ommarime

الوسـام الماسـي
#1
http://www.***********/almaciat/d0kqe4mep3s59utqwu52.gif




من اكلات عيد الاضحى كل سنة وانتوا طيبين
كل سنة وأنتم طيبين
بدون مقدمات يالا بينا على المطبخ



فتة بالخل والثوم

أوّل طبق معانا النهارده هو طبق الفتة بالخل والثوم؛
المقادير:

- كيلو لحمة ضأن.
- 3 أكواب أرز.
- بصلة كبيرة ومقطعة قطع صغيرة.
- بصلة كبيرة مقسومة نصفين.
- 2 فص حبهان.
- ملعقة قرنفل.
- 6 فصوص ثوم مفرومة.
- 2 رغيف خبز محمص.
- نصف ملعقة صغيرة مبشور جوزة الطيب.
- أعواد قرفة.
- ورق لاورا.
- ملح.
- كوب كبير عصير طماطم.
- ملعقة كبيرة سمن.
- ملعقة كبيرة صلصة طماطم.
- ملعقة خل أبيض.

الطريقة:

1- اسلقي اللحمة الضاني وضيفي إليها عند السلق البصلة المقسومة نصفين وورق اللاورا وفص الحبهان وملعقة القرنفل والملح وسيبيها لغاية ما تستوي.

2- أثناء ما اللحمة بتستوي أحضري الأرز واغسليه، وأحضري صينية متوسطة الحجم وحطيها على النار وحطي فيها ملعقة ونصف سمنة، وضيفي إليها الأرز وقلبيه على النار لمدة خمس دقائق، بعد كده أحضري ماء وضيفي إليه شوية ملح وضيفيه للأرز وسيبي الأرز على نار هادية لغاية ما يستوي مع التقليب من وقت للتاني.

3- أثناء ما الأرز بيستوي أحضري بصلة وقطعيها قطع صغيرة وحمّريها في السمنة لغاية ما تلاقي لونها بقى أصفر، ضيفي إليها الثوم مع التقليب لمدة خمس دقائق، بعد كده ضيفي إليهم كوب عصير الطماطم والصلصة ومعلقة الخل وسيبيهم على نار هادئة لمدة 10 دقائق، بعد مرور عشر دقائق ضيفي إليهم كوب من الشوربة وقطع اللحمة وسيبيهم على النار لمدة ربع ساعة.

4- أحضري صينية وقطعي فيها الخبز المحمص، وضيفي إليه شوربة اللحمة وسيبيهم لمدة عشر دقائق علشان العيش يتشرّب من الشوربة.

5- أحضري طبق كبير وحطي فيه الأرز والخبز ومن فوقهم الصلصة واللحمة... واوعي تأكلي صوابعك وراها.


فتة بالزبادي والثوم

أما لو كنتِ عايزة تبيني للكل إنك ست غير تقليدية، وفي نفس الوقت تعملي فتة؛ يبقى عليكِ وعلى الفتة بالزبادي والثوم، وعلى فكرة طبق الفتة ده مشهور أوي في الشام...

المقادير:

- كيلو لحم ضاني أو بتلو مقطعة قطعاً متوسطة الحجم.
- 2 رغيف شامي محمص.
- ربع كوب طحينة.
- 5 عبوات زبادي.
- 5 فصوص ثوم مفرومة.
- بصلة كبيرة مقطّعة شرائح رفيعة.
- ورق لاورا.
- 2 حبة حبهان.
- نصف كوب صنوبر "اختياري".
- 3 أكواب أرز بسمتي.
- 2 ملعقة كبيرة سمنة.
- 1 كوب خل.
- ربع كوب عصير ليمون.
- ربع كوب زيت ذرة.
- ملعقة صغيرة بهارات.
- ملح وفلفل.

الطريقة:

1- أحضري العيش الشامي وقطّعيه قطعاً متوسطة الحجم، وحمصيه في الفرن لمدة عشر دقائق، أثناء ما العيش بيتحمّص في الفرن أحضري الصنوبر وحمّريه في الزيت أو حمصيه هو كمان في الفرن.

2- أحضري حلة كبيرة وحطي فيها معلقة سمنة وسخنيها على النار، وضيفي إليها البصل وقلبيه على النار لمدة ربع ساعة أو لغاية ما تلاقي إن البصل لونه أصفر ضيفي إليه نص كمية الثوم المفروم اللي عندك، وقلبيهم مع بعض لمدة خمس دقائق كمان.

3- بعد مرور خمس دقائق ضيفي إليهم قطع اللحمة، وقلبيهم مع بعض لمدة ربع ساعة أو لغاية ما تلاقي إن اللحمة لونها أتغيّر من اللون الأحمر إلى اللون البني، ضيفي إليها ماء وملح وبهارات وورق لاورا وحبهان، وسيبيها على النار لمدة نص ساعة أو لغاية ما اللحمة تستوي.

4- في الوقت اللي فيه اللحمة بتستوي أحضري الأرز واغسليه وبعد كده أحضري صينية وحطي فيها معلقتين سمنة واستني لغاية لما السمنة تسخن، وضيفي إليها الأرز وقلبيه على النار لمدة خمس دقائق، بعد كده أحضري ماء وضيفي إليه شوية ملح وضيفيه للرز وسيبيه على نار هادية لغاية ما يستوي.

5- أثناء ما الأرز بيستوي أحضري الزبادي واخلطيه بالطحينة وباقي كمية الثوم اللي عندك وعصير الليمون وربع معلقة صغيرة من الملح والفلفل وقلبيهم كلهم مع بعضهم كويس.

6- أحضري طبق باريركس كبير وحطي فيه الخبز المحمص، وضيفي إليه شوربة اللحمة واستني خمس دقائق، وبعد كده ضيفي إليه الزبادي والأرز وقطع اللحمة والصنوبر وشوية شوربة لحمة، ودخليه الفرن لمدة عشر دقائق وبعد كده خرّجيه... وبألف هنا وشفا..


كبسة باللحمة والأرز

أما لو كنتِ عايزة تاكلي فتة على الطريقة السعودي؛ يبقى عليكِ وعلى الكبسة السعودي.. ودي طريقتها..

الطريقة:

- كيلو لحمة ضاني مقطعة قطعا متوسطة الحجم.
- 3 حبات بصل مقطعة شرائح.
- 4 أكواب أرز بسمتي.
- 5 أكواب ماء.
- ربع كوب زيت ذرة.
- 3 ثمرات طماطم مقطعة قطعا صغيرة.
- ورق لاورا.
- 3 حبات حبهان.
- 3 أعواد قرفة "متوفر عند العطار".
- ملح وفلفل وبهارات.
- حبات ليمون ناشف "متوفر عند العطار".
- مكسرات محمرة "اختياري".

الطريقة:

1- سخني الزيت في حلة وضيفي إليه البصل وقلّبيه على النار لمدة عشر دقائق أو لغاية ما تلاقي إن البصل لونه بقى أصفر، ضيفي إليه اللحمة والليمون الناشف والبهارات وورق اللورا والحبهان وأعواد القرفة والملح والفلفل والطماطم وقلبيهم كلهم مع بعض على النار لمدة عشر دقائق أو لغاية ما تلاقي إن اللحمة لونها أتغيّر من اللون الأحمر إلى اللون البني.

2- لما تلاقي إن اللحمة لونها بقى بني ضيفي إليها كوب كبيرة من الماء، وسيبيها على نار هادية لمدة ساعة أو لغاية ما اللحمة تستوي.

3- بعد ما اللحمة تستوي أحضري الأرز واغسليه وبعد كده أحضري الصينية اللي هتعملي فيها الأرز وحطي فيها ملعقة ونصف سمنة، وبعد كده ضيفي إليها الأرز وقلبيه على النار لمدة خمس دقائق بعد كده ضيفي إليها شوربة اللحمة.

4- أحضري طبق كبير وحطي فيه الأرز ومن فوقه قطع اللحمة، والمكسرات المحمرة.. وبألف هنا وشفا.

بعد ما عرفنا أكتر من طريقة لعمل الفتة، تعالوا دلوقتي نعرف أكثر من طريقة لعمل طبق الغذاء في العيد...


مشويات مشكلة

دي أحسن طريقة ممكن إنك تعمليها علشان تحصلي على طبق مشوي مشكل في منتهى الجمال..

المقادير:

- كيلو لحم ضأن مقطعة قطعا متوسطة الحجم.
- كيلو لحم ضأن مفرومة.
- كيلو ريش ضاني.
- 5 بصلات مقطعة مفرومة.
- نصف حزمة بقدونس مقطعة قطع صغيرة جدا.
- ملح وفلفل وبهارات لحمة.
- 5 حبات فلفل أخضر.
- 5 بصلات صغيرة الحجم.
- 5 حبات طماطم متوسطة الحجم.
- شرائح ليمون "للتزيين".
- أوراق بقدونس "للتزيين".

الطريقة:

1- أحضري البصل وقطعيه قطعا صغيرة جدا وبعد كده ضيفي إليه الملح والفلفل والبهارات واضربيهم كلهم مع بعض في الخلاط.

2- أحضري حلة كبيرة وحطي فيها نصف مقدار البصل اللي عندك وضيفي إليه كيلو اللحم الضأن والريش وقلبيهم كلهم مع بعض كويس، دخلي الحلة في التلاجة لمدة 5 ساعات علشان اللحمة تتبل كويس.

3- أحضري حلة تانية وحطي فيها الكمية المتبقية من البصل وضيفي إليها البقدونس واللحمة المفرومة وقلبيهم كلهم مع بعضهم كويس.

4- أحضري أسياخ معدنية وابدئي في تشكيل اللحمة المفرومة على شكل أصابع حوال الأسياخ، بس خدي بالك إنك تضغطي عليها كويس علشان ما فيش حاجة تفك منك أثناء الشواء.

5- أحضري الشواية اللي عندك سواء كانت بالكهرباء أو بالفحم وابدئي في وضع أسياخ الكفتة عليها مع مراعاة التقليب بين الحين والآخر.

6- أحضري مجموعة أسياخ أخرى وابدئي في تدخيل قطع اللحم الضاني فيها والريش ضاني، وحطيها على الشواية مع مراعاة التقليب من الوقت للآخر.

7- بعد ما تخلصي شواء اللحمة أشوي الطماطم والفلفل والبصل.

8- جهزي طبق التقديم وزيّنيه بأوراق البقدونس وشرائح الليمون ورصي فيها المشويات... وبألف هنا وشفا.


ريش ضأن محشية سبانخ وطماطم

دي طريقة جديدة لعمل الريش الضأن في العيد ممكن إنك تجربيها وتقولي لنا على رأيك...

المقادير:

- كيلو ريش ضأني.
- كوب سبانخ مفرومة.
- نصف كوب طمامم مقطعة قطعا صغيرة.
- 1 حبة جزر مبشورة.
- 3حبات بطاطس.
- 5 فصوص ثوم مفرومين.
- ملعقة كبيرة مرامية "متوفر عند العطار".
- ملعقة كبيرة روزماري "متوفر عند العطار".
- ربع كوب زيت ذرة.
- ملعقة كبيرة خل.
- ملح وفلفل.

الطريقة

1- اخلطي السبانخ مع الطماطم والجزر ونصف كمية الثوم والروز ماري والمرامية والملح والفلفل وقلبيهم كلهم مع بعض كويس.

2- أحضري الريش وابدئي في عمل تجويف بداخلها باستخدام السكينة، واحشيها بالخليط السابق، واربطيها في النهاية كلها مع بعضها بخيط سميك.

3- أحضري البطاطس وقطعيها قطع متوسطة الحجم، وأحضري صينية وحطي فيها الزيت وضيفي إليه الكمية المتبقية من الثوم والأعشاب وقلبيهم مع بعض لمدة ثلاث دقائق، وبعد كده ضيفي إليهم البطاطس والريش والخل وقلبيهم كلهم مع بعض لمدة خمس دقائق.

4- أحضري صينية فرن وحطي فيها الريش والبطاطس ودخليهم الفرن لمدة نص ساعة أو لغاية لما الريش تستوي.

5- جهزي طبق التقديم وحطي فيه الريش... وبألف هنا وشفا.

http://www.***********/almaciat/euh7pr2brki5r69669zt.gif
 

Dreams

Dreams

مؤسس وإداري
#2
رد: اكلات عيد الاضحى كل سنة وانتوا طيبين

بارك الله فيك ام مريم وكل عام وانتى بخير
 

منى

الوسـام الماسـي
#3
رد: اكلات عيد الاضحى كل سنة وانتوا طيبين

رائع جداً يا ام مريم

خصوصاً المشويات المشكلة
تــــــــــــــــــــــــحفـــــــــــــــــــــــة

والفتة المصري كل الأسرة تعشقها

تسلمي ياغالية
وتسلم أيدك

وكل سنة وانتي طيبة
 

جهاد ع

عضوية الشرف
#4
رد: اكلات عيد الاضحى كل سنة وانتوا طيبين

تمام الاكلات هذة مع المشاوي نصنع صلصة من البندورة المشويه والثوم والفلفل الاخضر وملح وفلفل اسود يدق الثوم مع الفلفل الاخضر وتضاف البندورة المشوية وتدقالبندورة فوقهم جيدا نرش ملح وفلفل اسود

مشكورة اختنا ام مريم
 
ma7m0ud

ma7m0ud

الوسـام الماسـي
#5
رد: اكلات عيد الاضحى كل سنة وانتوا طيبين

بارك الله فيك ام مريم وكل عام وانتى بخير
 

ommarime

الوسـام الماسـي
#6
رد: اكلات عيد الاضحى كل سنة وانتوا طيبين

بارك الله فيك ام مريم وكل عام وانتى بخير
وحضرتك والاسرة الكريمة بصحة جيدة
ويكون عيد سعيد ان شاء الله


رائع جداً يا ام مريم

خصوصاً المشويات المشكلة
تــــــــــــــــــــــــحفـــــــــــــــــــــــة

والفتة المصري كل الأسرة تعشقها

تسلمي ياغالية
وتسلم أيدك

وكل سنة وانتي طيبة
وانتى حبيتى اطيب.
وان شاء الله المشويات تكون جميلة فى العيد .
وادعيلى وانتى بتكليى:5998:
...

تمام الاكلات هذة مع المشاوي نصنع صلصة من البندورة المشويه والثوم والفلفل الاخضر وملح وفلفل اسود يدق الثوم مع الفلفل الاخضر وتضاف البندورة المشوية وتدقالبندورة فوقهم جيدا نرش ملح وفلفل اسود

مشكورة اختنا ام مريم
مبارك عليك العيد اخى جهاد
انت والاسرة الكريمة
مشكور على الوصفة بارك الله لك

بارك الله فيك ام مريم وكل عام وانتى بخير
وانت بصحة جيدة اخى محمود
 
الجازية

الجازية

عضوية الشرف
#7
رد: اكلات عيد الاضحى كل سنة وانتوا طيبين

جزاكِ الله خير الجزاء أم مريم

وأحنا عندنا وصفة يحبها والدي والكل

وما ينفع أبداً نغيرها

أسمها غريب شوي " قصابية "

وهي عبارة عن لحم مقطع إلى قطع صغيرة يُضاف إليه

البهارات والملح ويوضع في القدر على نار هادئة بدون ماء

ويُترك حتى ينضج اللحم ويصبح فيه قليل من المرق

وتقدم مع الأرز الآبيض المطبوخ بالبصل والفلفل الأخضر

وأيضاً الكبسة ولحمة الفرن ،

كل عام وأنتي بخير
 

ommarime

الوسـام الماسـي
#8
رد: اكلات عيد الاضحى كل سنة وانتوا طيبين

وانتى بخير غاليتى انتى والاسرة
اكيد هتكون اكلة طيبة تسلم الايادى
 

ام عبد الله

عضو محترف
#9
رد: اكلات عيد الاضحى كل سنة وانتوا طيبين

جزاكم الله خيرا
 

ommarime

الوسـام الماسـي
#10
رد: اكلات عيد الاضحى كل سنة وانتوا طيبين

جزاكى الله خير الجزاء ام عبد الله
وكل عام وحضرتك بخير
 

mimoboy

عضو ذهبي
#11
رد: اكلات عيد الاضحى كل سنة وانتوا طيبين

الله الله الله عليكي

يسلالالالالالالالالالالام
او مره في حياتي ادخل موضوع يبقاله ريحه حلوه

انا حسيت ان قدامي فته وكبسه وعماله بقا غطسان في الأكل
هههههههههههههه

شكرا ليكي و كل عام وانتي بالف خير
 

ام عبد الله

عضو محترف
#12
رد: اكلات عيد الاضحى كل سنة وانتوا طيبين

جزاكى الله خير الجزاء ام عبد الله
وكل عام وحضرتك بخير
جزانا وإياكم أختي أم مريم
وحضرتك بالصحة والسلامة


أعاده الله على الأمة الإسلامية بالسعادة والفرحة


اللهم آمين



 

ommarime

الوسـام الماسـي
#13
رد: اكلات عيد الاضحى كل سنة وانتوا طيبين

الله الله الله عليكي

يسلالالالالالالالالالالام
او مره في حياتي ادخل موضوع يبقاله ريحه حلوه

انا حسيت ان قدامي فته وكبسه وعماله بقا غطسان في الأكل
هههههههههههههه

شكرا ليكي و كل عام وانتي بالف خير
بالهناء اخى ؟
شكلك العيد كله هيكون اكل ولحمه وبس:5998:
كل عام وحضرتك والاسرة الكريمة بخير
 

ommarime

الوسـام الماسـي
#14
رد: اكلات عيد الاضحى كل سنة وانتوا طيبين



جزانا وإياكم أختي أم مريم
وحضرتك بالصحة والسلامة


أعاده الله على الأمة الإسلامية بالسعادة والفرحة


اللهم آمين



امين اختى ام عبد الله
شكلك كده انسانه طيبة جداً
 

ام عبد الله

عضو محترف
#15
رد: اكلات عيد الاضحى كل سنة وانتوا طيبين

امين اختى ام عبد الله
شكلك كده انسانه طيبة جداً
ربنا يبارك فيك أختي أم مريم
 

فرولتي

عضو جديد
#16
رد: اكلات عيد الاضحى كل سنة وانتوا طيبين

جداااااااااااا وصفات روعه مشكوره على الموضوع
 

أشرف بيبو

عضو ماسـي
#17
رد: اكلات عيد الاضحى كل سنة وانتوا طيبين

بارك الله فيكى
 

شيف عمار

عضوية الشرف
#18
رد: اكلات عيد الاضحى كل سنة وانتوا طيبين

اولا كل عام وانتي بخير
ثانيا ام مريم ماشاء الله عليكي موسوعة
الله يقويكي ويجزيكي الخير
 

ommarime

الوسـام الماسـي
#19
رد: اكلات عيد الاضحى كل سنة وانتوا طيبين

بارك الله لكم
وجزاك الله خير شيف عمار
 

أعلى