الحالة
موضوع مغلق
ma7m0ud

ma7m0ud

الوسـام الماسـي
التسجيل
9/4/09
المشاركات
3,237
الإعجابات
591
الإقامة
أرض الله الواسعة
#61
رد: آلة الزمن .. صنع في مصر .. ( قصة قصيرة )

كله دا من اكل الكشرى ههههههههههه شكرا اخى
 

Eng_Ahmed

عضوية الشرف
التسجيل
2/6/10
المشاركات
1,833
الإعجابات
604
الإقامة
مصر
#62
رد: آلة الزمن .. صنع في مصر .. ( قصة قصيرة )

يعمي ادام صنع في مصر خلاص النصر ان شاء الله هههههه
 

جهاد ع

عضوية الشرف
التسجيل
11/2/10
المشاركات
13,400
الإعجابات
794
الإقامة
الاردن
الجنس
Male
#63
رد: آلة الزمن .. صنع في مصر .. ( قصة قصيرة )

بقيه القصة شكلها مازالت في الة الزمن ويجوز نستمع الها في المستقبل البعيد . يا عم انت وديتنا البحر وتركتنا بالمنتصف .قصة جميله لو انها اكتملت خسارة ننتظر الامتحان لينتهي .
جزاك الله خيرا
 

mimoboy

عضو ذهبي
التسجيل
21/2/08
المشاركات
978
الإعجابات
108
الإقامة
كفر الشيخ
#64
رد: آلة الزمن .. صنع في مصر .. ( قصة قصيرة )

حراااااااااااااااااااااااااااام
مش بحب انا كده
انا عايز القصه كلها ورا بعضها
لا وبتقع عند منطقه
جامده
ايه يعم هو انت عايز تزلني ولا ايه
ههههههههه
ماشي يا سيدي علشان خاطرك انت بس انا مستني الجزء الرابع
 

Magic-M

الوسـام الماسـي
التسجيل
19/1/09
المشاركات
3,396
الإعجابات
776
الإقامة
EGYPT
#65
رد: آلة الزمن .. صنع في مصر .. ( قصة قصيرة )

تسلم وعقبال الجزء الرابع
أشكرك يا ميسو على المرور ..
ألف شكر ياباشا مستنين الجزء الرابع
إن شاء الله قريباً ..
كله دا من اكل الكشرى ههههههههههه شكرا اخى
وهيا الحياه إيه غير كام طبق كشري وشوية حاجات تانية فوق بعض ..
يعني ادام صنع في مصر خلاص النصر ان شاء الله هههههه
ربنا يسهل ..
بقيه القصة شكلها مازالت في الة الزمن ويجوز نستمع الها في المستقبل البعيد .
يا عم انت وديتنا البحر وتركتنا بالمنتصف .قصة جميله لو انها اكتملت خسارة ننتظر الامتحان لينتهي .
جزاك الله خيرا
دلوقتى التجنيد .. بس هحاول أكتب الباقى قبل ما ..
حراااااااااااااااااااااااااااام
مش بحب انا كده
انا عايز القصه كلها ورا بعضها
لا وبتقع عند منطقه
جامده
ايه يعم هو انت عايز تزلني ولا ايه
ههههههههه
ماشي يا سيدي علشان خاطرك انت بس انا مستني الجزء الرابع
معلش .. إستحملنا شوية .. لازم أشوقك للبقية علشان تستنى ..

شكراً لكم جميعاً على المرور ..

تحياتى لكم
 
الجازية

الجازية

عضوية الشرف
التسجيل
8/7/08
المشاركات
5,800
الإعجابات
2,689
الإقامة
العالم العربي
#66
رد: آلة الزمن .. صنع في مصر .. ( قصة قصيرة )

معذرة يا شباب على التأخير .. إليكم

الجزء الثانى ..

يقف الثلاثة أمام باب السفينة .. فى تعجب لما يروه .. فهم أما طريق غريب .. لا يوجد به أى شخص
والاغرب ان الضوء يشع من كل مكان على الرغم أنه لاتوجد شمس او مصدرا للضوء ..
وايضا الضوء مريح للعين .. وليس قاسيا


ينظرون الى بعضهم لعل أيا منهم له تفسير .. ولكن مع الاسف لا توجد اجابة

بعد قليل تقف أمامهم آلة كبيرة تشبه السيارة فى عملها .. ولها 6 عجلات كبيرة ذات تصميم كروى الشكل
.. كانت مسرعة جدا .. بسرعة تقرب الى 600 كم فى الساعة .. ولكنها توقفت فى ثانية أمامهم ..

تعجب الثلاثة .. وتراجعا الى الخلف خشية منها .. فهم أغراب ولا يعرفون شيئا
..
يفتح الباب ويخرج منها شخص عادى ..

ويسألهم : ماذا تنظرون .. الهجوم بعد ثلاث دقائق ..
عبقرينو وفى حيرة : هجوم !! .. هجوم إيه ؟؟
الغريب : هجوم الكوكب الصينى .. هل أنتم أغراب ؟
المنسي : فى الحقيقة أيوة ... أحنا مش من هنا ..
الغريب : أنا لاحظت فعلا أنه لايوجد بأجسامكم الشريحة الذكية .. أظن أنكم إما من كوكب خارج المجرة .. أو أنكم ..
حمادة : أو أننا إيه ؟؟
الغريب : أقصد إنكم من 700 سنة على الاقل .. ولكن ده احتمال بعيد طبعا
عبقرينو : لا احنا فعلا من زمن بعيد .. واتنقلنا عبر الزمن ..
الغريب : حقاً .. لم يعد لدينا وقت كافى لهذا .. الهجوم سيبدأ .. سوف ادخل مخبأى
وانت خذ هذه ..
( يلقى لعبقرينو جهاز دائري صغير به 6 أزرار ملونة ) .. اركب " البلاستو " بتاعتى وركب دى فى مكانها تحت المقود ..
واجرى بأقصي سرعة .. وحاول ان لا أحد يتتبعكم .. والا أخذوكم الى المستعمرة الصينية .. التى يتم إنشاءها الان ..
فى الكوكب المجاور .. وهكلمك واقولك طريق الرجوع .. قيادتها سهلة

عبقرينو : طيب والالة بتاعتى ..
الغريب : ماتخفش محدش هياخدها .. هترجع تلاقيها مكانها

( يضغط الغريب على ذر بذراعه .. يفتح باب من الفراغ فى الهواء ..
ويدخل فيها ثم يغلق الباب ويختفى فى هذه الاضاءة مرة أخرى )


المنسي : يالا بينا .. اركبو يا جماعة ..
عبقرينو : ايه ده .. الالين جايين .. يالا بسرعة

( يركب الثلاثة الة " البلاستو " ويجد عبقرينو بها مكان لتثبيت الجهاز .. ويقم بتثبيته )

ووجد به زر أخضر .. ضغط عليه بدأت الالة فى التحرك .. وبجوارها يد تحكم مكتوب بها speed
ضغط عليها وبدأ يحركها للأعلى .. زادت السرعة حتى وصلت الى 850 كم فى الساعة ..
وامامه شاشة توضح له الطريق أمامه .. وشاشة أخرى بها خريطة ضوئية )

.. فى هذه اللحظة سمعوا ضجة

وجد عبقرينو زر بالالة مكتوب عليه open small windows .. قام بالضغط عليه
فإذا بنوافذ صغيرة تفتح من الاعلى ومن الجوانب .. ولكنها مغلقة بالزجاج ..

تفاجئ الثلاثة حيث وجدوا أحد الالين فوق الالة ويضرب الزجاج بشدة ..

عبقرينو فى قلق : تفتكروا يا جماعة هيقدر يكسر الزجاج
المنسي : واحنا هنعرف منين .. حد قالك اننا اللى مركبينه .. وللا جايبنو من عند الحاج زين

عبقرينو : بس اخرس .. هيا ناقصاك
حمادة : ارجوكم يا جماعة مش وقت الكلام ده .. حاول تتحرك يا على يمين وشمال يمكن يقع وللا اخبطه فى اى حاجة
عبقرينو : انا بحاول .. ربنا يسهل ..

( بعد عدة خبطات ينكسر الزجاج ويمسك الالى باحدهم .. ( وكان المنسي ).. ويضعه داخل جزء زجاجى مثبت بصدره )

حمادة : يجد قرب قدمه جهاز حديدى كبير .. يحاول ضرب الالى به .. لكنه لم يفلح ..
فقد قفز الالى الى الاعلى عند مرورهم من أسفل كوبري ..

عبقرينو : امسك جامد يا حمادة .. هلف المسار الجاى
حمادة : و المنسي .. هتسيبه ؟؟؟؟

عبقرينو : لأ .. انا طالع المسار الجاى فوق الكوبري .. الالى لسة فوق ..

( يصعد عبقرينو فوق الكوبري بأقصي سرعة يجد
الالى يقف فوق الكوبري وتأتى اليه ألة طائرة غريبة الشكل ..)

حمادة : هتعمل ايه !!
المنسي : هخبطه بالبتاعة اللى احنا راكبينها دى بأقصي سرعة

فى هذه اللحظة تقترب الالة الطائرة من الالى .. يحاول الالى القفز للوصول للآلة الطائرة

لكن المنسي انطلق بأقصي سرعة اليه .. وأثناء قفز الالى .. وجد عبقرينو زر مكتوب عليه jump
ضغط عليه فإذا الالة تقفز بهم وتصدم الالى بقوة فيسقط على الارض وينكسر
الزجاج ويخرج المنسي مصاباً بجروح خفيفة ..

عبقرينو : نيجي نساعدك ... اركب بسرعة ..
المنسي : لا الحمد لله .. جت سليمة

( ويذهب اليهم مسرعا .. وتنطلق الطائرة التى كانت تنتظر الالى )

حمادة : يالا بينا نرجع بسرعة للألة بتاعتنا .. كفاية اللى جرالنا
عبقرينو : مانتمشي شوية بالعربية دى .. هو قالنا اسمها ايه ؟؟
المنسي : " سبرتو " تقريباً ..
حمادة : " سبرتو " ... يا رب صبرنا .. انا فاكر انه قال " بلاستو "
عبقرينو : أيوة صح .. " بلاستو "

حمادة : طيب نرجع بقي يا جماعة .. إحنا لسة مانعرفش حاجة عن الزمن ده
عبقرينو : معاك حق .. احنا نرجع ونسأل الراجل اللى ركبنا البتاعة دى .. شكله طيب وكريم
عبقرينو : أوكى يا شباب ..

( يتجه عبقرينو الى طريق العودة مستخدما الخريطة .. وفى هذه اللحظة ..
تنير لمبة صفراء صغيرة بالجهاز .. ويسمع صوت الرجل الغريب .. )

الغريب : سامعنى يا أغراب .. اضغط على الزر المجاور للسماعة للرد
عبقرينو ( بعد فتح الزر ) : أيوة سامعك
الغريب : الحمد لله .. انتم بخير .. وللا حد منكم أخذوه
عبقرينو : لأ بخير كلنا .. وفى طريقنا للعودة
الغريب : أضغط على الزرار الاخضر فى دائرة التحكم تحت المقود .. وهى سوف تنقلك الى هنا مباشرة ..

( عبقرينو يضغط على الزر الاخضر .. فإذا الالة تصل سرعتها الى 1600 كم فى الساعة ..
وبعد ثوانى تتوقف.. ويفتح بابها تلقائياً .. ويجدوا أمامهم الغريب )

الغريب : حمدا لله على سلامتكم ..
حمادة : الله يسلمك ..
الغريب : كسرتم الزجاج !!
عبقرينو : إحنا آسفين .. والله الآلى هوة اللى كسره .. مش عارفين بصراحة نعمل ايه مع حضرتك ..

الغريب : يا أخى ما تزعلش .. هوة إحنا هندفع حاجة من جيبنا .. دلوقتى الصيانة تيجى وتصلحها
المنسي : صيانة !! .. هيا لسة فى الضمان هههههه ..
حمادة : طيب وهما عرفو ازاى ان الزجاج انكسر ..
الغريب : بسيطة .. اى خلل أو عطل بيحصل فى "البلاستو " بيرسل تلقائي الى مركز الخدمة .. وبيجوا على طول

غير ان الحوادث بتتصور وتقدر تشوفها فى اى وقت وفى اى مكان عن طريق
الـ Helper قول بس هيلبر وهوة ييجي على طول


عبقرينو يصيح : هيلبر .. هيلبر ..

( يظهر شخص شبه شفاف من الهواء ويقول ..

Helper : فى خدمتك سيدي ..
عبقرينو فى دهشة : أنا !!
Helper : نعم سيدي .. ماذا تريد من معلومات و أخبار ؟؟
عبقرينو : تقدر تعرضلنا الحادثة اللى حدثت منذ قليل ؟؟
Helper : فى أى مكان سيدي ؟

الغريب : من منتصف شارع " لوناى "وحتي الصعود فوق كوبرى " الريدان " بسيارة موديل بلاستو ..

Helper : ثلاث ثوانى ويبدأ عرض الحادث ..

( تظهر شاشة فى الهواء .. شبه شفافة .. وتعرض الحادث منذ ركوبهم الالة .. وحتى كسر الالى للزجاج ..
ثم صعودهم الكوبري .. وصدمة عبقرينو للألى بالسيارة )

الغريب بعد مشاهدة الحادث : ايه الإحتراف ده .. مكنتش أتوقع انك تعرف تعمل كدة .. آه .. باين عليك مصري ..
بس تعرف .. انتا محظوظ .. لأن أجسامكم مافيهاش شريحة ذكية .. لذلك لم تأخذ الطائرة أى علامة لكم أو نقطة تتبع ..

حمادة : الحمد لله
المنسي : طيب يا جماعة معلش .. أنا بنزف .. هفضل انزف كدة ..
Helper : هل أحضر لك الاسعاف الالى بتكلفة 1200 تاينون
الغريب : نعم أحضره ..

عبقرينو : " تاينون " .. يعنى إيه " تاينون "
الغريب : العملة السائدة بين الكواكب .. وهى فى الأساس .. عملة الكوكب المصري

لأنه هو الذى سيطر على الأقتصاد الكونى فى الفترة من عام 2400 وحتى الان ..

حمادة : الكوكب المصري ؟؟ أومال إحنا فين طيب ..
الغريب : احنا فى مستعمرة قديمة .. كانت زمان وقت إكتشافها من قبل كوكبى عام 2211 يعيش عليها عدد كبير من البشر ..
يظنون أنهم هم الوحيدون فى هذا الكون هههه .. ثم أتينا لهم بالتطور ..
الغريب أنهم كانت لديهم عقول وافكار قوية جدا .. وخصوصا المصريين ..
وكانوا يستخدمون أسماءا مشابهة لأسماء الالات الحديثة لدينا
وكلمات متطورة مثل كلمة تكنولوجيا ..

عبقرينو : المهم كمل ..
الغريب : المهم .. بدأ المصريون يتعلمون استخدام أجهزتنا .. وسرعان ما استوعبوا طريقة عملها ..
وقاموا بتطويرها .. وزيادة كفاءتها وقدرتها على العمل ..
ومن هنا بدأ السيطرة المصرية على الكون .. بداو بالتحكم بنا .. ثم توحيد اللغة عالميا فى الحديث الى اللغة العربية
ومن ثم جعل أسماء الالات أنجليزية .. لأنها الافضل فى تشغيل الالات .. لذلك أصبحت اللغة الانجيزية لغة ثانوية

( فى هذه اللحظة تأتى الاسعاف بسيارة ضخمة ..ويخرج منها آلين مسعفين يرتدون زيا أبيض به خطوط زرقاء ..
ويقومون بتضميد الجروح وعلاجها .. وبعد الانتهاء

المسعف : الحساب يا سيد " رامون "
الغريب ( يخرج من جيبه كارت ) : تفضل
المسعف ( يضع الكارت بألة بالسيارة .. ثم يعده له مرة أخرى ): حسنا .. نحن بخدمتك .. سيد " رامون "
عبقرينو : " رامون " ... تخيل أنك ماقلتش على إسمك
رامون : حصل خير ..
حمادة : وبعدين .. كمل حكاية الكوكب المصري .. واضح اننا بقينا جامدين جدا
المنسي ( يتنهد ) : المسعفين دول ايديهم تتلف فى حرير ..
عبقرينو : استنى يا حبيبي .. خلينا نسمع .. كمل يا " رامون "

رامون : المهم .. بعد كدة سيطر المصرييون على كوكب الارض .. اللى هوة احنا عايشين فيه دلوقتى
ولكنهم وجدوا أنهم من الافضل ان يتوسعوا .. فذهبوا جميعا الى كوكبنا فى المجرة النجمية الثامنة ..
ومن هناك بدأ الزحف المصري والسيطرة .. والتوحيد للعالم الكونى بالكامل ..





... وعذراََ على التأخير اظروف خاصة


كنا قد توقفنا عند الحديث الذى دار بين الغريب ( رامون ) وبين عبقرينو والمنسي ..
وقد لوحظ أن هذا الشخص لم يكن مصرياً .. بل كان من كوكب يريد السيطرة على الأرض
ولكنه فشل.. ووقع تحت السيطرة المصرية


و الآن تـُُرى إلى ماذا سوف ينتهي الحديث بينهم !!
وهل سوف يبقي الثلاثة بهذا الزمن أم سوف يغادروا ..
و ما الأحوال الإقتصادية و الأجتماعية للدولة ...

هذا ما سوف تقودنا إليه الأحداث ,,,

عبقرينو : يعنى المصريين هما اللى بيتحكموا فى إدارة الكوكب ده .. وكل الكواكب اللى عليها حياة ؟؟
رامون : لأ ... هما بتحكمو فى 36 كوكب بس .. والصين بتتحكم فى الـ 18 كوكب الباقيين ..
وبتحاول تعمل مستعمرات على كواكب تحت السيطرة المصرية
ولكنها بتفشل ...


حمادة : على كدة بقى الآلين دول كانوا جايين ياخدونا على فين ؟؟
رامون : على الكوكب الصينى ويركبوا ليكم شريحة ذكية وتبقوا تحت سيطرتهم ..
عبقرينو : طيب والموضوع بيتكرر كتير ؟؟
رامون : لأ .. مرة تقريباً كل أسبوع .. وبيجيلنا إنذار قبلها .. وعموماً
الموضوع مبقاش مشكلة .. لأن المضادات المصرية هتوصل فى خلال أيام ..​

المنسي : طيب تمام .. المهم دلوقتى يا جماعة أنا جعان .. ممكن ناكل وللا إيه !!​

حمادة : ههههههههه .. ده وقته ..
المنسي : آه وقته .. جعان ..
عبقرينو : خلاص خلاص أنا قايم أعملكم 4 كشري ع السريع
رامون : كشري !! أول مرة أسمع الأسم ده .. ممكن أجرب ؟؟
المنسي : طبعا ياعم .. أومال الطبق الرابع لمين يعنى ؟؟
رامون : الله يخليكم .. متشكر جداً .. دانا كنت هموت من الجوع ..
المنسي : ليه ياعم .. انتا ما فطرتش وللا إيه .. هههه​


( يبدأ الأربعة فى تناول أطباقهم .. ويتلذذ رامون بالمذاق )


وبعد قليل .. رامون يسأل .. معاكم تانى ؟؟
عبقرينو : الخير كتير .. عايز تانى ...
رامون : لا شكرا ..​

يبتعد عنهم رامون قليلا .. ثم يحضر لهم 3 أكواب عصير

المنسي : وتاعب نفسك ليه .. ما أحنا معانا
رامون : معلش .. أشرب العصير ده هيعجبك​

( يبدأ الثلاثة فى الشرب .. ولكن عبقرينو يرفض ويصر على أن يشرب خروب من الموجود معهم بآلة الزمن )


بعد دقائق يجد عبقرينو أن المنسي وحمادة بدأوا يتثائبون ودخلا ألى الألة ونامو )

عبقرينو : مش عارف العيال دى مالها .. فجأة كدة كبس عليهم النوم ..
رامون : يمكن كانوا سهرانين وللا حاجة ..​

( بعد ثوانى تدخل فتاة فى غاية الجمال وترتدى ثيابا جامدة آخر حاجة )

رامون : أعرفك ببنتى " هايدى " 23 سنة .. وخبيرة بيلوجية
عبقرينو : أهلا وسهلا .. فرصة سعيدة .. وعلى فكرة أنا مهندس برضو وخبير ..
هايدى : أهلا بيك ..
رامون : هسيبكم شوية .. ورايا مشوار مهم ..
عبقرينو : مشوار إيه أستنى ...
رامون : راجع تانى ... ( ويخرج خارج آلة الزمن تاركاً الموزّة مع عبقرينو )​

هايدى ( وهى تقترب منه وتتنهد): أنا سعيدة أنى أتعرفت بيك ..
عبقرينو ( محاولاً الإبتعاد ) : نعم !! ... أه ... و أنا كمان ..
هايدى : إيه مالك عرقت ليه كدة .. ده الجو بارد
عبقرينو : لا عرقت إيه ... منا عادى أهو .. عـ عـاد ددى مفيش حاجة ..
هايدى ( تقترب منه جدا ): طيب مش هتعزمنى على حاجة ؟؟
عبقرينو : هه !! .. أه طبعاً .. أجيبلك خروب ..
هايدى ( تبتسم ) : أوكى .. بس تشرب معايا ..
( يحضر لها عبقرينو كوبان وحين يستدير تضع بكوبه منوما )

( بعد ثوانى يشرب عبقرينو كوبه ثم ينام كما نام صديقيه حمادة والمنسي )


وبعد مدة ( غير معلومة حتى الأن ) يستيقظ الثلاثة ,,,,

عبقرينو : الصداع هيفرتك دماغى ...
حمادة : خد الأسبرين من على التلاجة و هترتاح
عبقرينو : ايه اللى حصل .. انتوا صحيتوا
المنسي : أيوة يا سيدى صحينا وياريتنا ما صحينا
عبقرينو : ليه خير ..
حمادة : مش خير .. الزفت اللى أسمه رامون الله لا يسامحه .. شوف سايبلك الورقة دى وفيها إيه ..​


نص الورقة
" سعدت جداً بلقائكم ... وسعدت أكثر بوجبات الطعام الموجودة معكم .. وقد أخذتها كلها آسفاً ..
عفوا .. الطعام قليل جدا على الكوكب و أسعاره عالية جداً جدا ... لا أستطيع أن أكفى بيتى
و بناتى الـ 14 و التى لم تتزوج أيا منهم بسبب عدم توافر زوج يستطيع أن يطعمهم ..
لذا أخذت كل ما لديكم من طعام ...

شكراً لكم ..
رامون "


عبقرينو : إيه !! ... إبن الحرامية .. إلهى يجيلو إسهال هوة وبناتة الـ 14 ..
حمادة : طب إحنا شربنا العصير الزفت اللى جابهولنا ونمنا .. طب أنتا نمت إزاى الـ 10 ساعات دول ..
المنسي : أه صح .. أنتا خدت المنوم إزاى ؟؟​

عبقرينو ( يحدث نفسه ): أكيد الموزّة هيا اللى حطتهولى فى الخروب​

المنسي : أكيد إيه !! .. موزّة !!.. موزّة إيه ياض إنطق ..
عبقرينو : لا مفيش حاجة .. أنا ماقولتش موزّة
حمادة : لا قولت ... و أنا كمان سمعت .. يبقي أنتا السبب​

عبقرينو : و أنا مالى .. مانتو كمان نمتوا .. هوة كل حاجة أبقي أنا السبب .. وبعدين أنا هعرف منين أنه جابلى بنته عشان ينيمنا ويسرقنا ..​

المنسي : خلاص يا عم .. اللى راح راح و الموزّة و أبوها قلبّونا وما سابولناش
ولا فتفوتة .. ولا فتفوتة ...​

حمادة : بس شوفت أبوها بيقولك الـ 14 بنت متجوزوش .. طب و أحنا مالنا
بالعنوسة اللى عندهم دى كمان ..​

المنسي : طب مانروح نشوفهم .. يمكن يعجبونا زى الموزة دى ..
وبعدين الكلام شكله على أكل وبس .. ودى سهلة .. ناخدهم ونرجع بيهم
لسنة 2010 و نتجوزهم وخلاص​

عبقرينو : هيا فكرة حلوة .. بس أنا رافضها .. ماينفعش .. دى آلتى و إحنا جايين نتفرج ونتفسح وبس ..
ومش هناخد حاجة معانا أصلا ... علشان مانعملش أى مشاكل زمنية .. وده كان أتفاقنا ..

المنسي : خلاص يا عم .. ياللا بينا نمشي من هنا​

عبقرينو : لا تعالو نتمشي شوية بما أن الدنيا بقت ليل .. نشوف الدنيا عاملة أزاى​

المنسي : أه وبالمرة نتفرج ع الموزز اللى هنا
عبقرينو : و انتا جاى هنا تاخد ذنوب وللا إيه ...
المنسي : وانتا مالك ... خليك فى حالك
عبقرينو : انتا حر .. " أستغفر الله العظيم "​


( يتوجه الثلاثة إلى خارج السفينة .. وتفاجئوا حيث أصبح لون الإضاءة محمراً
ويسمعون أصوات غريبة وصراخ )

عبقرينو : سامعين صوت الصراخ ده
المنسي : أيوة أنا سامع كمان ...
حمادة : أنا سامع زى صوت أجنحة أو حاجة بترفرف .. أو ممكن شجر ...
بس فين أنا مش شايف​

عبقرينو : طيب ياللا نمشي أحسن ... أنا بدأت أقلق
المنسي : ههههههه .. جبان .. أستنى شوية .. همّا هياكلونا ..​

عبقرينو : ممكن .. أومال إيه صوت الصراخ ده .. ماتلاقى حد بيتاكل ...​

المنسي : ياعم تلاقيها سينما مجسمة وللا حاجة ..
أهو بص .. فى خفاش ضخم أهو جاى علينا .. وطبعا مفيش خفافيش ولا حاجة ..
ده تلاقيه كدة وكدة ..​

عبقرينو : يالا نستخبى ..​

المنسي : نستخبى إيه يا عم
حمادة : منسي .. أنتا متعور وممكن يكون الخفاش شم ريحة دمك وجايلك ..
ياللا واسمع الكلام ..​

المنسي : لأ .. وهثبتلكم أنه مش حقيقى و أنه أكيد عرض سنمائى أو حاجة زى كدة ..​


( بعد ثوانى يبتعد عبقرينو و حمادة متجهين للسفينة بينما المنسي يرفض ..
فإذ بالخفاش يختطف المنسي ويحلق به عالياً )

المنسي : إلحقونىىىىىىىىىىىى
عبقرينو الى حمادة : شوف الزفت ماسمعش الكلام .. وكان بيقولك نعاكس ونتفرج ع الموزز ..
أهو خد جزاءه .. خليه يفرح بقى ويتلذذ ..
حمادة : مش وقته دلوقتى لازم نساعده ...​

عبقرينو : أمرى لله .. لولا بس أنى بحبه .. كنت سيبته يتاكل ..​

يركب عبقرينو وحمادة آلة الزمن ثم يتجها بها فى الطريق الذى سلكه الخفاش

ويخرج حمادة من النافذة ومعه بندقية رش .. ( كانوا قد أخذوها للصيد و التسلية ) ..

بدأ حمادة يسدد الضربات واحدة تلو الأخرى إلى أن أصاب الخفاش بعينه ..
وعندها أسقط المنسي على أرض الغابة التى وجدوا نفسهم بداخلها أثناء مطاردة الخفاش

المنسي : أه يا دراعى .. مخالبه شرِّحت لى دراعى ..
عبقرينو : أحسن .. لأنك ماسمعتش كلامنا ..​

حمادة : خلاص ياللا بينا من هنا .. الحيوانات حوالينا من كل حتة​


( ينطلقا جميعا مبتعدين عن الغابة .. ولكن المفاجئة .. توقف أمامهم كائن ضخم له شكل غريب ...

حمادة : نعمل إيه ..
عبقرينو يتجه بآلة الزمن للخلف مسرعاً ويعود من حيث أتى
لكن الكائن العملاق يقترب منهم أكثر و أكثر ..

عبقرينو يصيح : helper هيلبر .. هيلبر
Helper فى خدمتك ..
عبقرينو : إلحقنى أهرب من الكائن ده إزاى أو أعمل إيه
Helper : تكلفة الخدمة 750 تاينون .. سوف أتصل بالعملاء المحترفون
يأتون إلى هنا ويأخذوكم بالطائرة فى خلال 8 ثوان ٍ على الأكثر ..​

المنسي : يا نهار أسود .. 750 عفريت يركبوك ... هنجيبهملك منين !!​

عبقرينو : مفيش غير حل واحد ...​

حمادة و المنسي : إييييييييه ؟!!​




.​

.​





الســـلام عليكم ورحمة الله وبركاته​

عذراً لتأخر القراءة

قراءة في الجزء الثاني والثالث

لاحظت في الجزء الثاني والثالث أنتقالية الأفكار والبيئة

من العالم البسيط ذوي حدود إلى أخر أكثر تطوراً غير متناهي

من حيث التطور التكنولوجي والفسيولوجي للأفراد والاحداث

ومن قراءتي أجد أنك سخرت الكثير من الأحداث في عالمك الواقعي لقصتك

أبتداء في صراع الحضارات والتقدم التكنولوجي الذي بدأ بالسيطرة الكلية على الشعوب

وهيكلة الأحداث بين الأمس البعيد واليوم

وتلك تحتاج لرؤية متأنية تصادف صدق الكاتب وتجاربه ومزجها بقلمه

يحتاج لبعض الاسترسال الدرامي والمسلي أحياناً

أعجبني كثيراً الصورة التي صورتها للشباب العربي أو كل عربي حين اندفع إليه

الغريب لإعطائه شيء ليس له بدافع النجاة

الإندافاع وراء الأسباب دون بحث المُسببات والثقة الزائدة التي تكمن في طبيعتنا كبشر

حيثُ أننا نثق في كل ما يُعطى لنا دون أستدراك لما ؟!

كما أننا نُصدق كل ما يقال لنا دون كيف ؟!

هي طبيعة البشرية التي نحتاج لترويضها بعض الشيء لجعلها متوازنة نسبياً حيال ما يستحق وما يجب أن يُحق

وأظن أن تلك أكبر مشاكلنا وتأخرنا لأننا دائماً نُسقط قدراتنا أمام الآخرين

فنأخذ ذلك تباعاً لما تقضيه الرغبة وليس المعرفة

مازلت أرى في قصتك جزء من الواقع الذي نعيشه بما فيه من أحداث سياسية وعلمية وإجتماعية

وما السيطرة المصرية إلا سيطرة معلوماتية تتمثل في أستخدام التكنولوجيا وتسخيرها

أخذت بالأنتشار لتغزو كافة المجالات في التجارة والطب والحياة اليومية

وكلها عائدة للمفكر العربي الذي بات في سبات الأخذ وغفلة الأمس

فالبلاستو هي مرحلة متطورة من مركبة عبقرينو

وعبقرينو يمثل وجه تشابه للحضارة الإسلامية التي كانت بالامس بايدي العرب

وسيطر عليها الغرب فعُدنا كعرب فرحين بما أجتهدوا غير مُبالين بما أُخذ منا


الشريحة الذكية هي اللغة التي يعمل بها الكثيرون حالياً ممارسة الصمت تحت قيد

وفرض وتجاهلاً لما يحدث وهي شريحة تبعية توضع لسلب الفرد أفكاره وحرية الرأي

أياً كانت عواقبها فهي أكفأ أستخداماً من العقاقير لسرعتها

وقدرتها على التحايل داخل شبكة العين البرمجية بزيف المرئيات

وإسقاط الأدراك وفقد الاحساس

بينما يُمثل طبق الكشري الطبيعة البدائية للفرد

والتي تشكلت لديه كمورث طبيعي خالي من العيوب ومخيراً لطريقه في الحياة

فكان طمع الغريب فيها أكبر لأنها بيئة خام لا تشكلها قدرات إجهادية ولا مواد برمجية

بل تتكون من طبيعة البشر وتختلف من شخص لآخر ولعلي أوضح للقارئ

أكثر صور لها كالوطنية وطيب التعامل والعفوية والخجل

وهكذا أمور لا تعود على الفرد بتحصيل علمي فقط طبيعة أثرية بقيت في النفس وأثرت في الآخرين

ورامون كان جزء من سياق احداث نسميه نحن حضارة وتقدم بينما هو لص ومخادع

والعصير الذي جلبه رامون وصفة سحرية في متناول الجميع ولا تحتاج لجهد

فقط إغفاءة تُذهب ما بقي ما قبلها

أما عبقرينو كان وجه الصراع الذي بات مرتاب وقلق حيال ما يحدث

فعاد لبيئته الأعتيادية حفاظاً على هويته الخارجية

غير ان رامون درس أبعاد نفسيته وأكثر ما يحتاجه كمُغترب

فقدم له إبنته ليأخذ منه كل شيء بعد أن عرف أنه

لن يستطيع مقاومتها على الأقل في هذه المرحلة أما عبقرينو كان هو الآخر مرتبك وخائف بدون سبب إلا أنه لم يكن حذر

فبات في سبات كأصدقائه بينما كان رامون وابنته يستعدون لأخذ ممتلكاتهم

الفتاة لا تشبه كثيراً فتكات التي كان يُحبها عبقرينو

تختلف تباعاً بحسب أختلافات البيئة ومتفقتين على الطاعة

والمنسي ككل الشباب أراد أن يمتع ناظريه بزيف محرم

فسقط نتيجة لذلك وأوقع من حوله بالمشاكل

لجهله بالعواقب فما كان منه إلا أن يقود صاحبيه لأصعب الخيارات

ذلك ما سنعرفه في الجزء الرابع الذي أتوقع أن تكون أحداثه

مُفاجئة بعض الشيء لعبقرينو ومُرضيه للآخرين بشكل ما

دُمت بخير
 

منى

الوسـام الماسـي
التسجيل
23/10/09
المشاركات
3,172
الإعجابات
456
الإقامة
الاسكندريه
#67
رد: آلة الزمن .. صنع في مصر .. ( قصة قصيرة )

أولاً ربنا معاك بالنسبة للتجنيد

بصراحة الجزء الثاني كان فيه أحداث ومغامرات أكثر

لكن هذا الجزء أيضاً جيد وفى انتظار الجزء الرابع بأذن الله

وفقك الله الى مايحب ويرضى
 

المطبعجى

الوسـام الماسـي
التسجيل
1/1/09
المشاركات
6,238
الإعجابات
2,369
الإقامة
مصر
#68
رد: آلة الزمن .. صنع في مصر .. ( قصة قصيرة )

كالعادة أسلوبك شيق وظريف وممتع
بس فيه حاجتين مقدرتش أعديهم

جايب سيرة هايدي ليه ؟ ههههههههه

والتناية بتاعة بندقية الرش إللي جابت الخفاش العملاق
دي مش قادر أبلعها
هههههه
لو كنت خلتها قوس وسهم كان ممكن

خالص تحياتي
 

Magic-M

الوسـام الماسـي
التسجيل
19/1/09
المشاركات
3,396
الإعجابات
776
الإقامة
EGYPT
#69
رد: آلة الزمن .. صنع في مصر .. ( قصة قصيرة )

كالعادة أسلوبك شيق وظريف وممتع
بس فيه حاجتين مقدرتش أعديهم

جايب سيرة هايدي ليه ؟ ههههههههه

والتناية بتاعة بندقية الرش إللي جابت الخفاش العملاق
دي مش قادر أبلعها
هههههه
لو كنت خلتها قوس وسهم كان ممكن

خالص تحياتي
بالنسبة لهايدى .. انا نساى جدا .. ونسيت خالص أن بنتك اسمها هايدى

( بس هو يعنى ايه هايدى .. أنا قلت أختاره عشان يليق بالمستقبل .. أومال هسميها حسنات يعنى )

اما بالنسبة لبندقية الرش .. الواد أساسا نشانجي برنجى نمرة واحد ... عادى
وهو عبقرينو هيصاحب إيه غير كدة ... رجالتنا عندهم مهارات عالية ...

وبعدين عادى .. ممكن نقول حظ .. أو صدفة .. أو عشان هوة قلبه أبيض

أشمعنى الرجل اللى وقع طيارة أباتشى أمريكية برصاصة بندقية رش برضو

يعنى الأباتشي وللا الخفاش !!

( يا سلام عليك يا ماجيكو .. مقنع والله :5998: )

أشكرك على المرور .. و بالمناسبة دى .. هسرب بعض المعلومات عن الجزء القادم

إحنا مع تطور الأحداث ... هنرجع شوية للماضى .. و الشباب دول هيقابلوا أجدادهم

وكل واحد هيعرف أصله وفصله .. وطبعا الزى و الاخلاق هتتغير ..

الطرابيش .. و الخلاخيل .. و البيشة وملايات اللف .. و المنديل .. إلخ إلخ

وسي السيد ... ومش عايز حد يقولى أنا سيد ... بتجيب سيرتى ليه :677: !!

مهو مش أى سيد يبقي سي السيد ...

تحياتى لكم جميعاً

 

humam bahlawan

عضو مميز
التسجيل
12/10/10
المشاركات
247
الإعجابات
79
الإقامة
Syria , Aleppo
#70
رد: آلة الزمن .. صنع في مصر .. ( قصة قصيرة )

بستنى الجزء الثاني
 

Eng_Ahmed

عضوية الشرف
التسجيل
2/6/10
المشاركات
1,833
الإعجابات
604
الإقامة
مصر
#71
رد: آلة الزمن .. صنع في مصر .. ( قصة قصيرة )

مستنين الجزء الرابع يماجيك بس بليز ماتتأخرش
 

Magic-M

الوسـام الماسـي
التسجيل
19/1/09
المشاركات
3,396
الإعجابات
776
الإقامة
EGYPT
#72
رد: آلة الزمن .. صنع في مصر .. ( قصة قصيرة )


الســـلام عليكم ورحمة الله وبركاته​


عذراً لتأخر القراءة
والمنسي ككل الشباب أراد أن يمتع ناظريه بزيف محرم
فسقط نتيجة لذلك وأوقع من حوله بالمشاكل
لجهله بالعواقب فما كان منه إلا أن يقود صاحبيه لأصعب الخيارات
ذلك ما سنعرفه في الجزء الرابع الذي أتوقع أن تكون أحداثه
مُفاجئة بعض الشيء لعبقرينو ومُرضيه للآخرين بشكل ما
دُمت بخير
أشكرك على المرور ... وبارك الله فيكى ..

و الحمد لله أنى أستطعت بالفعل أن أنقل إلى ذهن القارئ أن الأفعال المحرمة

تؤدى الى المشاكل .. ليس لفاعلها فقط .. و إنما أيضاً لأقرب الناس إليه

كما أيضاً أوجهه إلى ألا يفعل أى شئ الا بعد أن يدرس النتائج و يعرف العواقب

تحيتى
 

Magic-M

الوسـام الماسـي
التسجيل
19/1/09
المشاركات
3,396
الإعجابات
776
الإقامة
EGYPT
#73
رد: آلة الزمن .. صنع في مصر .. ( قصة قصيرة )

أولاً ربنا معاك بالنسبة للتجنيد

بصراحة الجزء الثاني كان فيه أحداث ومغامرات أكثر

لكن هذا الجزء أيضاً جيد وفى انتظار الجزء الرابع بأذن الله

وفقك الله الى مايحب ويرضى
مستنين الجزء الرابع يماجيك بس بليز ماتتأخرش
أشكركم على المرور .. وقريبا الجزء الرابع ( وربما ليس الأخير )
 

Eng_Ahmed

عضوية الشرف
التسجيل
2/6/10
المشاركات
1,833
الإعجابات
604
الإقامة
مصر
#74
رد: آلة الزمن .. صنع في مصر .. ( قصة قصيرة )

ياستاذ ماجيك الجزء الرابع وقتيها
 

Magic-M

الوسـام الماسـي
التسجيل
19/1/09
المشاركات
3,396
الإعجابات
776
الإقامة
EGYPT
#75
رد: آلة الزمن .. صنع في مصر .. ( قصة قصيرة )

صبراً يا أحمد .. كلام فى سرك .. حصلت مشاكل أسرية فى البيت و غادرت المنزل

وخايف الفلوس تخلص قبل ما ألاقى شغل !!

المهم سيبك أنتا .. طبعاً لأنى فاضى .. قلت أعمل رسم تخيلى للبلاستو

و الآلى لما صعد فوق ظهرها مطاردا للأصدقاء الثلاثة ( قبل الكوبري بشويه وقبل كسر الزجاج العلوى للبلاستو )

وهذه الصورة .. أتمنى أن تنال رضاكم



تحياتى
 

ommarime

الوسـام الماسـي
التسجيل
6/1/10
المشاركات
5,212
الإعجابات
2,511
#76
رد: آلة الزمن .. صنع في مصر .. ( قصة قصيرة )

صبراً يا أحمد .. كلام فى سرك .. حصلت مشاكل أسرية فى البيت و غادرت المنزل

وخايف الفلوس تخلص قبل ما ألاقى شغل !!

المهم سيبك أنتا ..

ربنا يهديك ياماجيك وبيكفيك عناد مع والديك
ما فى اغلى منهم ولا احن منهم عليك
مهما حاولت البعاد عمرك ما هتعرف تعوضهم
لاأصحاب ولا اقارب ولا اى انسان فى الدنيا
يعرف يعوضك عنهم النظرة ليهم الدنيا بما فيها
ارجع وعتذر ولا تتكبر
وان شاء الله يدعولك افضل ما يدعواعليك
نصيحة من اخت لأخيها لو والدك او والدتك
دعا عليك الدعوة مقبولة حتى لو العياذ بالله كفرة
هداك الله ويسر امرك اخى وعذراً للتدخل والاطالة
 

moseba

الوسـام الماسـي
التسجيل
16/9/08
المشاركات
5,149
الإعجابات
1,036
الإقامة
DamasGate
الجنس
Male
#77
رد: آلة الزمن .. صنع في مصر .. ( قصة قصيرة )

هههههههههههههه
أنا بضحك على المؤسسة اللى أنت كاتبها فوق hide me
:5998::5998::5998::5998::5998:
ساسة ساسة ساسة :5998::5998::5998::5998:
التباعين فى مصر بيقوا على المؤسسة كده:5998::5998::5998:


وربنا يهديك ويرجعك للبيت سالم غانم..
 

Magic-M

الوسـام الماسـي
التسجيل
19/1/09
المشاركات
3,396
الإعجابات
776
الإقامة
EGYPT
#78
رد: آلة الزمن .. صنع في مصر .. ( قصة قصيرة )

ربنا يهديك ياماجيك وبيكفيك عناد مع والديك
ما فى اغلى منهم ولا احن منهم عليك
مهما حاولت البعاد عمرك ما هتعرف تعوضهم
لاأصحاب ولا اقارب ولا اى انسان فى الدنيا
يعرف يعوضك عنهم النظرة ليهم الدنيا بما فيها
ارجع وعتذر ولا تتكبر
وان شاء الله يدعولك افضل ما يدعواعليك
نصيحة من اخت لأخيها لو والدك او والدتك
دعا عليك الدعوة مقبولة حتى لو العياذ بالله كفرة
هداك الله ويسر امرك اخى وعذراً للتدخل والاطالة
ههههههههه طب أنا كنت بكلم أحمد وبقوله كلام فى سرك .. إزاى الناس عرفت :confused:
هههههه دانا حتى كنت بتكلم بصوت وشوشه !!!

فى الحقيقة يا أم مريم أنا قاعد فى بيتنا القديم لوحدى و معايا الـ MP3 بتاعى وعايش
وبتكلم من مقهى انترنت .. و المشكلة مش بسبب الوالد و الوالدة ..
المشكلة بسبب الجزار الكبير أخويا

بلاش بقي أدخلكم فى المشكلة .. و خلينا ماشيين على حسب الريح ما يودى
هههههههههههههه
أنا بضحك على المؤسسة اللى أنت كاتبها فوق hide me
:5998::5998::5998::5998::5998:
ساسة ساسة ساسة :5998::5998::5998::5998:
التباعين فى مصر بيقوا على المؤسسة كده:5998::5998::5998:


وربنا يهديك ويرجعك للبيت سالم غانم..
أنا كدة مرتاح يا ميسو .. إدعيلى بس ألاقى شغل .. يارب ألاقى شغل مناسب

إنشالة تباع على عربية و أقول

مؤسسة مؤسسة ساسا ساسا ساسااااااااااااااا

الى اللقاء قريبا إن شاء الله
 

Eng_Ahmed

عضوية الشرف
التسجيل
2/6/10
المشاركات
1,833
الإعجابات
604
الإقامة
مصر
#79
رد: آلة الزمن .. صنع في مصر .. ( قصة قصيرة )

صبراً يا أحمد .. كلام فى سرك .. حصلت مشاكل أسرية فى البيت و غادرت المنزل

وخايف الفلوس تخلص قبل ما ألاقى شغل !!

المهم سيبك أنتا .. طبعاً لأنى فاضى .. قلت أعمل رسم تخيلى للبلاستو

و الآلى لما صعد فوق ظهرها مطاردا للأصدقاء الثلاثة ( قبل الكوبري بشويه وقبل كسر الزجاج العلوى للبلاستو )

وهذه الصورة .. أتمنى أن تنال رضاكم



تحياتى
والله يامجيك كلام في سرك برده الحال عند بعضه ياصحبي يارب تلاقي شغلانه محترمه وتتوفق فيها يارب بس يامجيك نصيحة ارجع البيت وماتفضلش بره كتير وربنا يوفقك يارب

بس صراحه الصورة دماااااااااار بجد مش مجامله
 

mimoboy

عضو ذهبي
التسجيل
21/2/08
المشاركات
978
الإعجابات
108
الإقامة
كفر الشيخ
#80
رد: آلة الزمن .. صنع في مصر .. ( قصة قصيرة )

بدع يعم Magic-M بدع

اتحفني اكتر واكتر
هههههههههههههههه
عايز بقا رسمه للشخصيات كمان
اقولك رسمه تعريفيه لكل الشخصيات
هههههههههه
 
الحالة
موضوع مغلق

أعلى