Eman_R_H

عضـو
التسجيل
22/1/11
المشاركات
1
الإعجابات
3
#1





ايدي في ايدك نبني بلدنا
منبصش لورا إلا للتأمل
للتعلم من الأخطاء
متفكرش مين خذلك
و مين مفهمش القضية
القضية وجهات نظر!

صعب في ليلة تغير
الخوف اللي عشش في القلوب
صعب في لحظة تغير
شعب تعلم السكون
شعب تعلم الركود و الركون
أعذره و اديله حق!

حق يخاف من التغيير
يخاف من المجهول
اصله بقاله سنين متغمي
عينه مش متعوده على النور
وبدل ما تخونه و تركنه
أمسك بأيده وطمنه

أثبت له بصوت خفيض
وبقلب مفتح من جديد
ان مش كل تغيير يخوف
وإن كان الجديد غريب
اديله فرصة يتغير
على قد فكره و قدرته

قوله : أنا كمان خايف!
بس لو خفنا مش حنتقدم
و مش في دقيقة حنتعلم
لكن لازم يكون فيه أمل
فيه صبر كتير و عمل
النتيجة مش سريعة
أصل مشوارالألف ميل
بيبتدي بخطوه!

كلمات : إيمان رأفت


 

ابوميدو المصراوى

عضو جديد
التسجيل
6/3/11
المشاركات
17
الإعجابات
3
الإقامة
اسكندريه
#2
رد: ايدي في ايدك نبني بلدنا

كلمات جميله يا ايمان بالتوفيق ديما

 

أعلى