الحالة
موضوع مغلق

smsm3322

عضو جديد
#1
أستاذ جمال كنت قد عرضت مشكلتى عليك من قبل فبعد أن قمت برفع قضية تبديد عزال على زوجى وحكم فيها عليه بسنة سجن و200 جنيه غرامه منذ أربع شهور لم يقم بالطعن فى الجكم حتى الآن وكلما أرسلنا له على البيت أو العمل قالوا لم يستدل عليه فماذا أفعل الآن هل ضاع حقى للأبد؟ أم هناك طريقة تجعله يقوم بعمل الطعن وهل يمكن الوصول إليه من خلال الذين مضوا على قائمة المنقولات مع العلم أنهم خاله هو وعمى أنا أرجو إفادتى أفادكم الله
 

gamal gamal

محامى ومستشار قانوني
#2
رد: قمت برفع قضية تبديد عزال



عليك أو على محاميك أن يرتب مع
مخبر المنطقة أو ضابط المباحث المسئول
عن تنفيذ الحكم للنزول إليه ليلا للقبض
عليه لاجباره على اتخاذ الاجراء المطلوب ...
واصبرى على ذلك حتى ينفذ الحكم ...
 

smsm3322

عضو جديد
#3
رد: قمت برفع قضية تبديد عزال

هو أصلا شغال فى وزارة الداخلية وله دلال على الجماعة اللى فى القسم وعشان كده بقالنا 4 شهور كل مرة يقولوا لم يستدل عليه وحتى فى ديوان عام الوزارة برضه نفس الشىء لم يستدل عليه فهل فى اجراء يمكننا احضاره من خلال الشهود طرفه اللى مضوا على قائمة المنقولات
 

smsm3322

عضو جديد
#4
رد: قمت برفع قضية تبديد عزال

معلش وفى حاجه كمان بعد أذن حضرتك هو فى قضية تبديد العزال دى المحكمة بتاخد اصل قائمة المنقولات ليه ؟
وهو ساعة استلام العزال ينفع الأستلام بصورة القائمة
 

gamal gamal

محامى ومستشار قانوني
#5
رد: قمت برفع قضية تبديد عزال

ما دام الأمر كذلك
عليك بتقديم شكوى مكتوبة الى مكتب السيد / وزير الداخلية
مرفق بها صورة من الحكم ويتم ذكر انه شغال فى وزارة
الداخلية بمهنة كذا ......... وفى القسم يجاملونه لعدم تنفيذ
الحكم عليه ....................
وصدقينى ها يشد شدة كويسة ....
وسيقوم بعمل المعارضة ..........

واستلام المنقولات يتم بالصورة
الضوئية للقائمة فعلا ..........
 

smsm3322

عضو جديد
#6
رد: قمت برفع قضية تبديد عزال

بالفعل قدمنا ثلاث شكاوى لمكتب السيد وزير الداخلية فى أوقات مختلفة فى الأربع شهور الماضية واحدة على النت واتنين فى ديوان عام الوزارة وطلبنا مقابلة المفتش العام لكن هما قالوا ان الشكاوى وصلت لأعلى مستوى ولحد دلوقتى برضه مفيش حاجه حصلت وعملنا كمان فى مديريه امن القليوبية ومعرفش ليه مبنوصلش لشىء هو شغال فى الوزارة هو ووالده واخوه واخته هو ده السبب يمكن مش عارفه بيماطل بقى لحد ما الحكم يسقط وخلاص حتى قضية النفقة من شهر 5 رفعناها ولسه اتحدد لها فى شهر اتنين ليه ده كله معرفش
 

smsm3322

عضو جديد
#7
رد: قمت برفع قضية تبديد عزال

على فكرة المشكلة هو طاردنى من البيت من 7 شهور قالى هخرجك بفضيحة وهسيبك معلقة وفعلا اهو كده نفذ اللى فى دماغه مبقاش عليه اى التزامات لمراته ولا بنته رافض انه يطلق ودى وياخد الحاجات اللى جابها ويدينى الحاجات اللى جبتها واتنازل له عن نفقتى انا وبنتى وبرضه مش راضى وحتى ادخل فى الموضوع ناس كبار ونائب مجلس الشعب ومفيش فايده هما بيقولوا مبنكبرش لحد حضرتك تنصحنى اتصرف ازاى ارجو انى مكونش طولت عليك ولكم جزيل الشكر
 

gamal gamal

محامى ومستشار قانوني
#8
رد: قمت برفع قضية تبديد عزال

والله غريبة فعلا ...........

أنتى تحتاجين الى محام جيد
( هذه هى الخلاصة ) !!!!

هناك طرق عديدة لحل أى موضوع
ولا يوجد موضوع بلا حل !!!!
عموما
خذى هذه النصيحة :
قومى بعمل انذار على يد محضر لرئيس مباحث
قسم الشرطة الذى يتبعه وضابط التنفيذ بالقسم
بتقاعدهم عن القبض على المتهم وهومقيم فى
العنوان ........ ومحل عمله فى العنوان كذا ....
( اذا كان محل عمله يتبع نفس قسم الشرطة الذى يقيم فيه ) .
واذا كان محل العمل فى مكان غير محل الاقامة ك
فيجب عليك التوجه الى قسم الشرطة الذى يتبعه محل عمله
وقابلى ضابط المسئول عن تنفيذ الأحكام وقدمى له صورة
من الحكم ليقوم بالتنفيذ من عدمه .
والا سيدخل أيضا فى الانذار بالتقاعس عن عمله !!!

ويمكنك اقامة جنحة لهم أمام المحكمة لعدم تنفيذ حكم قضائى
وعقووبتها الحبس والعزل من الوظيفة !!!!

أو :
وهذه طريقة مجربة جدا جدا :
وهى أن تأخذى صورة رسمية من الحكم وتذهب الى الرتبة
الأعلى فى محل عمله واطلبى من هذه الرتبة القبض على موظفه
وتنفيذ الحكم القضائى ضده !!!! بإعتباره موظف فى الدخلية ....

وهذه الطرق ناجحة جدا جدا ................

وأنا عن نفسى نفذت حكم بالحبس على سكرتير نيابة فى
محكمة ....... فى محل عمله وتم تسليم الحكم لحرس المحكمة
ولم يخرج هذا الموظف من النيابة الا بعد أن قام بتنفيذ الحكم !!!!!!!!!!

لذا : فإما أن تبحثى عن محام جيد
يأخذ أتعابه ويقوم بالعمل المطلوب !!!
واما أن تقومى أنتى بالمطلوب !!!

رفعت الجلسة ....
 

smsm3322

عضو جديد
#9
رد: قمت برفع قضية تبديد عزال

طيب يا استاذ جمال انا بالفعل كنت موكله محامى وهو كده مش شايف شغله كويس دلوقتى انا عايزة ألغى التوكيل بس هو كان واخد منى أصل القائمة وصور البطاقة وشهادة الميلا د دلوقتى هل يقدر يأذينى أو يبيعنى مثلا لزوجى بالأوراق اللى عنده هو قالى ان أصل القائمة فى المحكمة هو ده صحيح ؟
 

smsm3322

عضو جديد
#10
رد: قمت برفع قضية تبديد عزال

معلش يا أستاذ جمال بطول على حضرتك بس اسمحلى اوضح لحضرتك شويه تفاصيل يمكن تكون مهمه دلوقتى زوجى شغال شغلتين فى وزارة الداخلية فنى تكييف وفى مول معروف مشرف أمن و بالنسبة للشكاوى اللى عملتها 3 فى وزارة الداخلية للسيد وزير الداخلية وواحدة فى مديرية أمن القليبوبيه وكمان عملنا موضوع الاخطار اللى للمأمور القسم اللى حضرتك قلت لى عليه ده بالفعل اتعمل واحد لقسم ثانى شبرا اللى هو محل السكن والتانى لقسم عابدين محل العمل ومع ذلك مفيش نتيجة واكتشفنا كمان انه اتنقل من شغله كفنى تكييف فى الوزارة لحاجه تانيه بس منعرفش هى ايه داخل الوزارة برضه دلوقتى ايه رأى حضرتك أعمله كمان اخطار لمأمور قسم بولاق اللى هو يتبع له محل عمله التانى انا خلاص فقدت الأمل فى إنه يعمل الطعن هو بيماطل لحد لما القضية تسقط وخلاص
ايه العمل ؟
 

gamal gamal

محامى ومستشار قانوني
#11
رد: قمت برفع قضية تبديد عزال

جميل
اذن ستحتاجى الى سلاح الصبر
بجانب هذه الأسلحة............

وبصراحة : أنا مستغرب جدا
لأنه لا يوجد شىء مستحيل فى
تنفيذ هذا الحكم .. وهو أمر سهل
جدا ........
وبالمناسبة :
عندى موكل قام بتنفيذ حكم بالحبس على خصمه
بأن انتظره على بوابة المصنع الذى يعمل فيه وعند
خروجه قام بحمله مع آخر كان معه ووضعوه فى تاكسى
كان معهم وذهبوا به مباشرة الى قسم الشرطة
ثم عرض على النيابة وقام بعمل المعارضة فى الحكم ..
ورحب القسم بهذا الفعل من جانب موكلى ........

هناك الكثيييييييييير من الطرق للوصول الى الحق ....
 

smsm3322

عضو جديد
#12
رد: قمت برفع قضية تبديد عزال

طيب أنا كمان رفعت قضايا النفقة من شهر 5 ولسه هتتنظر فى شهر 2 المحامى بيقولى انه ملهوش ذنب وان محكمة شبرا هى اللى بتأجل القضايا لوقت بعيد كده هل الكلام ده صحيح واذا كان هو مش عارف يستدل على عنوانه هيقدر يعرف مفردات مرتبه بيقولى ان دى حاجه ودى حاجه تانيه
 

gamal gamal

محامى ومستشار قانوني
#13
رد: قمت برفع قضية تبديد عزال

نعم القاضى هو السبب فى التأجيلات البعيدة !!!
ولا ذنب للمحامى فى هذا الأمر ..................

والتحرى يكون عن طريق جهة العمل ما دام
أنه موظف ......................
 

smsm3322

عضو جديد
#14
رد: قمت برفع قضية تبديد عزال

تمام وشكرا على اهتمام حضرتك
 
الحالة
موضوع مغلق

أعلى