الحالة
موضوع مغلق

syriatel

عضو مشارك
التسجيل
23/8/10
المشاركات
50
الإعجابات
49
#1
الله يهديك قلبي صغير ومتربي........... حرام عليك لا تدلّو عالمحبّي <?xml:namespace prefix = o ns = "urn:schemas-microsoft-com:eek:ffice:eek:ffice" /><o:p></o:p>

مين اللي قال بعدك عالحب صغيري......قلبك لو مال بتحسّي صرتي كبيري
قلبك ميّال وانتي عنّو خبيري..............ما في مجال قولي انّك بتحبّي <o:p></o:p>

قلبي يا زين جوهر صافي عاحلّو..........طلعتلّو منين عالمحبّي لا تدلّو
صرلي سنتين عمحاول بدّي قلّو........ما عرفتو وين بين ضلوعي متخبّي <o:p></o:p>

قلبك مأسور ما عندو مين يصونو.........أصبح مكسور خابت بالحب ظنونو
أمسى مقهور ما شافت نور عيونو........لولا هالسّور جبتو يمشي ع دربي <o:p></o:p>

غلطان كثير روحي معلّقة بروحو.........لكن بكّير ما بدّي اسمع نوحو
هالقلب صغير وكثير كبيري جروحو.......منّي بيطير لو صرّحتلّو بحبّي <o:p></o:p>

عندك أوهام يا حلوي كبرت فيكي.......حتّى الأحلام ما لاقت فيكي شريكي
لو قلبك هام بدك تنسي ماضيكي........بيكفي ملام قولي انك بتحبّي <o:p></o:p>

يا غزل روح فيّقت جروحي فيي..........قلبي مجروح طوّل بالك عليي
لو كان مسموح بقدّملك روحي هديي....وان بدي بوح مطلوبك بدي لبّي <o:p></o:p>

قلبك منصان عندي ومنّي لاتخافي.....طول الهجران قلبك بصدري غافي
يا غصن البان اسمك ما بين شفافي......طول الزمان باقي والشاهد ربّي <o:p></o:p>

ما بدّي تظل كنّك رايد فرقتنا..............أو قلبك مل من ماضينا وعشرتنا
لو غيري حل بقلبك يا مهجتنا..............إنساني وفل عسى انّو يهديك ربّي
 

الحالة
موضوع مغلق

أعلى