الحالة
موضوع مغلق

ماكس بين

موقوف
التسجيل
14/3/10
المشاركات
19
الإعجابات
5
العمر
31
#1
اخوتي في الله اعضاء وزوار وكل حبايبي بالمنتدى الغالي الكبير
داماس



اليوم حبيت اقدم موضوع شامل لاشهار منتداك او موقعك وبمجهودك الخاص باذن الله
الان انت صاحب موقع او منتدى وتاتيك مجموعه من الاسئله ....
ازاي اخلي المنتدى كبير ؟
ازاي اتي بزوار ؟
ازاي اجعل الاعضاء تسجل ؟
ازاي اخلي العضو يعود لمنتداي مره اخرى ولا ياخذ ما يريد ويرحل للابد ؟
هل يمكن ان اربح من منتدايا ماديا ( فلوس ) ؟
كيف اصبح من عمالقة الانترنت ؟
------------



انت فاكر ان الاسئله دي كتيره ؟؟
لا طبعا دي البدايه بس
دانت هتسال لما تقول يا بس
هههههههههههه
انا مش باحبطك انا عاوزك بس تكون اد المسؤليه
دلوقتي انت استلفت 300 جنيه تنشيء بيهم موقع او منتدى من 7 اصحابك على امل انك هتبقى في العشره الاوائل من مواقع العالم
وتفاجئ بعد عملت الموقع انك بقيت محلك سر – ليس امامك الا 3 حلول اما انك تفضل شغال تقل كوبي وبست وشكرا
او انك تجتهد على قدر الامكان وما يشاء الله يكون
او انك تقفل المنتدى او تبيعه ب 14 جنيه هتاخد بيهم كارت شحن او هيتاكلو عليك كمان
وتقع في مشكله مع اصحابك السبعه اللي استلفت منهم
احنا بقى مش هنبقى حشرات نقل زي الاختيار الاول ومش هنبقى فاشلين زي الاختيار التالت
احنا هنبقى مجتهدين زي الاختيار التاني وعلى الله النجاح

طيب الخطه هتبدا ايمتى انت زهقتنا من المقدمه الكبيره دي ؟
هاقولك استنى عليا لان كلنا بنتعلم مع بعض يعني انا مش صاحب موقع الفيس بوك علشان ابقى محترف
لا يا سيدي انا عندي منتدى يتيم برده وعادي خالص هنتعلم مع بعض خطوه خطوه ازاي ننمو ونبقى زي الناس الكويسين اللي شغالين الله ينور
---------------------------------------------




بعد ما نصلي على النبي عليه افضل الصلاة والسلام
هنقول
1: -
حمل تولبار الكسا اولا وثبته لانه هينفعك اوي في الشرح اللي جاي جدا جدا جدا وهو من هنا
لازم تثبته يا غالي علشان ده اللي هيسهل عليك تعرف ترتيب المواقع اللي هندخل عليها في الكسا ويبعد عنك الهكر والفيروسات والحاجات الوحشه دي
2 : الخطة
شوف يا سيدي ده منتدايا اليتيم اللي قلتلك علية في الاول
متخفش داماس عامله نو فلو عل الروابط الخارجيه
هههههههههههههه
منتدايا ده من 60 يوم تقريبا
طبعا يا ريس انت قمت بتثبيت تولبار الكسا وباين عندك فوق ترتيب الموقع وانا باكتب المقال ده 824.737
مش بطال بالنسبه للوقت وكمان انا شغاااااااااااااااااال لوحدي والله
المواضيع: 1,879, المشاركات: 3,430, الأعضاء: 384, الأعضاء النشطين: 252
الحمد لله على الحالي كله هيبقى تمام

نيجي بقى نقول انت لازم تعمل ايه
علشان تبقى في المقدمه ومش تضيع الوقت والمجهود على الفاضي
اختر تخصصك والحاجه اللي بتفهم فيها مش تبقى زيطه وخلاص
وتبقى منزل برامج وانت مش فاهمها او شروحات وانت ماتعرف عنها شيء او تعرض خدمات انت مش تفقه بها حاجه

بعد كده
ابدا بالهاكات وركب المطلوب بس وريح دماغك
هاحتاج ايه طيب
هتحتاج يا سيدي
هاك الرد السريع علشان ما تحسسش العضو ان منتداك من ايام الفراعنه – هاك الاقسام بالفوتر اسفل المنتدى لزياده الارشفه – هاك توليد الكلمات لدلاليه تلقائيا لزياده الارشفه – هاك سحابه الكلمات الدلاليه في الرئيسيه لزياده الارشفه – هاك تصغير الصور علشان مايبقاش الموضوع بايخ وبايظ لما الصور تبقى كبيره
اعتقد ان كده تمام واللي نفسه ف هاك ولا حاجه يركبه بس ياخد باله ان الهاكات الكتير بتقل المنتدى ولو مالهاش لزمه هتبقى مدايقه الزائر
طبعا الهاك الشهير لاخفاء الروابط عن الزوار او عن الاعضاء بعد الرد خليك مركبه في الاول علشان الناس تسجل عندك وتجمع شويه اعضاء محترمين وبعدين الغيه علشان ماتسببش ازعاج للزوار وياخدو اللي عاوزينه بسهوله علشان تكمل الدائره الناجحه
وهي حوار اعتقد انه هو الماشي في أي موقع او منتدى تعالى نشوف كده
الزائر :
ادارة المنتدى : وعليكم السلام ورحمه الله وبركاته نورت المنتدى واحنا اسعد ناس لوجودك معانا .... اتفضل تصفح بسهوله ...
الزائر : شكرا لذوقك ... انا هاتصفح بس بسرعه لاني جديد
ادارة المنتدى : واحنا تحت امرك وهنهيألك كل الظروف للتمتع بالفائده معنا .
الزائر ( بعد وقت قليل ) تمام لقد وجدت ما ابحث عنه . عليا الذهاب وساتي قريبا لان الموضوع سهل جدا .
--------------------------
تخيل لو حصل العكس الزائر مش هتشوفه تاني



بعد كده املأ منتداك بالموضوعات اللي من نفسك انت مش نقل
أي موضوعات
يعني موضوعات كتابيه مش تحميل ودونلود وحاجات كبيره كده انت لسه مبتدا
يعني اجتهد في الموضوعات ولو حتى شرح ازاي تعمل بيض مسلوق المهم يكون من دماغك
ولو حبيت تنقل ( مع اني لا انصح بذالك ) يبقى تغير العنوان وصيغة الموضوع على اد ماتقدر علشان قوقل مايزعلش منك


وكمان يبقى النقل للموضوعات الكويسه مش أي حاجه عمال على بطال
نيجي بقى بعد ما ظبتلك شويه مواضيع تمام ومليت المنتدى
نيجي لكلمه شبه بايخه وانت ماتعرف عنها حاجه وهي كلمه سيو
بس بس اوعى تقفل الموضوع
انت ادخل لوحه تحكم منتداك وادخل خيارات المنتدى ثم الاعدادات العامه
وفي الخانه الاولى اكتب الكلمات المفتاحيه للمنتدى يعني مثلا برامج العاب افلام كوميديا شرح
على حسب منتداك واهتماماته وخلي بين كل كلمه والتانيه العلامه دي ( , )

اللي في الخانه التانيه تكتب وصف لمنتداك ويستحب يكون قصير
وهو اللي هيظهر للناس لما تكتب اسم منتداك في جوجل
زي كده مثلا
تلاحظ مكتوب تحت جدار نت
إحترافيه لا تنتهي أفضل منتدى عربي أفضل موقع عربي للبرامج والمنتديات المتنوعه
بس يا سيدي انت كده يعتبر عديت السيو



نيجي بقى للخطوه اللي بعد كده
ابدا بتعريف كل من تعرفه ومن لا تعرفه بالمنتدى اصحابك وقرايبك واعضاء المنتديات اللي انت مشترك فيها بس بطريقه محترمه ولائقه واقرا قوانين المنتديات اللي هتعمل فيها كده علشان مايشيعوش عضويتك في الهوا وتاخد استماره 6 وتبقى صوره سيئه لمنتداك


نيجي بقى للتقيل
netlog.com

الفيس بوك وتويتر ونيتلوج وتجد وماي سبايس والشبكات الاجتماعيه هتجيبلك زوار واعضاء بالهبل والتسجيل فيهم سهل اوي ومش محتاج شرح ولو محتاج أي حد شرح يقولي وانا تحت امره
وماتنساش تركب الهاك الرهيب اللي هيبقى دراعك اليمين في الاشهار وهو هاك ارسال موضوعات منتداك تلقائيا بحسابك في تويتر ( ده مهم اوي )
انا مركبه عندي على فكره ادخل المنتدى واكتب أي موضوع واعتمده وبعدها بثانيه واحده هتلاقي 20 – 30 زائر بيشاهدو الموضوع تلقائيا وبكده انت هتستفيد ارشفه وزوار واعضاء كمان من اللي مسجلين في تويتر


وكمان في حسابك في فيس بوك اختر الاعدادات ومنها استيراد مدونه وتكتب رابك منتداك وبعدها أي موضوع هينزل المنتدى هيروح تلقائي لحسابك في فيس بوك وبكده هيبقى اللي صديق ليك هيشوف موضوعاتك ولو عجبته يزور منتداك ويسجل كمان
واشترك في جروبات الفيس بوك واكتب منتداك وخد بالك دي ناس فاضيه 24 ساعه مش لاقيين حاجه يعملوها
يعني هتغتنم منهم كتير




على فكره ماتستهونش بالحاجات دي لانها مفعولها 100% وكل المنتديات الصغيره والكبيره بتعملها لازم وحتما ولو لميت الطرق دي على بعضها هتلاقي اساس اشهاري ثابت وقوي ويساعدك باذن الله



ده الجزء الاول والجزء الثاني ان شاء الله هيبقى مقسم لقسمين
الاول هنكمل باقي طرق الاشهار ( سامحوني الوقت ضيق جدا )
والثاني هيبقى كل الطرق الممكنه للربح من موقعك باذن الله تعالى
وفي الاخير لا اريد منك الا الدعاء لي ولوالدي ولا تنسى التقييم طبعا ومنتداي تحت امرك وانا متواجد بصفه شبه مستمره تقريبا ان شاء الله وتحت امر الجميع


 

الحالة
موضوع مغلق

أعلى