيد مش معايا فى الموضوع دة وعاوزة حضرتك توجة كلمة فالمحاميين اللى من النوعية اللى بتكلم عنها لان اى انسان ممكن يقول اى حاجة للمحامى بتاعة لكن المحامى لازم يكون عندة عقل ويفرق وعلى ما اعتقد انك انسان كبير كفاية وممكن تفرق ما بين الكداب والصادق وشكرا
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#4
رد: سؤال للاستاذ المحامى / السيد الجمل

لا لا لا مش كل الناس بالكيفية التى تتكلمين عليها ....
هناك الصالح وهناك الطالح دائما .

ووظيفة المحامى هى حسن الوصول الى الحق ليس الا .

وهناك من يسير فى الخصومة بشرف وهناك من يسير
فى الخصومة بلا شرف . ومن يفعل ذلك فحسابه على الله .
والحلال بين والحرام بين ...

أما من يسير فى قضية بقصد إرهاق خصمه بدون وجه
حق فحسابه على الله . وهذا لا يختلف عليه أحد ...
 

رودينا جلال

عضو جديد
التسجيل
16/3/11
المشاركات
5
الإعجابات
0
#5
رد: سؤال للاستاذ المحامى / السيد الجمل

شكرا على ردك يا استاذ سيد وياريت يكون دة ردك على اى مدعى بغير حق وياريت اى شخص تكون متأكد انة مريض نفسى تحاول ان تصحح لة مفاهيمة حتى لا يحاسبك الله فى الاخرة وياريت كمان تنصف المظلوم لانى مـتأكدة انك تعلم جيدا مين الظالم بس مش عارفة واقف جنبة لية ؟ مع انى اعلم جيدا انك انسان محترم بس دة شئ بجد محيرنى طب لية عشان المادة ؟ اكيد طبعا لأ لانك مش محتاج طب لية ...........؟
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#6
رد: سؤال للاستاذ المحامى / السيد الجمل

لا تحتارى أبدا

وأنا بفضل الله لا أقف بجوار ظالم
واذا كنتى تمتلكى قدر من الشجاعة
كاف كما أظن : أعطينى مثلا واحدا
لما تدعيه أنت بغير علم !!!
وبلا مراوغة !!!!!!!!!!!!!!!

وإذا كنتى خصما لى فى قضية معينة
-كما أظن- فلتضربى المثل وسأرد عليك
بكل صدق وواقعية . لأنه ليس عندى ما
أخاف عليه !!!! .
 

رودينا جلال

عضو جديد
التسجيل
16/3/11
المشاركات
5
الإعجابات
0
#7
رد: سؤال للاستاذ المحامى / السيد الجمل

من اول سؤال سألتة لك وانت تعلم جيدا انى خصم لموكل لك فى قضية الخلع وانت تعلم جيدا ان الشخص الذى اتكلم عنة انة انسان محتال تقدم لى ولاننا من الناس المحترمة القليلة فى الدنيا وقفنا بجانبة ولم نطلب منة اى شبكة ولا مهر وكمان ساعدناة فى تجهيز منزل الزوجية وعندما اتضح لنا انة انسان محتال ويطلب مبالغ من المال حمدت ربنا انى كاتبة الكتاب فقط ولم يدخل بى كان يريد ان يكمل فى الموضوع حتى يحصل على فلوس اكتر واستشاط غضبا لانى علمت قصدة وطلبت الطلاق ليس كما يدعى انى انسانة لا اريد احد ان يكون واصى عليا انت تعلم جيدا ان كلمت رجل ليست بكلمة وانها بالافعال وهل يعقل ان يطلب الرجل من زوجتة ان تدفع كل شئ فى الزواج ويحتبسها على ذمتة هل هذا يرضى احد وانت واقف بجانبة وانت تعلم جيدا انة ظالم وكمان مريض نفسى وانا احمد الله انى علمت هذا قبل فوات الاوان ولكن التطويل فى المدة عندة هدف لاننا وكما تعلم عرضنا الصلح حتى اخلص من الكابوس والسرطان الذى دخل حياتى وحسبى الله ونعم الوكيل فية طبعا علمت من انا لانى على علم انك انسان محترم ولكن صدقنى واقسم بالله العظيم ان الانسان الذى تدافع عنة لاينطق الا بالكذب انا شفت ناس مريضة نفسيا كثيرة بس بالطريقة دى لم ارى انة انسان بدون كرامة ولا ضمير ومحتال الى اقصى درجة انا منتظرة ردك واكيد علمت من انا
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#8
رد: سؤال للاستاذ المحامى / السيد الجمل

نعم علمت من أنتى

ولكن كما تعلمين أسرار وخصوصيات
الموكلين هى أخص من أن تناقش فى منتدى عام !!! .

وسأنتظرك أنتى ووالدك لأنكم ناس محترمون
كما أخبرتكم بذلك فى أول مقابلة تقابلنا فيها فى محكمة
مصر الجديدة . عندما عرضت عليكم الوصول للحل الودى
وعندما تشدد كل طرف من جانبه إنتهى الحل الودى .
فإذا أردتى أن تناقشى الموضوع فعنوان
مكتبى واضح ومعروف ...........

وكما تعلمين أيضا أنى جاد جدا فى عملى ورحبت فى
التدخل بينكم فى الصلح مرة ثانية -بناء على طلبكم - واشترطت
شروطا كى أسير فى الصلح . وعندما لم تنفذ رفضت أنا السير
فى الصلح أيضا لتشددكم وعدم وجود ثقة بينكما ....
وأنتى تعلمى ذلك ...

وتعلمين أيضا أنى لا أكذب ولا أهادن ولكننى جاد فى
عملى وهذا لا ينبغى أن يغضب منه أحد ...........

واعذرينى لعدم التحدث فى هذا الموضوع ثانية فى المنتدى ...

ومرحبا بك عضوا فاعلا فى المنتدى ...........
 

رودينا جلال

عضو جديد
التسجيل
16/3/11
المشاركات
5
الإعجابات
0
#9
رد: سؤال للاستاذ المحامى / السيد الجمل

يا استاذ سيد انا مكنتش بكلمك على المنتدى عشان توجد لى حل لانى اعلم جيدا انة لا يوجد حل مع موكلك وانت تعلم جيدا لانة لايريد الصلح وانا كلمت حضرتك وابديت حسن نيتنا والمشكلة فى هو سد كل طرق التفاهم خلاص انا وكلت ربنا حكم بيننا انا بس كنت عايزة اعرفك الشخص اللى حضرتك بتدافع عنة لانك اكيد اتخدعت فية مثلنا تماما حضرتك عارف رقمى لو وجدت حل معاة انا معنديش مانع لكن هو لايريد صلح هو يريد ان نتنازل عن القضايا فقظ طب اعمل كدة لية لما انا محتبسة على ذمتة لو طلقنى سوف اتنازل حتى عن حقوقى لانى لا اريد مشاكل ولكن لو لم يطلقتنى هتنازل لية ؟ ما انا كدة كدة رافعة خلع وهتطلق بأمر من المحكمة ولو مش عايز ترد عليا تانى دة شئ يرجعلك بس حضرتك بتطلب منى اجيلك المكتب لية مش لما موكلك يراعى ربنا وفعلا نيتة تبقى خير وكل دة ممكن من غير مجيلك المكتب الامر ابسط مما تتخيل بكتير واحنا ناس ابسط مما تتخيل بكتير بس الانسان دة غير اهل للثقة واحنا لا نثق بة بعد ما فعلة بنا وشكرا ليك جدا انا بس كنت عايزة اعرفك عشان ميدخلش جيبك فلوس حرام والله اعلم بعبادة
 

fatmaaly1

عضو جديد
التسجيل
21/3/11
المشاركات
2
الإعجابات
0
#10
رد: سؤال للاستاذ المحامى / السيد الجمل

الموضوع دا مشكلة بجد للي بتسأل معاها حق والاستاذ معاه حق هو بيدافع عن الراجل بتاعه وعايز يجيب اكبر مكسب ليه وانتي عايزة تخلصي خلاص ضحي بكل حاجة واخلصي
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#11
رد: سؤال للاستاذ المحامى / السيد الجمل

الموضوع دا مشكلة بجد للي بتسأل معاها حق والاستاذ معاه حق هو بيدافع عن الراجل بتاعه وعايز يجيب اكبر مكسب ليه وانتي عايزة تخلصي خلاص ضحي بكل حاجة واخلصي
لا تتسرعى فى الحكم فأنتى
سمعتى من طرف واحد فقط

لذا

فقد جانبك الصواب !!!!!!

نصيحة :

يجب أن تسمعى من الطرفين
وتخضعى أقوالهم للتمحيص أولا
ثم بعد ذلك أصدرى الحكم !!!
 

طه حســـين

عضو جديد
التسجيل
2/5/11
المشاركات
11
الإعجابات
0
#12
رد: سؤال للاستاذ المحامى / السيد الجمل

من الصعب جداً أن يكون الأنسان طرف في شيئ ما وحكم عادل في الوقت ذاته.
اللهم أهدي النفوس وأنصر المظلوم.
 

ahh77

عضو جديد
التسجيل
22/2/13
المشاركات
20
الإعجابات
0
#13
احسنت يا استاذ سيد فعلا يجب سماع الطرفين قبل الحكم فقد يكون منهم مظلوم والسؤال الذي يجب طرحه على السيدة الفاضلة ما السبب في لجؤك الى الخلع هل فعلا تخافين الا تقيمي حدود الله ام انها قضية مضمونة بتاخد ست شهور على حد قولك ويا ترى هو فعلا زي ماوصفتيه ولا وصفك مبالغ فيه وفي النهاية اللهم انصر المظلوم واهلك الظالم ....
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#14
الحمد لله يا إخوان

تم انهاء القضايا بين هذين الطرفين
بالصلح في شهر عقارى الوايلى

وتم طلاق العضوة بالمنتدى رودينا جلال
من موكلى بهدوء ورضاء من الطرفين
بحضور والدتها وأختها وحضورى وموكلى

وبن تنازل كل منهما على بعض الحقوق
ووصلنا الى حلول أرضت الطرفين ....

وجارى انهاء جميع القضايا بموجب التوكيلات
الحاصة بالتصالح التى تمت بين الطرفين

والحمد لله رب العالمين ...
 

جنات سلان

عضو جديد
التسجيل
28/1/13
المشاركات
14
الإعجابات
0
#15
بصراحه بعد مطالعتى للاستشارة كامله ارى ان الاستاذه صاحبه الاستشارة اخطاءت واساءت للاستاذ المحامى السيد الجمل ومن الممكن ان تعبر عن موقفها ووجهة نظرها بصورة افضل
 

أعلى