المطبعجى

الوسـام الماسـي
التسجيل
1/1/09
المشاركات
6,238
الإعجابات
2,369
الإقامة
مصر
#1

كلنا تقريبا كمصريين نزلنا إلى الشوارع لحماية بيوتنا وممتلكاتنا
وأهلنا وجيراننا
هذا الموضوع باب لكل أعضاء المنتدى الكرام ليسرد كل منهم
حكاية حدثت معه أو شاهدها أو سمعها من أحد المقربين منه

وأبدأ بنفسي

نزلت إلى الشارع مع مجموعة من الأصدقاء والجيران وشباب منطقتي يومين متتاليين
وتسلح كل منا بعصا أو سكين أو قطعة حديد
عن نفسي أمسكت بعصا حديدية مجوفة ولكن صلبة جدا
ومش طويلة ولا قصيرة .. حلوة يعني ههههه
وأثناء وقوفنا وزعنا أنفسنا على نواصي الشوارع وقمت بشراء صافرات
زي بتاعة حكام الكورة وزعتها على الكمائن ‘ عشان لو حصل أي قلق
في أي كمين نهجم هجوم الأبطال على الأعداء
المهم اليومين دول مكنش فيهم والحمد لله أي مشاكل كبيرة
يدوب مسكنا حرامي ماشي بعجلة - دراجة - وأخوكم كان السبب في إمساكه
الزبون مر من كمين من بتعونا كان فيه شباب صغير ومرضيش يقف لهم
قفلت عليه بالعصاية وقف .. سألته رايح فين وجاي منين
طلع من منطقة بعيدة جدا عن مكان إقامتنا ، مهو انا خليته يطلع البطاقة
كنت فين يا سيدي ، قال كنت في الشغل ومروح
!!!!!!!!!!! دي الساعة دلوقتي 2 الصبح وشغلك ده فين
قال مكان في آخر الدنيا وبيته في الناحية التانية من الدنيا !!!!!!!
طبعا كان مرتبك جدا وكلامه مش مظبط خالص ولا ماشي مع بعضه
المهم إديت البطاقة لأحمد بيك ( ضابط شرطة من الجيران )
وقلتله اتصرف معاه بمعرفتك في نفس الوقت جاء ضابط آخر من الجيران
أحمد برضو وكان معاه رشاش آلي أي والله آلي كان راجع من عند السجن لأنه كان فيه قلق
المهم فتشوه وملقوش معاه حاجة خالص ولا حتى فلوس
مع الأسف والأسى مسكوه عجنوه وكنت بحاول أحوش عنه لأني شعرت بتأنيب ضمير
وأطلقوا سراحه بعدها
أحد جيراننا بعد أن أطلقناه قال لنا الواد ده حرامي وكان سعات يجي يسرق كشك عم حافظ بتاع الحلويات والشيبسي ........!!!!!!!!!!!!!
يا خبر أسود يا فلان مقلتش ليه وهوه واقف كنا سلمناه للجيش
ولا كنا عجناه ضرب مع اخونا الظباط . هوة ده وقته قال الجار ، كده أحسن عشان يبلغ زمايله
إن الحتة هنا مصحصحة ومحدش يفكر يهوب ناحيتها ؟
تصوروا كلام معقول .. كده أحسن فعلا

الشاهد في الموضوع إن المدينة عندنا حقيقة لم يتركها ضباط الشرطة عرضع للنهب والسرقة ولم يتركوا
واجبهم لحظة ولذلك كانت مدينة شبين الكوم من أقل أقل المدن تعرضا للقلق والسرقات
وكذلك تم القبض على كثير من الهاربين من السجون المختلفة في المدينة وأجوارها
ولم يهرب من سجن شبين الكوم أي مسجون رغم محاولاتهم الشديدة لفعل ذلك
مساندة الشرطة والأهالي والجيش حالت دون وقوع حالات هروب من السجن
وأفكر جديا فعلا أن أذهب لمدير أمن المنوفية لشكره على عدم تخليه عن مسئوليته
وسأفعل إن شاء الله عندما تهدأ الأمور تماما

أرجو أن لا أكون قد أطلت عليكم ولكني أردت أن أبوح بما في نفسي لأخوتي
وفي انتظار حكاياتكم

بعض الصور من اللجان الشعبية









خالص تحياتي
 

منى

الوسـام الماسـي
التسجيل
23/10/09
المشاركات
3,172
الإعجابات
456
الإقامة
الاسكندريه
#2
رد: حكايات من اللجان الشعبية .. شارك بحكاية

ماشاء الله
والله قصص مشرفة

كده أحسن عشان يبلغ زمايله
إن الحتة هنا مصحصحة ومحدش يفكر يهوب ناحيتها ؟
ههههههههههههههههه

والله أخى الكريم كنت حاسة إن سبب تغيبك عن المنتدى إنك واحد من اللجان الشعبية

ربنا يباركلنا فى شباب ورجال مصر


بالنسبة للمدينة التى أسكن بها هى هادئة نسبيا

ومع ذلك كان عندنا أكثر من لجنة شعبية
وكمان فى أى وقت لو حد قال حراااااااااااامى
تلاقى المدينة كلها إتجمعت وكل واحد معاه اللى ربنا قدره عليه


والحمدلله عدت على خير

جزاك لله خيرا أخى الكريم
 

م/هشام فوزي

عضوية الشرف
التسجيل
15/9/08
المشاركات
542
الإعجابات
218
الإقامة
الاسكندرية
#3
رد: حكايات من اللجان الشعبية .. شارك بحكاية

اخى الفاضل واشكرك على ذكرك لاحداث لجان المقاومة الشعبية التى هى من اجمل ما حدث عقب الثورة وانسحاب الشرطة
انا من مدينة الاسكندرية والمنطقة التى اقطن بها تحدها جناين ومشاتل للاشجار والزهور من ثلاث اركان على مساحات كبيرة وهذه هى المشكلة ..... فى تلك الاحداث قد تسلحت ببعض الاسلحة وهى عبارة عن سيف استانلس طوله حوالى متر وشومة وانا عن نفسي اول مرة فى حياتى كلها احمل هذه الاسلحة ولكن ولاد الحلال عملولى السيف عشان كنت بمر بالليل على كل اللجان اللى عملنها على مداخل المنطقة والكمائن ايضا .... وانا مهندس كمبيوتر واحمد الله ان الجميع يشهدون لى بالخلق الحسن وكانت الناس تنظر الى وانا احمل هذه الاسلحة باستغراب فأقول لهم الان مش مهم (مين فينا ايه المهم اننا نحمي بعض) و ظللنا لمدة ثلاثة ايام كاملة فى رعب وخوف خصوصا ان احد افراد اللجان الشعبية لمح احد الاشخاص وهو يتوجه ناحية الجناين بسرعة وكأن هناك من يطارده وعندما جرى وارئه اطلق اعيرة نارية فقامت المنطقة وقلبت راسا على عقب وتم تشغيل مكبرات الصوت بالمساجد لتحذير الناس من هذا الامر وتكررت هذه الاحداث فى اليوم الأخير ايضا وسمعنا طلقات نارية ايضا بنفس الوقت واخذنا نجري يمينا وشمالا وشرقا وغربا لنؤمن المنطقة ولكى نعطر فى هؤلاء الاشخاص الذين يطلون النيران بطريقة عشوائية وفى نفس اليوم وقد تعبت جدا من شدة الارهاق والسهر ذهبت للنوم حوالى الساعة الرابعة فجرا ووكلت احد جيرانى ليقوم بدوري واذ فجاة اسمع اصوات عالية جدا لنساء ( صريخ) وبعدها مكبرات صوت لاحد المساجد ( وبيقول الناس تصحى كله يصحى فى الشارع الفلانى) واخذت اجري الى الشارع المذكور وطبعا معى الاسلحة واذا باغرب الاشياء التى تحدث رجل تعدى الخمسون من العمر عامل ارزقى ( رزق يوم بيوم) قد اخذ سكينا وذبح رقبته وذبح شرايين زوجته وهو يقول تحيا مصر تحيا مصر واحضر احد جيراننا سيارته واخذهم الى الى المستشفي ولحقوهم فى اخر لحظة وعلمنا انه منذ هذه الاحداث وهو يمر بظروف نفسية سيئة خصوصا ان مصادر رزقه قد توقفت ونفذ ما معه من اموال بعدها قد هدأت الامور نسبيا بس الحقيقة اجمل ما رأيته فى هذه الاحداث هى التى تسمي لجانا شعبية عملية التحام يدا بيد مسلم ومسحي صعيدي وفلاح كله ايده فى ايد التانى ومستعد يقدم رقبته فداه وده اللى مش حنشوفه فى اى بلد اخري هنا ظهر المعدن المصري الاصيل حتى من كنا نطلق عليهم بلطجية وجدناهم يدهم بيدنا ...... تقبلوا تحياتى واتمنى من الله الاستقرار فى القريب العاجل وان يوللى اللى امورنا خيارنا
 

mzar720

عضوية الشرف
التسجيل
18/1/05
المشاركات
4,134
الإعجابات
387
الإقامة
Kuwait
#4
رد: حكايات من اللجان الشعبية .. شارك بحكاية

قصص مشرفة يا استاذ عمرو , و انت يا استاذ هشام
مصر عامرة برجالها و شبابها, كان نفسي اكون فى مصر وقتها

فى البلد (الصعيد)عندي كانت الامور هادية و مستقرة
 

جهاد ع

عضوية الشرف
التسجيل
11/2/10
المشاركات
13,400
الإعجابات
794
الإقامة
الاردن
الجنس
Male
#5
رد: حكايات من اللجان الشعبية .. شارك بحكاية

رجال وعلى قدر المسؤولية

الله يعطيكم العافية
 

المطبعجى

الوسـام الماسـي
التسجيل
1/1/09
المشاركات
6,238
الإعجابات
2,369
الإقامة
مصر
#6
رد: حكايات من اللجان الشعبية .. شارك بحكاية

حفظكم لله وبارك فيكم جميعاً

في انتظار مزيد من القصص الحقيقية من اللجان الشعبية

خالص تحياتي
 

أعلى