الحالة
موضوع مغلق

رزان80

عضو مشارك
#1

انا مكتوب كتابي والانسان اللي انا مرتبطه بيه دايما بيزعلني ويستفزني ويقعد يقولي انا لا يمكن اسيبك لو عايزة تسيبني سيبيني انتي المهم دايما لما ازعل واقله كمل معايا بما يرضي الله واحترمني يقولي انتي عايزة تكملي افهمي معني الكلام ووالده برضه بيحاولوا يخلوني انا اقول مش عايزاك طبعا علشام ميخسروش حاجه
المهم انا حاسه بضرر معاه وعايزة اسيبه هل اطلب الطلاق ام الخلع ايهم افضل طيب لو ان اللي طلبت الطلاق وهو طلق بدون محاكم هل ده يلغي اني اخد نص مؤخري
ماهي حقوقي في كل الاحوال وهل لو خلعتي بكون برضه مطلقه
الشبكه كانت هديه هل يأخدها ام من حقي؟
القايمه كانت مكتوبه ب 100 الف جنيه مسيرها ايه
احنا جبنا فقط بعض الاجهزة وهي عنده واحنا دافعين فيها النص لا اتفاقنا اي حاجه النص بالنص
لو سمحت وضحلي بالتفصيل ؟
وياريت تقولي افضل وضع ليا لانهم ناس وحشه اوووووووووي ؟
 

gamal gamal

محامى ومستشار قانوني
#2
رد: الطلاق ام الخلع

عليكم السلام

اذا كان حالهم كما وصفتيهم فلا خير
فى اتمام هذا الزواج لن الجواب باين
من عنوانه ...
وخاصة أن حال معظم البشر محاولة
التقرب والتفاهم بين الزوجين حتى
يقبلوا على الزواج بنفس راضية ...

المهم :

الأفضل لك الآن دعوى الخلع لأنها لن
تحتاج الى شهود أو أدلة على هذا الضرر ..

وبالخلع ستفقدى الحقوق المالية فقط
وردى عليه الشبكة واستردى حريتك
التى هى أغلى من الشبكة وخلافه ....
 

رزان80

عضو مشارك
#3
رد: الطلاق ام الخلع

حضرتك انا عايزة اعرف ايه اجراءات الخلع وبيتم ازاي وهل احمل لقب مطلقه
ولو رفعت قضيه طلاق للضرر ايه الاجراءات وايه الحقوق اللي باخدها
 

gamal gamal

محامى ومستشار قانوني
#4
رد: الطلاق ام الخلع

فى جميع الأحوال
الطلاق للضرر والخلع ستحتاجين محام فى كل منهما .
فى الطلاق للضرر :
لا بد وأن تثبتى وقوع ضرر عليك من جانب الزوج وستحتاجين

شهود على ذللك وتحقيق وخلافه .
وان لم يقتنع القاشى بوجود ضرر سيرفض دعوى الطلاق .
أما الخلع فعلى عكس كل ذلك :
لأنه لا يحتاج شهود ولا تحقيق ولا وقوع ضرر .
يكفى رد ما قدمه الزوج ويتم الطلاق خلعا ....

وفى كلتا الحالتين أنت ستكونين مطلقة ...
 
الحالة
موضوع مغلق

أعلى