الحالة
موضوع مغلق

Magic-M

الوسـام الماسـي
#41
انا فعلا كان عندي حق لما قولت الأجزاء الجايه هتبقا حلوه
يعني المفروض الجزء الجاي بقا
يرجعو من الزمن ده
ونروح بقا الماضي
هههههههههه

اقولك خليها 5 اجزاء بس
ويبقا كتر الف خيره
وعلي فكره
القصه جامده فعلا
المفروض الموضوع ده يتكتب باسمك في الشهر العقاري بتاع دماس :5998::5998:
ههههههههههههه

مشكوووووووور يا اخي ومنتظر الجزء القادم ونتمني بعض الأثاره كما في هذا الجزء
.​
هههههههههههههههههههههههه
.

إثارة من أى نوع !! :5998:

تسلم يا mimoboy و أشكرك على المرور .. و أوعدك بأحداث حلوة تعجبك
فى الجزء القادم إن شاء الله

تحياتى
 

Magic-M

الوسـام الماسـي
#42
حلوة اوى يا ماجيك
و فى انتظار الجزء الثالث
وشكرا
^__^​
أشكرك على المرور أخى .. بارك الله فيك

تحياتى
 

Magic-M

الوسـام الماسـي
#43

قصة جامدة جداااااا تشويق اثارة اكشن رعب كله في داماس موجود
هههههههههههههههههههههههههههههه
شوقتني والله
امانه عليك تكملها
أشكركم على المرور .. تم كتابة الجزء الثانى .. وقريباً هكتب الجزء الثالث

منتظر رأيكم فى الجزء الثانى

و أشكركم على المرور
 

منى

الوسـام الماسـي
#44
قصة تحمل طابع كوميدي ومغامرة

بجد تحفة

واضح من خلالها ان عندك أحلام كبيرةربنا معاك وتحقق أحلامك

( يصعد عبقرينو فوق الكوبري بأقصي سرعة يجد
الالى يقف فوق الكوبري وتأتى اليه ألة طائرة غريبة الشكل ..)


حمادة : هتعمل ايه !!
المنسي : هخبطه بالبتاعة اللى احنا راكبينها دى بأقصي سرعة


أ
عتقد المفروض بدل المنسي تكتب عبقرينو لأن المنسي كان متشعلء فوق مع الآلى
ولا أيه؟؟


تعرف فى حاجة غيظانى فى القصة
فــــــتكـــــات

ان شاء الله نشوف الجزء الثالث قريب
وربنا يكرمك
 

Magic-M

الوسـام الماسـي
#45
قصة تحمل طابع كوميدي ومغامرة

بجد تحفة

واضح من خلالها ان عندك أحلام كبيرةربنا معاك وتحقق أحلامك



أ
عتقد المفروض بدل المنسي تكتب عبقرينو لأن المنسي كان متشعلء فوق مع الآلى
ولا أيه؟؟


تعرف فى حاجة غيظانى فى القصة
فــــــتكـــــات

ان شاء الله نشوف الجزء الثالث قريب
وربنا يكرمك
ههههههههههههههههههههههههه
:wow:
مش قصدى والله .. هى تشابه أسماء بس

سعدت بمرورك

تحياتى
 

El-Safwa

عضو ماسـي
#46
فين الجزء الثالث ؟؟؟؟؟؟؟؟؟؟؟؟؟؟؟؟
 
الجازية

الجازية

عضوية الشرف
#47
قراءة في الجزء الاول

قراءة في القصة ،،،


القصة تتمتع بأسلوب سلس ومُتتبع يجعل القارئ متنبه على وقوع الأحداث وتنقله من حالة لأخرى



غير أن استخدام العامية والعربية الفصحى

قد يفقد القصة رونقها الأدبي فإما أن تكون

عامية أو عربية فصحى



أما عن شخصية القصة ( عبقرينو )



على شاب عربي بسيط يحلم ككل عربي ببقعة لأحلامه

تتوافق مع رغباته ومتطلباته وينتقل فيها من دوائر الواقع الذي

يعيش به إلى دوائر ما تمناه ورغب به

ومع ذلك يقف على عتبة نفسه مستدركاً

ماهية الأشياء من حوله وكيف بها أصبحت كذلك فيسعى

لتحسين قدرته في التواصل مع ذاته رغم قلة كفاءته

في الهندسة إلا أن ذلك لم يحُد من قدرته على التفكير والتحفيز بالانتقال إلى الافضل

بما يرغب به مستخدماً

خبراته السابقة والتي تُعد في نظره أفضل من شهادته الجامعية ،،،


هو شاب طموح يسعى لتحقيق ذاته ونيل رضى من حوله

غير أن بعض المُعِيقات تقف في وجهه

وتتعارض مع مشاعره واختياره للآلة الزمن

والتي بدورها تنقله من مكان لآخر


لأنه يدرك في قرارة نفسه أنه يختلف عن الزمن الذي يعيش به

وكل ما يسعى له هو الانتقال الجزئي بمعنى الهروب المعنوي

الذي قد يُحدث بداخله بعض من المستجدات وقد يسعى ربما لتحقيق أحلامه ،،


عذراً للتأخر في القراءة ،،، لي عودة لقراءة الجزء الثاني
 

المطبعجى

الوسـام الماسـي
#48
أشكرك يا أستاذ عمرو ..
تفتكر ممكن فى يوم من الأيام أبقي أشهر من " نبيل فاروق " !!


أنا بقول ممكن .. بس أغير أسلوبى شوية و أنتقى الألفاظ حبتين


و أشكرك على رأيك .. هفكر فيه إن شاء الله​
وليه لأ ؟
هو أحسن منك في إيه ؟
ربنا يكرمك كده
وتعمل سلاسل مطولة من القصص المشوقة

خالص تحياتي
 

Magic-M

الوسـام الماسـي
#49
قراءة في القصة ،،،
القصة تتمتع بأسلوب سلس ومُتتبع يجعل القارئ متنبه على وقوع الأحداث وتنقله من حالة لأخرى

غير أن استخدام العامية والعربية الفصحى

قد يفقد القصة رونقها الأدبي فإما أن تكون

عامية أو عربية فصحى

عذراً للتأخر في القراءة ،،، لي عودة لقراءة الجزء الثاني
أشكرك على المرور والتعليق الرائع جداً ..
والذى جعلنى أشعر و كأننى كاتب أمام ناقد فنى

بارك الله فيكِ
 

Magic-M

الوسـام الماسـي
#50
وليه لأ ؟
هو أحسن منك في إيه ؟
ربنا يكرمك كده
وتعمل سلاسل مطولة من القصص المشوقة

خالص تحياتي
ربنا يسهل .. بس إحنا لسة بنتعلم .. و إحنا ونصيبنا ( دى كتابة من غير أى دراسة )
( بينى وبينك .. أنا مش من هواة قراءة القصص .. ومش بحب القراءة أصلاً
بس أحب أقول اللى جوايا .. واللى أنا شايفه .. وأعرض أفكارى ..
:wow: يمكن أكون بفهم وللا حاجة وانا مش واخد بالى :wow: )

أشكرك على المرور والكلمات الطيبة
 

mimoboy

عضو ذهبي
#51
هههههههههههههههههه
يسلام بقا
علي الفكره الي جت في دماغي دي
فكره جامده
ايه رايك حد يحول القصه دي وتبقا قصه مصوره باسمك يا باشا

بس مين بيعرف يرسم
ههههههههههههههههههههههه
اه لو في حد رسام هنا كده
يعمل شخصيات
ويعمل الأحداث
ويرسم القصه
وتبقا اول قصه تصنع عن طريق ممنتدي في تاريخ البشريه
هههههههههههههههههههههههههههههههه
 

mimoboy

عضو ذهبي
#52
فين الجزء التالت يا اخي
ولا انت كسلت ولا ايه

انا اطالب بالجزء التالت من القصه
 

Magic-M

الوسـام الماسـي
#53
هههههههههههههههههه
يسلام بقا
علي الفكره الي جت في دماغي دي
فكره جامده
ايه رايك حد يحول القصه دي وتبقا قصه مصوره باسمك يا باشا

بس مين بيعرف يرسم
ههههههههههههههههههههههه
اه لو في حد رسام هنا كده
يعمل شخصيات
ويعمل الأحداث
ويرسم القصه
وتبقا اول قصه تصنع عن طريق ممنتدي في تاريخ البشريه
هههههههههههههههههههههههههههههههه
أنا بعرف أرسم كويس .. شوف كدة

http://www.damasgate.com/vb/t/175984/
أو ده
http://www.damasgate.com/vb/t/175359/

ها .. إيه رأيك .. أنفع !! خصوصا وانها قصتى وانى أكتر واحد يعرف يعبر عنها ..

و أشكرك على الفكرة .. بس معنديش سكانر :832:
 

Magic-M

الوسـام الماسـي
#54
فين الجزء التالت يا اخي
ولا انت كسلت ولا ايه

انا اطالب بالجزء التالت من القصه
الجزء الثالث فى الطريق .. انتظر

وأشكرك على المرور

تحياتى
 
الجازية

الجازية

عضوية الشرف
#55
أشكرك على المرور والتعليق الرائع جداً ..
والذى جعلنى أشعر و كأننى كاتب أمام ناقد فنى


بارك الله فيكِ
أكرمك الله وأحسن إليك

ورزقك ما تُحب وترضى

أما عن قولك ناقذ فني ،،، أكبرتني ،،، غفر الله لي ولك مازلت أتعلم حروف الهجاء

ولي سؤال أن سمحت لي

هل صحيح أن الكتابة تشكل جزء من صاحبها

أم أنها محض فكرة لا تصنف ولا تصف كاتبها تحت إطارها

 

mimoboy

عضو ذهبي
#56

أنا بعرف أرسم كويس .. شوف كدة

http://www.damasgate.com/vb/t/175984/
أو ده
http://www.damasgate.com/vb/t/175359/

ها .. إيه رأيك .. أنفع !! خصوصا وانها قصتى وانى أكتر واحد يعرف يعبر عنها ..

و أشكرك على الفكرة .. بس معنديش سكانر :832:

يا باشا
اي اسكتنر خارجي
اقولك استخدم الموبيل برضو زي ما انت عملت ..
 

Magic-M

الوسـام الماسـي
#57
أكرمك الله وأحسن إليك

ورزقك ما تُحب وترضى ...

هل صحيح أن الكتابة تشكل جزء من صاحبها ؟

أكيد .. لأنى فى أجزاء وتصرفات بقتبسها من حياتى .. بغير شكلها شوية

يعنى مثلاً لو أحد الأشخاص القريبن منّى قرأ هذه القصة ..
سيعرف بالطبع أنى الكاتب ..
لأن الحوار يغلب عليه طريقتى فى التحدث والإستفسار ورد الفعل السريع ..
ومواقف من حياتى .. وبعض الأفكار التى أرغب فى تحقيقها ..


ولكن ليس هذا فى كل الأحوال .. فمثلا فى محاولتى الاولى .. لو فاكرينها

الخاصة بماجيك وفتكات ..
الموقف القديم اللى حكيته لما كانت فتكات بتسأل ماجيكو أيام سنة رابعة إبتدائي
ده موقف حقيقي .. أقصد أنه كان هناك من أحد الزملاء البنات الشاطرين جدا

كانت الأولى دائماً وأنا الثانى بفارق نصف درجة أو درجة أو درجتين على الأكثر ..
لكنى تفوقت عليها مرة واحدة .. هههههههههههه
كانت حتموت من الغييظ منى .. وقعدت تعيط .. والله انا فاكر كمان غلطتها كانت إيه .. ههههههههههه


بلاش أقول إسمها ..

الخلاصة ..


أن القصة لا يشترط أن تعكس كامل الشخصية ..
لكنها تحتوى على أفكار الكاتب
وأحيانا مواقف من حياته


وشكرا لكى
 

Magic-M

الوسـام الماسـي
#58
رد: آلة الزمن .. صنع في مصر .. ( قصة قصيرة )


... وعذراََ على التأخير اظروف خاصة

كنا قد توقفنا عند الحديث الذى دار بين الغريب ( رامون ) وبين عبقرينو والمنسي ..
وقد لوحظ أن هذا الشخص لم يكن مصرياً .. بل كان من كوكب يريد السيطرة على الأرض
ولكنه فشل.. ووقع تحت السيطرة المصرية

و الآن تـُُرى إلى ماذا سوف ينتهي الحديث بينهم !!
وهل سوف يبقي الثلاثة بهذا الزمن أم سوف يغادروا ..
و ما الأحوال الإقتصادية و الأجتماعية للدولة ...


هذا ما سوف تقودنا إليه الأحداث ,,,

عبقرينو : يعنى المصريين هما اللى بيتحكموا فى إدارة الكوكب ده .. وكل الكواكب اللى عليها حياة ؟؟
رامون : لأ ... هما بتحكمو فى 36 كوكب بس .. والصين بتتحكم فى الـ 18 كوكب الباقيين ..
وبتحاول تعمل مستعمرات على كواكب تحت السيطرة المصرية
ولكنها بتفشل ...



حمادة : على كدة بقى الآلين دول كانوا جايين ياخدونا على فين ؟؟
رامون : على الكوكب الصينى ويركبوا ليكم شريحة ذكية وتبقوا تحت سيطرتهم ..
عبقرينو : طيب والموضوع بيتكرر كتير ؟؟
رامون : لأ .. مرة تقريباً كل أسبوع .. وبيجيلنا إنذار قبلها .. وعموماً
الموضوع مبقاش مشكلة .. لأن المضادات المصرية هتوصل فى خلال أيام ..

المنسي : طيب تمام .. المهم دلوقتى يا جماعة أنا جعان .. ممكن ناكل وللا إيه !!

حمادة : ههههههههه .. ده وقته ..
المنسي : آه وقته .. جعان ..
عبقرينو : خلاص خلاص أنا قايم أعملكم 4 كشري ع السريع
رامون : كشري !! أول مرة أسمع الأسم ده .. ممكن أجرب ؟؟
المنسي : طبعا ياعم .. أومال الطبق الرابع لمين يعنى ؟؟
رامون : الله يخليكم .. متشكر جداً .. دانا كنت هموت من الجوع ..
المنسي : ليه ياعم .. انتا ما فطرتش وللا إيه .. هههه



( يبدأ الأربعة فى تناول أطباقهم .. ويتلذذ رامون بالمذاق )



وبعد قليل .. رامون يسأل .. معاكم تانى ؟؟
عبقرينو : الخير كتير .. عايز تانى ...
رامون : لا شكرا ..

يبتعد عنهم رامون قليلا .. ثم يحضر لهم 3 أكواب عصير

المنسي : وتاعب نفسك ليه .. ما أحنا معانا
رامون : معلش .. أشرب العصير ده هيعجبك

( يبدأ الثلاثة فى الشرب .. ولكن عبقرينو يرفض ويصر على أن يشرب خروب من الموجود معهم بآلة الزمن )



بعد دقائق يجد عبقرينو أن المنسي وحمادة بدأوا يتثائبون ودخلا ألى الألة ونامو )

عبقرينو : مش عارف العيال دى مالها .. فجأة كدة كبس عليهم النوم ..
رامون : يمكن كانوا سهرانين وللا حاجة ..

( بعد ثوانى تدخل فتاة فى غاية الجمال وترتدى ثيابا جامدة آخر حاجة )

رامون : أعرفك ببنتى " هايدى " 23 سنة .. وخبيرة بيلوجية
عبقرينو : أهلا وسهلا .. فرصة سعيدة .. وعلى فكرة أنا مهندس برضو وخبير ..
هايدى : أهلا بيك ..
رامون : هسيبكم شوية .. ورايا مشوار مهم ..
عبقرينو : مشوار إيه أستنى ...
رامون : راجع تانى ... ( ويخرج خارج آلة الزمن تاركاً الموزّة مع عبقرينو )

هايدى ( وهى تقترب منه وتتنهد)
: أنا سعيدة أنى أتعرفت بيك ..
عبقرينو ( محاولاً الإبتعاد ) : نعم !! ... أه ... و أنا كمان ..
هايدى : إيه مالك عرقت ليه كدة .. ده الجو بارد
عبقرينو : لا عرقت إيه ... منا عادى أهو .. عـ عـاد ددى مفيش حاجة ..
هايدى ( تقترب منه جدا ): طيب مش هتعزمنى على حاجة ؟؟
عبقرينو : هه !! .. أه طبعاً .. أجيبلك خروب ..
هايدى ( تبتسم ) : أوكى .. بس تشرب معايا ..
( يحضر لها عبقرينو كوبان وحين يستدير تضع بكوبه منوما )

( بعد ثوانى يشرب عبقرينو كوبه ثم ينام كما نام صديقيه حمادة والمنسي )



وبعد مدة ( غير معلومة حتى الأن ) يستيقظ الثلاثة ,,,,


عبقرينو : الصداع هيفرتك دماغى ...
حمادة : خد الأسبرين من على التلاجة و هترتاح
عبقرينو : ايه اللى حصل .. انتوا صحيتوا
المنسي : أيوة يا سيدى صحينا وياريتنا ما صحينا
عبقرينو : ليه خير ..
حمادة : مش خير .. الزفت اللى أسمه رامون الله لا يسامحه .. شوف سايبلك الورقة دى وفيها إيه ..



نص الورقة
" سعدت جداً بلقائكم ... وسعدت أكثر بوجبات الطعام الموجودة معكم .. وقد أخذتها كلها آسفاً ..
عفوا .. الطعام قليل جدا على الكوكب و أسعاره عالية جداً جدا ... لا أستطيع أن أكفى بيتى
و بناتى الـ 14 و التى لم تتزوج أيا منهم بسبب عدم توافر زوج يستطيع أن يطعمهم ..
لذا أخذت كل ما لديكم من طعام ...

شكراً لكم ..

رامون "




عبقرينو : إيه !! ... إبن الحرامية .. إلهى يجيلو إسهال هوة وبناتة الـ 14 ..
حمادة : طب إحنا شربنا العصير الزفت اللى جابهولنا ونمنا .. طب أنتا نمت إزاى الـ 10 ساعات دول ..
المنسي : أه صح .. أنتا خدت المنوم إزاى ؟؟

عبقرينو ( يحدث نفسه ): أكيد الموزّة هيا اللى حطتهولى فى الخروب

المنسي : أكيد إيه !! .. موزّة !!.. موزّة إيه ياض إنطق ..
عبقرينو : لا مفيش حاجة .. أنا ماقولتش موزّة
حمادة : لا قولت ... و أنا كمان سمعت .. يبقي أنتا السبب

عبقرينو : و أنا مالى .. مانتو كمان نمتوا .. هوة كل حاجة أبقي أنا السبب .. وبعدين أنا هعرف منين أنه جابلى بنته عشان ينيمنا ويسرقنا ..

المنسي : خلاص يا عم .. اللى راح راح و الموزّة و أبوها قلبّونا وما سابولناش
ولا فتفوتة .. ولا فتفوتة ...

حمادة : بس شوفت أبوها بيقولك الـ 14 بنت متجوزوش .. طب و أحنا مالنا
بالعنوسة اللى عندهم دى كمان ..

المنسي : طب مانروح نشوفهم .. يمكن يعجبونا زى الموزة دى ..
وبعدين الكلام شكله على أكل وبس .. ودى سهلة .. ناخدهم ونرجع بيهم
لسنة 2010 و نتجوزهم وخلاص

عبقرينو : هيا فكرة حلوة .. بس أنا رافضها .. ماينفعش .. دى آلتى و إحنا جايين نتفرج ونتفسح وبس ..
ومش هناخد حاجة معانا أصلا ... علشان مانعملش أى مشاكل زمنية .. وده كان أتفاقنا ..

المنسي : خلاص يا عم .. ياللا بينا نمشي من هنا

عبقرينو : لا تعالو نتمشي شوية بما أن الدنيا بقت ليل .. نشوف الدنيا عاملة أزاى

المنسي : أه وبالمرة نتفرج ع الموزز اللى هنا
عبقرينو : و انتا جاى هنا تاخد ذنوب وللا إيه ...
المنسي : وانتا مالك ... خليك فى حالك
عبقرينو : انتا حر .. " أستغفر الله العظيم "



( يتوجه الثلاثة إلى خارج السفينة .. وتفاجئوا حيث أصبح لون الإضاءة محمراً
ويسمعون أصوات غريبة وصراخ )


عبقرينو : سامعين صوت الصراخ ده
المنسي : أيوة أنا سامع كمان ...
حمادة : أنا سامع زى صوت أجنحة أو حاجة بترفرف .. أو ممكن شجر ...
بس فين أنا مش شايف

عبقرينو : طيب ياللا نمشي أحسن ... أنا بدأت أقلق
المنسي : ههههههه .. جبان .. أستنى شوية .. همّا هياكلونا ..

عبقرينو : ممكن .. أومال إيه صوت الصراخ ده .. ماتلاقى حد بيتاكل ...

المنسي : ياعم تلاقيها سينما مجسمة وللا حاجة ..
أهو بص .. فى خفاش ضخم أهو جاى علينا .. وطبعا مفيش خفافيش ولا حاجة ..
ده تلاقيه كدة وكدة ..

عبقرينو : يالا نستخبى ..

المنسي : نستخبى إيه يا عم
حمادة : منسي .. أنتا متعور وممكن يكون الخفاش شم ريحة دمك وجايلك ..
ياللا واسمع الكلام ..

المنسي : لأ .. وهثبتلكم أنه مش حقيقى و أنه أكيد عرض سنمائى أو حاجة زى كدة ..



( بعد ثوانى يبتعد عبقرينو و حمادة متجهين للسفينة بينما المنسي يرفض ..
فإذ بالخفاش يختطف المنسي ويحلق به عالياً )


المنسي : إلحقونىىىىىىىىىىىى
عبقرينو الى حمادة : شوف الزفت ماسمعش الكلام .. وكان بيقولك نعاكس ونتفرج ع الموزز ..
أهو خد جزاءه .. خليه يفرح بقى ويتلذذ ..
حمادة : مش وقته دلوقتى لازم نساعده ...

عبقرينو : أمرى لله .. لولا بس أنى بحبه .. كنت سيبته يتاكل ..

يركب عبقرينو وحمادة آلة الزمن ثم يتجها بها فى الطريق الذى سلكه الخفاش

ويخرج حمادة من النافذة ومعه بندقية رش .. ( كانوا قد أخذوها للصيد و التسلية ) ..


بدأ حمادة يسدد الضربات واحدة تلو الأخرى إلى أن أصاب الخفاش بعينه ..
وعندها أسقط المنسي على أرض الغابة التى وجدوا نفسهم بداخلها أثناء مطاردة الخفاش


المنسي : أه يا دراعى .. مخالبه شرِّحت لى دراعى ..
عبقرينو : أحسن .. لأنك ماسمعتش كلامنا ..

حمادة : خلاص ياللا بينا من هنا .. الحيوانات حوالينا من كل حتة



( ينطلقا جميعا مبتعدين عن الغابة .. ولكن المفاجئة .. توقف أمامهم كائن ضخم له شكل غريب ...

حمادة : نعمل إيه ..
عبقرينو يتجه بآلة الزمن للخلف مسرعاً ويعود من حيث أتى
لكن الكائن العملاق يقترب منهم أكثر و أكثر ..


عبقرينو يصيح : helper هيلبر .. هيلبر
Helper فى خدمتك ..
عبقرينو : إلحقنى أهرب من الكائن ده إزاى أو أعمل إيه
Helper : تكلفة الخدمة 750 تاينون .. سوف أتصل بالعملاء المحترفون
يأتون إلى هنا ويأخذوكم بالطائرة فى خلال 8 ثوان ٍ على الأكثر ..

المنسي : يا نهار أسود .. 750 عفريت يركبوك ... هنجيبهملك منين !!

عبقرينو : مفيش غير حل واحد ...

حمادة و المنسي : إييييييييه ؟!!



فى الجزء الرابع هقولكم عليه ..
:wink:

.
.​
 
التعديل الأخير:

moseba

الوسـام الماسـي
#59
رد: آلة الزمن .. صنع في مصر .. ( قصة قصيرة )

تسلم وعقبال الجزء الرابع
 

hamada_x

عضو مميز
#60
رد: آلة الزمن .. صنع في مصر .. ( قصة قصيرة )

ألف شكر ياباشا مستنين الجزء الرابع
 
الحالة
موضوع مغلق

أعلى