الحالة
موضوع مغلق

lalyleee

عضو مشارك
#1
يااستاذ جمال
الحقيقه انا كان عندى استفسار من حضرتك وارجو ان يكون صدرك رحب ,اولا انا متزوجة وحامل على وشك الولادة وهذا اول مولود لى وعايشه فى امريكا ,مسلمة والحمد لله وزوجى مسلم متدين واحنا مصريين ومافيش اى مشكلة غير ان نظام الطب هنا فى امريكا بيعتمد على التامين الصحى لان الطب والعلاج هنا غالى,والتامين هنا اجبرنا على الولادة فى مستشفى اسمها بيت اسرائيل حاولنا كتير نغيرها بس مافيش اى فايده,رغم ان المستشفى بيشتغل فيها دكاترة عرب كتير وايرانيين كمان والدكتورة اللى متابعانى لبنانية مسلمة وبتشتغل فيها ودى تعتبر اكبر مستشفى واحسن واحده هنا.
+المشكلة حضرتك ان اسم المستشفى بيتكتب فى شهادة الميلاد الامريكية,فهل لو جيت بعد كده اعمل لها شهادة ميلاد مصرية لازم واجبارى يتكتب فيها اسم المستشفى ولا ده نظام مش موجود فى الشهادات المصرية؟
+ وحتى لو بيتكتب فى شهادات الميلاد المصرية اسم المستشفى اللى هيا بيت اسرائيل دى ممكن ده ياثر على بنتى بعد كده فى المستقبل يعنى فى الدراسة مثلا فى الشغل فى اى حاجه رغم انها مسلمة مصرية زى بقيت الناس فى مصر بس عيبها انها اتولدت فى مستشفى زى دى,لان حضرتك عارف مدى حساسيتنا من اسرائيل.
والف شكر لحضرتك وربنا يجازيك خير يارب
 

التعديل الأخير:

gamal gamal

محامى ومستشار قانوني
#2
عليكم السلام
شكر الله لك محافظتك على نفسك وعلى ابنتك
وبعد ... الأمر عندنا تماما ...
وأنت من تختارين مكان ولادة ابنتك الذى سيكتب فى
شهادة الميلاد فى مصر . ولكن يجب ان يكون معك اخطار مولود
من طبيب أمراض نساء وتوليد ومذكور فيه رقم قيده
فى النقابة لكى يسجل المولود فى مكتب الصحة ...
وكل هذه الأمور روتينية بعض الشىء ......
لذا فلن يكتب اسم هذه المستشفى فى شهادة ميلاد ابنتك ...

وبالتوفيق
 
الحالة
موضوع مغلق

أعلى