سيدعبدالرحمن

عضو جديد
#1
افردى كفوفك وسيبينى متخنقنيش

افضل معاكى صغير او اغير ريش

اطير فى السما عالى ولا اعيش فى الهيش

سيبينى اعيش

سيبينى اكون على بابك انا الحارس

واكون فى غيابك انا العنوان

تكونى ليه جنيه وانا الانسان

تكونى حضنى ودفايا وانا البردان

تكونى امى وابويا واهلى

وتنقذينى من الحرمان

واكونلك انا جسر تعدى عليه
لبر امان
وهاقولك سيبينى اعيش

سيبينى اتوه واتعلم ولو برضه راح اتالم

حجيلك ضاحك ومش حابكى ولا اتندم

ساعتها خدينى فى حضنك بحنيه

وسمعينى قصص يامه وغنيه

وسيبينى اعيش

ولو صابنى عيار غدار

هاخبى جروحى عنك ولو حتى اكون مجروح
اكون مدبوح

واجيلك واحكيلك عن الافراح

وتشوفى منى ضحكايه وانا مرتاح

ولو سالتى عن قطع فى شريانى

احكيلك عن قلبى اللى بيعانى

وتلاقى اجنحتى مفروده بتحميكى

واحول مجرى شريانى لشريانك

لجل الخوف اللى جوايا يهدا فى احضانك

وبعد مادمى يتصفى فى وجدانك

ساعتها انام وارتاح

لانى ساعتها حاعيش فيكى

باعيش فيكى
 

abo_mahmoud

الوسـام الماسـي
#2
جزاكم الله خيرا وشكرا
 

أعلى