الحالة
موضوع مغلق

ahmedhos

عضو جديد
التسجيل
3/10/10
المشاركات
6
الإعجابات
0
#1
اسمى احمد وعندى 23 سنه وبقالى 8 سنين عايش بره مصر.
والدى بعتنى لبلد اجنبيه بغرض الدراسه ولما وصلت لنص دراستى توفى العام الماضى
علشان اقدر اكمل دراستى بعد الفاجعه ديه عرضت عليه زميله اجنبيه انها تساعدنى من خلال ان هيه تتزوجنى (ع الورق) علشان اعرف اكمل دراستى ومايحصليش مشاكل بسبب وفاة الوالد.
(فيها الخير الاميره بنت الامراء! الصراحه ده الحل الوحيد اللى ادامى)

طيب دلوقتى لازم اطلع شهادة عزوبيه علشان الزواج
اتصلت بالسفاره المصريه وسألت قالولى انى لازم اطلع حاجه اسمها قيد فردى واصدقه من وزاره الخارجيه المصريه
اتصلت باخويه الصغير قى القاهره وقولتله شوفلنا الموضوع ده ياعمى
اخويه الصغير راح سأل قالوله لازم الاول تعمل قيد عائلى و بعدين يجى القيد الفردى
المهم القيد العائلى طلع وكله تمام
علشان القيد الفردى يطلع لازم البطاقه الشخصيه بتاعتى وزى مامكتوب فوق انا معنديش بطاقه شخصيه.

قلت لاخويه يروح يسأل الراجل العقيد المحترم يقوله ان انا ظروفى ماتسمحش ان انا انزل مصر (ما هو انا بحاول اجيب القيد الفردى ده علشان خاطر اعرف اكمل دراستى بره) ويسأله لو مافيش حل تانى يعنى (خصوصا ان الرقم القومى موجود ع القيد العائلى) وقلتله انه يقول للعقيد لو ممكن يدينى رقم تليفون ممكن اكلمه عليه يبقى كتر خيره.

العقيد قاله لازم البطاقه ولو فى عائق لنزول مصر يبقى ممكن يعملها من السفاره المصريه بره مصر. وقاله كمان معندناش ارقام تليفونات يابنى.

لما وصلى الكلام اتصلت بالسفاره المصريه قالولى دلوقتى مافيش بطايق بتتعمل من بره مصر تانى وشالوا ايديهم من الموضوع.

دلوقتى انا محتاج القيد الفردى ده باسرع وقت ممكن علشان ممكن يرحلونى بره البلاد لو عرفوا ان والدى توفى وبالتالى مافيش مصدر للدخل المادى (البلاد الاجنبيه مش هتشيل اصلها الطلاب الاجانب!).

يارب حد ابن حلال يعرف يقولى اللى فيه الخير. شكرا للقرايه.
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#2
رد: استخراج قيد فردى. المشكلة: معنديش بطاقه شخصيه. أكمل القرأه من فضلك.



الحل الوحيد لهذا الأمر
أنك ما تنتقل من السفارة المصرية
الا بعد أن تقوم باجراء البطاقة !!!

حاول بكل الطرق الممكنة وغير الممكنة
لأنهم بيدهم استخراج هذه البطاقة !!!
 

ahmedhos

عضو جديد
التسجيل
3/10/10
المشاركات
6
الإعجابات
0
#3
رد: استخراج قيد فردى. المشكلة: معنديش بطاقه شخصيه. أكمل القرأه من فضلك.

والله انا اتصلت بالسفاره المصريه وقالولى بالنص (انت بقالك اد ايه مانزلتش مصر؟ دلوقتى انت بتقعد ادام مكنه والمكنه بتصورك وبعدين البطاقه بتجيلك كمان اسبوع)
اتصلت بيهم تانى اسألهم ع الموضوع نفسه قالولى (طيب حضرتك متوقع منا احنا نعمل ايه؟ انا بقول لحضرتك المكنه بتصورك ب ت ص و ر ك هاهاها!)

ماينفعش مثلا اكلم راجل محامى نور يروح بنفسه للراجل المسأول ده ويحاول معاه؟!
الرقم القومى بتاعى موجود فى القيد العائلى! مش الرقم القومى ده كفايه لأثبات شخصيتى؟ لا حول ولا قوه الا بالله.

المشكله ان انا لو نزلت مصر ماينفعش اخرج منها تانى علشان انا زى ماتقول كده هربان من الجيش يعنى مش مسجل نفسى فى مصر ان انا مسافر بالخارج بغرض الدراسه. وعلشان السبب ده بالتحديد انا مش عايز انزل بنفسى علشان لو وقفونى فى المطار بسبب الجيش يبقى انا ضيعت كل اللى ابويه الله يرحمه عملهولى علشان يدينى فرصه الدراسه بالخارج.

اشكرك على كل حال للرد يا حضرة المستشار جمال.
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#4
رد: استخراج قيد فردى. المشكلة: معنديش بطاقه شخصيه. أكمل القرأه من فضلك.



ماينفعش مثلا اكلم راجل محامى نور يروح بنفسه للراجل المسأول ده ويحاول معاه؟!

حل كويس !!!
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#5
رد: استخراج قيد فردى. المشكلة: معنديش بطاقه شخصيه. أكمل القرأه من فضلك.

والله انا اتصلت بالسفاره المصريه وقالولى بالنص (انت بقالك اد ايه مانزلتش مصر؟ دلوقتى انت بتقعد ادام مكنه والمكنه بتصورك وبعدين البطاقه بتجيلك كمان اسبوع)
اتصلت بيهم تانى اسألهم ع الموضوع نفسه قالولى (طيب حضرتك متوقع منا احنا نعمل ايه؟ انا بقول لحضرتك المكنه بتصورك ب ت ص و ر ك هاهاها!)
لا حول ولا قوة الا بالله العلى العظيم

يا أخى هوه إنت فى بلد مافيهاش ماكينة تقدر تصور !!!
 

ahmedhos

عضو جديد
التسجيل
3/10/10
المشاركات
6
الإعجابات
0
#6
رد: استخراج قيد فردى. المشكلة: معنديش بطاقه شخصيه. أكمل القرأه من فضلك.

اخويه الصغير عنده ميعاد مع محامى انهارده الساعه 6 وربنا يقدم اللى فيه الخير. :confused:
 

ahmedhos

عضو جديد
التسجيل
3/10/10
المشاركات
6
الإعجابات
0
#7
رد: استخراج قيد فردى. المشكلة: معنديش بطاقه شخصيه. أكمل القرأه من فضلك.

والله يا حضرة المستشار جمال المكن هنا على قفى من يشيل ! :1002:
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#8
رد: استخراج قيد فردى. المشكلة: معنديش بطاقه شخصيه. أكمل القرأه من فضلك.

بالتوفيق يا غالى .......
 
الحالة
موضوع مغلق

أعلى