الحالة
موضوع مغلق

abuhashim

عضـو
التسجيل
9/7/10
المشاركات
2
الإعجابات
0
#1
يا أيها الأخوة الكرام،

محتاج مساعدة اخواننا المحاميين و المختصين في قوانين العمل ضروري عشان عندي ازمة و محتاج اعرف الرد حالاً الله يكرمكم

انا بشتغل في شركة قطاع خاص بقالي 10 شهور و مديري عايز يطفشني بآي شكل و مش عارف يمسك عليا غلطة و لمعرفته اني عندي ظروف عائلية خاصة تمنعني من السفر بره مصر قرر انه يزقني في مشروع لمدة سنة في فرع للشركة في السعودية و لما قلتله مش هينفع قالي مفيش غير كدة و لو مش عاجبك استقيل و الا هعتبرك بتمتنع عن العمل و ارفدك و لان العقد مكتوب فيه ان الشركة من حقها تنقلني لاي فرع من فروعها معرفتش ارد عليه و حاسس ان موقفي ضعيف!

فيا تري ايه الحل و هل في اي حاجة في القانون تحميني عشان اقدر اهدد بيها الناس بتوع الموارد البشرية عشان يقفوا معايا ضد الراجل ده و لا ما فيش امل.

و آنا مستعد للقضايا و اني اوكل محامي طالما ليا حق عشان مش ممكن اسيب حقي و انا مظلوم كده.

الرجاء الرد في اسرع وقت ممكن عشان انا قدامي مهله لحد الخميس و بعد كده علي القهوة.

 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#2
رد: استشارة عاجلة في قانون العمل )هترفد من شغلي(

عليكم السلام

عليك بالتوجه مباشرة إلى صاحب الشركة
بشكوى تبين فيها استغلال مديرك لظروفك العائلية
وترشيحك للسفر للخارج ... أو مكالمته تليفونيا

فإن قدر ظروفك فبها ونعمت .
وإن لم يقدر ظروفك فلا تأس عليه
وعلى العمل فى شركته ...
وسيرزقك الله العمل البديل ان شاء الله ....

اسأل مجرب !!!

والله العظيم ما أكثر الشركات التى تركتها
بإرادتى إعتراضا على أى شىء لا أراه مناسبا

ووالله العظيم يضطروا للإتصال بى لأمسك لهم
عملهم كعمل حر ....

فنصيحة :

فى القطاع الخاص اعتز بنفسك وبخبرتك ولا تقبل
الهوان أو مجرد ان يفكر أحد فى أن يدوس على
شىء يخصك ....

وثق فى قدرة الله عز وجل وفضله وكرمه ...
وستجد البديل ان شاء الله ..................

وأخيرا ::

القطاع الخاص عندنا أصبح فوق القانون !!!

وما دام العقد قد ذكر فيه أنه من حق الشركة
نقلك فى أى فرع من فروعها فيكون من حقها
ذلك بشرط عدم التعسف فى استخدام هذا الحق ...

ولكنه سيحتاج إلى وقت لاثبات ذلك التعسف ...

كل التحية ...
 
الحالة
موضوع مغلق

أعلى