solly_s

عضو جديد
#1
وحرمة الله وبركاته


اذا تفضلتم عندي سؤال


انا وقت ما عملت الرقم القومي عشان يبقي معايا اثبات شخصيه قبل دخولي الجامعه كنت قبلها عامله عمليه في راسي ومربوطه بالشاش وكنت بحط طرحه منعا لتلوث الجرح , ولما روحت لعمل البطاقه اتصورت بيها وانا اصلا غير محجبه , والموضوع ده عاملي مشكله لان الصور بتاعة الرقم القومي بتبقي غريبه بطبيعتها فما بالنا لما تبقي بطرحه وانا غير محجبه فيه ناس بيقولولي لا ده مش انتي فالموضوع مسببلي مشكله كبيره


سؤالي هو ازاي اغير الصوره في الرقم القومي ؟ انا عرفت انه حتي لو عملت بدل فاقد او تالف هتبقي بنفس الصوره القديمه

وقريت هنا في المنتدي حضراتكوا رديتوا علي سؤال بخصوص الموضوع ده وقولتوا ان لو الرقم القومي هيطلع علي اساس رقم قومي جديد هيبقي فيه تصوري من جديد

طيب ممكن اعرف ازاي اوراقي تكون علي اساس رقم قومي جديد وانا معايا رقم قومي , هل لو سحبت ورق علي اساس بطاقه جديده الموضوع ده هيعمل مشكله ؟

ارجوكم محتاجه حل للموضوع ده لانه ارهقني جدا وياريت تفهموني اعمل ايه بالظبط , لاني بضطر اشرح كل اللي انا شرحته لحضراتكوا ده لاي حد انا بقف قدامه عشان اخلص ورق رسمي وساعات ورق بيقف بسبب الحكايه دي

واخر سؤال هو مصاريف استمارات الرقم القومي قد ايه

شكرا جزيلا , واسفه جدا علي الاطاله
 

solly_s

عضو جديد
#2
رد: صورة الرقم القومي مسببالي مشكله , هل من حل لتغييرها ؟

اسفه جدا فيه بس سؤال تاني


انا لسه طالبه , فهل اروح اعمل اعتماد الكليه من اول وجديد
 

تولستوي

عضو جديد
#3
رد: صورة الرقم القومي مسببالي مشكله , هل من حل لتغييرها ؟

يا سيدتي الفاضله روحي اعملي بطاقه جديده وقولي لهم ان بطاقتك فقدت وهتعمليها كانها جديده بس وانتي بتعملي الورق هتروحي لغرفه التصوير
موظف التصوير هيبحث عن بطاقتك القديمه وهيشوف صورتك فهو ممكن يقولك هتتصوري ولا لا فطبعا هتقولي ايوه هتصور وتتصوري
او انتي تقولي له انا عايزه اتصور جديد لان كان فيه ظروف عمليه وخلافه وهو موظف عادي يعني مش باختياره يقولك اه او لا
انتي اللي تحددي لانها شخصيتك وصورتك
وده حصل معايا شخصيا
اتكلي علي الله وربنا يوفقك والموضوع بسيط مش مستاهل قلق ولا خوف واحنا بعد ثوره 25 مش قبلها لسه ده حقك ولازم تاخديه
 

gamal gamal

محامى ومستشار قانوني
#4
رد: صورة الرقم القومي مسببالي مشكله , هل من حل لتغييرها ؟



الرقم القومى هو رقم واحد فقط لكل انسان
سواء قمتى بعمل بطاقة جديدة أو بدل فاقد
فالرقم القومى واحد ...
وعموما بالنسبة لمشكلتك يمكنك طلب التصوير
من جديد لكون الصورة غير واضحة وغير محدد
فيها المعالم الشخصية بدقة ...
وكان هذا العيب فى أول دخول التصوير فى الرقم
القومى لذا فهو كان فى منتهى السوء وكأننا خارجين
من المعتقل ........
تمسكى بحقك لأنك على حق ولن يكلفهم شىء ......

وستكون معك استمارة بدل فاقد ومعتمدة من الكلية
واكتبى فى الاستمارة نفسها أريد تغيير الصورة القديمة لى ....
ومهم جدا أن ياخذ الموظف المراجع على ما تريدينه من تغيير
وهو يراجع بياناتك على الكمبيوتر .. لكى يمكنك من التصوير
من جديد ..............
 

solly_s

عضو جديد
#5
رد: صورة الرقم القومي مسببالي مشكله , هل من حل لتغييرها ؟

اشكرك استاذ سيد واشكرك استاذ تولستوي علي الافاده

شكرا جزيلا
 

أعلى