الحالة
موضوع مغلق

Magic-M

الوسـام الماسـي
التسجيل
19/1/09
المشاركات
3,396
الإعجابات
776
الإقامة
EGYPT
#1



مدخل للقصة ..

تدور أحداث القصة حول ثلاث أصدقاء .. على و حمادة والمنسي ..
على ( عبقرينو ) هو محور الأحداث حيث قام بصناعة آلة للتنقل عبر الزمن ..
تدور أحداث القصة بشكل كوميدي و أحيانا غامض و أحيانا مرعب ..
تبدأ الاحداث فى الوقت الحاضر
ثم ينتقل بالآلة عبر الزمن .. إلى المستقبل أو إلى الماضي ..

شخصيات القصة

على ... عبقرينو
حمادة ... الفيلسوف
المنسي .. واحد صاحبهم

في إحدى المناطق بمدينة الإسكندرية .. كان يسكن العبقري على .. وهو كان طالب نابغة .. ذكى ..
تخرج من كلية الهندسة بعد سبع سنوات .. ولم يحصل سوى على تقدير مقبول ..
لكنه كان يري أن الكلية ما كانت إلا طريق للمعرفة وفتح الأفق فقط .. فهو كان يريد المعلومات

وليس حفظ المعلومات ونص القوانين وغيرها من الأشياء التي لا تودي ولا تجيب ..

المهم .. كان على يخطط منذ أن كان بالعام الثاني في كلية الهندسة .. تصميم آلة زمن !!
كان يجمع الكتب من المكتبات ويبحث عن الأفكار عبر الانترنت وخاصة منتدى داماس .. !!

بدأ العمل بها ولم يتعاون معه فيها أي شخص سوي Magic-M .. حيث كان يقدم له الأفكار من وقت لآخر ..
وكلما احتاج إلى مساعدة وجده عونا له .. ولكن أصحابه حمادة والمنسي كانوا من وقت لآخر يمرون عليه ..
ويتشاورون حول الفكرة نفسها .. كلاهما لم يكن يفكر في أن صاحبهم عبقرينوا قد ينجح في مشروعه وفكرته ..
ولكنهم حاولوا ألا يحبطوه .. يكفى الظروف المحيطة به ..



بعد مرور عدة سنوات من بداية عمله في الآلة .. أخبر أصدقاءه عندما تخرج من الكلية
بأنه أوشك على الانتهاء من صنع الآلة .. التي ظل يعمل فيها أياما وأيام ..

وقد حان الوقت .. فقد نجح في تصميم الآلة .. واخبرهم بأنه سوف يجربها بعد كام ساعة كدة
حتى ينتهى من الإعدادات النهائية .. وأخبرهم بأن يأتوه في اليوم التالي في نفس الموعد تماما

.. فوافقا على ذلك ..


بمجرد خروجهما من الباب .. دخل عبقرينو إلى الآلة وقام بتشغيلها على الفور ... وقام بضبط الوقت

بحيث تنقله الآلة بعد يوما واحدا من الآن .. وبالفعل

انتقل يوما كاملا .. وخرج من الآلة .. وانتظر أن يدق الباب .. ولكن الجرس لم يرن ... استغرب عبقرينو على ما حدث ...
نظر إلى النتيجة ( التقويم ) وجد الورقة مكتوب عليها تاريخ نفس اليوم !!

بدأ الإحباط يتسلل إلى قلبه .. ولكن بعد قليل دق جرس الباب ..



افتح يا على .. يا على .. .. قام على وفتح الباب .. وجد صديقيه على الباب .. سألهم ..رجعتوا تانى ليه !!
.. قالوا له .. مش أنتا اللي قلتلنا تعالوا بكرة ..


عبقرينو : آه صحيح .. هوة فات يوم !!
المنسي .. باين عليك في غيبوبة وللا إيه
حمادة : احتمال يكون أتجنن ... هههههههه .. وبعدين أنتا ماشيلتش ورقة النتيجة ليه !!
عبقرينو : آه صحيح ..

( بدأت أعراض الذهول والفرحة تظهر على وجهه .. وابتسامة مجنونة !! )


ويقول بصوت عالي .. أنا نجحت .. نجحت .. المكنة اشتغلت .. اشتغلــــــــــــــــــــــــــــت ...


حمادة والمنسي لم يفهموا شيئا ..



إيه يابنى أنتا جربتها .. قال لهم أيوة جربتها .. جربتهااااااااااا واشتغلت

المنسي .. يا جامد يا جامد .. وروحت فين بقي !!
عبقرينوا .. جيت هنا ..
حمادة : جيت هنا ؟؟ .. يعنى إيه جيت هنا .. أنتا بتستهبل !!

عبقرينوا : لا والله .. إنا شغلتها بعد ما خرجتوا من شوية
وظبطها على يوم واحد .. ومجاش في بالى موضوع ورقة النتيجة .. فكنت فاكر المكنة مش شغالة ..


الحمد لله .. قلبي كان هيقف .. الحمد لله



حمادة : المهم يا جماعة بقي .. دلوقتي لازم نجربها بقي ..
المنسي : لا استنوا .. في حاجة لازم نعملها ضروري ..
عبقرينو : إيه دي ؟؟
المنسي : لازم نخليها ضد المية .. افرض وقعنا بيها في قاع بحر وللا حاجة وكمان لازم تكون مصفحة ..
عشان لو لقينا نفسنا في وسط حرب وللا حاجة نعرف نستخبي فيها !!

عبقرينو .. ودي حاجة تفوتني يا بني .. المكنة فعلا ضد المية ..
وإمبارح .. قصدي أول أمبارح بقى .. هههههههه .. عديت على الأسطى توتّى الميكانيكي .. وقلت له يركب فيها الغطا الصلب ده ..
وكمان جيبت زجاج مقاوم للرصاص للجزء الخارجي من عند الأسطى زين .. وأبو راشد جه ركبه ..
وجربناها تمام مش بتسرب ولا حاجة .. وكله تمام



آه كنت هنسي أقولكم .. أنا عملتها بتشحن بالحرارة أو بالنزين .. أو اى طاقة كهربية ..
وكمان الشحن يشغلها 4 أيام متواصلين ..
وركبت فيها مكان للـ MP3 بتاعك يا منسي .. وسماعات
المنسي : أهو كدة بيييييييييس يا ماو .. ده انا هنعنشكم

حمادة : ياااااااااه .. دى آلة زمن خمس نجوم يا علوة ...
المنسي : ده أحنا هندلع آخر دلع .. وهنشوف أيام زى الفل ..
عبقرينو : ولسة يا شباب .. انا كمان ركبتلها محرك بحري صغير كدة على أدها
علشان لو حظنا وحش ونزلنا في المية وللا حاجة نبقي نخرج بيها .. وكمان بص كدة من هنا ..
ده العجل .. وجبت إطارات هامر .. عشان مايبقاش في أي مشكلة تقابلنا ..

المنسي : مش بقولك جامد .. والله يا على أنتا طلعت واد عبقري آخر حاجة



حمادة : طب إيه مش هنركب وللا إيه .. !!

عبقرينو : استنوا لسة ماخلصتش ... أنا كمان عملت فيها مكان لثلاث اشخاص غيري ..

المنسي : ومين الرابع بتاعنا بقي ... مني !!
عبقرينو : ايوة طبعا .. هعدى عليها النهاردة وأفرحها ..
حمادة : أصل أمها هتسيبك تاخدها .. دى يابنى ممكن تديلك بالشبشب .. وان كنت ناسي أفكرك ..
عبقرينوا : لا ياعم ماتفكرنيش .. انا لسة مانسيتش أصلاً

ياللا بينا نروح نفطر الطبق المعتبر من عند أبو شريف ..



( وبالفعل خرجا معا .. وذهبا إلى ابوشريف .. وطبق الكشري المعتبر
و أثناء تناولهم الطعام .. دار حوار بينهم على ما سوف يفعلونه بهذه الآلة .. )



المنسي : ياترى يا علوة أول ما نجرب الآلة هتروح الماضي وللا المستقبل ..
عبقرينو : ماضي إيه يابنى .. لا نرجع نلاقي الدنيا ابيض واسود وللا حاجة هههههههههه
حمادة : ابيض واسود ... هههههههه .. لا يا علوة .. بس مش هنلاقي لانشون ولا بيتزا ..
المنسي : إيه ده .. هو مكانش فيه لانشون !!
حمادة : طبعا يابنى !! أنتا عايش من امتى ههههههههههههه
عبقرينو : طب و الأندومى يا جماعة ؟؟
المنسي : اندومى إيه يا علوة .. دانا اللى قايلك عليه .. هوة أنتا تعرفه ولا أكلته قبل كدة ..
عبقرينو : لا .. بس كان نفسي اشوفه ..
المنسي : خلاص يا عم هبقى اجيبلك شوية .. المهم بقي
لازم نعمل مكان للأكل معانا عشان لو جوعنا وللا حاجة ..
عبقرينوا : ماشي يا شباب .. بس الآلة مافيهاش مكان ..
حمادة : خلاص يبقي تسيبك من "مني" ( شهرتها فتكات )
وفى المكان اللى عملتوا الرابع نحط فيه الأكل ..

عبقرينو: لأ .. كلوا الا منى .. انا ممكن اسيب واحد منكم واخدها
حمادة : إيه ! .. ولا على .. أنتا ناسي اللى ابوها عملوا فيك يوم التلات اللى فات ..
ده ايدو لسة معلمة على افاك .. وخالها اول أمبارح هزقك ..
عبقرينو : مش مهم .. وايه يعنى
المنسي : إيه يعنى !! أما أنتا واد معندكش دم ولا كرامة

طيب فاكر لما ابوها مارضيش يخليك تآكل عند أبو شريف الشهر اللي فات ..
لما كنت واقف بتآكل واخد من أيدك الطبق وقعد مكانك .. وهبره كله

عبقرينو : آه صحيح ..
حماد ة : وفاكر لما أمها قالتلك يا فاشل يوم ما أتخرجت !!
المنسي : آه شوفت .. ده أنا لو مكانك يا علوة .. ده أنا مكنتش أبص في وشها ولا في وش ابوها ده ..
عبقرينو : آه صحيح ..
حمادة : أنتا هتفضل تقولنا آه صحيح آه صحيح ... لازم تاخد موقف
لازم تبقي راجل وتوريلهم العين الحمرا ..
عبقرينو : آه صحيح ..
المنسي : بص يا علوة أنتا أحسن حاجة تروح تحدفهم بالطوب وتضرب البت فتكات دى
وأبوها وخالها .. وأمها كمان اللى قالتلك يا فاشل
عبقرينو : آه صحيح ... أنا ولا عايز البت دى ولا عايز أشوفها
ده ابوها دى حتى راجل تييييييييييت .. وانا مش عايز اعرفهم بعد كدة ..
و أمها دى .. أنا تقولى يا فاشل ... ده أنا هوريهم ..

المنسي : اهو كدة الرجولة وللا بلاش ...
عبقرينو: بس أما أشوف أبوها ده .. دانا هديلوا باللي فرجلي ..
أنا ياخد منى طبق الكشري .. ماشي .. أمّا أشوفه ..



( يمر أبوها أمامهم ... )



عبقرينو يخلع حذاءه ويرميه بعيد ..

المنسي : بتعمل إيه ...
عبقرينو : يا خسارة .. مش لابس حاجة في رجلي عشان أديلوا بيها !!

حمادة يهمس في أذن المنسي : الجبن سيد الأخلاق .. هههههههه

بعد ذلك انتهيا تماما كل منهم من طبق الكشري .. وقاما بشراء كمية من الفول بالخلطة ... وكام علبة كشري ..
ثم مروا على عم سعيد واشتروا فلافل .. وراحوا جابوا جبنه قريش من عند أبو لبنى ..
وشوية لوازم كده معاهم للأكل ..

ورجعوا البيت عند عبقرينو .. وقاموا بوضع الطعام بثلاجة صغيرة داخل الآلة ..
بعد أن أقنعوا عبقرينو بألا تأتى معهم فتكات ..

دخل الثلاثة إلى الآلة .. و حتى الآن لم يحددوا وجهتهم ..



عبقرينو : اربطوا يا شباب الأحزمة ..
المنسي : استنى .. أنتا عملتلنا فيها ميكروويف !!
عبقرينو : ايوة طبعا .. وكمان في هنا سخان شاي عشان لو حبينا نسلق بيض وللا نعمل شاي .. ما تقلقش كل حاجة متظبطة ..



حمادة : على .. أنا في حاجة كدة في دماغى كدة عايز أعرفها قبل ما نسير على بركة الله
عبقرينو : قول ..
حمادة : مش ممكن واحنا راكبين الآلة دى .. يأتى شخص ما ويطرق الباب .. ويلاقينا موجودين داخل الآلة ..
والزمن طبعا بالنسبة لنا سريع .. وبالنسبة له عادى .. فيفتكرها بايظة وللا حاجة ويكسرها علشان يخرجنا !!
المنسي : أيوة صح .. وممكن لما الزمن يمر البيت يسقط عليها ونموت !!

عبقرينو : لا يا شباب .. الآلة مش بتسرع الزمن .. الآلة بتنتقل داخل الزمن ..
لأن الزمن عبارة عن مسارات متقاربة من بعضها ..
والآلة تنتقل من زمن لآخر .. ولا تظل في مكانها .. لذلك لن يحدث أيا من هذا ..

حمادة : الحمد لله .. ربنا يطمنك .. سمّى وابدأ ..
عبقرينو : سوف نذهب إلى المستقبل يا شباب ..
المنسي : سير على بركة الله ..

الألة : 10 – 9 – 8 – 7 – 6 – 5 – 4 - - - -

حمادة : في إيه .. العداد وقف ليه !!
عبقرينو : مش عارف .. استنوا نشوف ..

( يقف عبقرينو أمام العداد ويضغط على زر الإقلاع ...
وعلى الرغم من ذلك لم تعمل .. فيتأكد من التوصيلات .. يجدها كلها سليمة .. )


المنسي : خير ؟؟ في إيه !!
عبقرينو : اصبر بقي ... منا لسه مجربها

عبقرينو يخلع حذاءه ويضرب الآلة من الأسفل بجوار العداد
فيبدأ العداد في استكمال العد 3 – 2 – 1 وتعمل الآلة

وبعد 10 ثواني تتوقف ..



عبقرينو : وصلنا يا شباب .. مرحبا بكم في المستقبل ..

( يذهبون الثلاثة الى باب آلة الزمن ويقومون بفتح الباب .. فإذا هم يرون شيئا غير متوقع !!
وينظرون فى ذهول .. ودهشة لما يروه )




المنسي : إيه ده !!
عبقرينو : مش عارف !!
حمادة : طب هنعمل إيه ؟؟



أنتظرو قريبا الجزء الثانى ..

أتمنى أن يكون الجزء الأول نال رضاكم ..
 

PrinceOfPersia

PrinceOfPersia

عضوية الشرف
التسجيل
18/12/06
المشاركات
3,275
الإعجابات
1,291
الإقامة
الكويت
الجنس
Male
#2
استنى..
أقرأ تاني وأرجع لك
 

Magic-M

الوسـام الماسـي
التسجيل
19/1/09
المشاركات
3,396
الإعجابات
776
الإقامة
EGYPT
#3
ماشي .. إقرأ على مهلك

ويارب تعجبك .. منتظر نقد أو أى حاجة حلوة

.
 
PrinceOfPersia

PrinceOfPersia

عضوية الشرف
التسجيل
18/12/06
المشاركات
3,275
الإعجابات
1,291
الإقامة
الكويت
الجنس
Male
#4
الكُشري عامل عمايل

مستني الجزء التاني
 

Magic-M

الوسـام الماسـي
التسجيل
19/1/09
المشاركات
3,396
الإعجابات
776
الإقامة
EGYPT
#5
ولسة الفول كمان ... ههههههههههه

واخد بالك ..
العيال أصحابه دول طلعوا اندال أوى .. مش عايزينه ياخد حبيبته معاه ... ههههه
 
PrinceOfPersia

PrinceOfPersia

عضوية الشرف
التسجيل
18/12/06
المشاركات
3,275
الإعجابات
1,291
الإقامة
الكويت
الجنس
Male
#6
انت عارف ان البنت لو دخلت بين شباب ممكن تعمل ايه
ههههههههههههههه

شوف الجزء التاني تخلي يسعد صباحك في القصة وكمان أم أنس
بس لو فيه أكل زيادة حط اسمي معاهم
 

moseba

الوسـام الماسـي
التسجيل
16/9/08
المشاركات
5,149
الإعجابات
1,036
الإقامة
DamasGate
الجنس
Male
#7
الكشرى ملعلع معاهم
وكمان الأندومى هو أهم حاجة يا معلم
ههههههههههههههههه
 

Magic-M

الوسـام الماسـي
التسجيل
19/1/09
المشاركات
3,396
الإعجابات
776
الإقامة
EGYPT
#8
لا يا معلم .. مازال لم يأكل الأندومي .. ههههههههه

المهم يا جماعة .. أنا عايز رأيكم .. القصة شغالة وأكملها

وللا إيه النظام !!
 
PrinceOfPersia

PrinceOfPersia

عضوية الشرف
التسجيل
18/12/06
المشاركات
3,275
الإعجابات
1,291
الإقامة
الكويت
الجنس
Male
#9
كمل
ورانا حاجة؟
 

المطبعجى

الوسـام الماسـي
التسجيل
1/1/09
المشاركات
6,238
الإعجابات
2,369
الإقامة
مصر
#10
أكمل يا ماجيكو
القصة أعجبتني كثيراً وجذبتني
والأسلوب سلس وغير ممل
ومتشوق للبقية

خالص تحياتي
 

Mo7amed Abdo

عضوية الشرف
التسجيل
9/12/09
المشاركات
2,504
الإعجابات
880
الإقامة
Egypt
الجنس
Male
#12
please complete
 
meto_meto

meto_meto

الوسـام الذهبي
التسجيل
12/4/10
المشاركات
1,783
الإعجابات
278
الإقامة
Mansora
الجنس
Male
#13
فينك يا ماجيكو وفين الجزء التاني
أنت دخلته الآله ولا ايه
بإنتظار الجزء الثاني
 

Magic-M

الوسـام الماسـي
التسجيل
19/1/09
المشاركات
3,396
الإعجابات
776
الإقامة
EGYPT
#14

آسف يا جماعة على التأخير ..
آخر يوم فى امتحاناتى هو الخميس المقبل

24 - 6 - 2010

وإن شاء الله هكملها

وسوف نذهب إلى عدة ازمنة .. ماضي .. ومسقبل

انتظرونى قريباً
 

morn in sky

عضو ماسـي
التسجيل
9/8/08
المشاركات
1,371
الإعجابات
241
#15
قصة جامدة جداااااا تشويق اثارة اكشن رعب كله في داماس موجود

في انتظار الجزء الثاني
 

MR ROPY

الوسـام الذهبي
التسجيل
1/6/10
المشاركات
2,129
الإعجابات
714
العمر
42
الإقامة
مصر
#16
قصة جميلة جدا عايزين ( كمالة ) قصدى الجزء الثانى
 

El-Safwa

عضو ماسـي
التسجيل
1/9/08
المشاركات
1,424
الإعجابات
95
الإقامة
FntzI.world
#17
هههههههههههههههههههههههههههههه
شوقتني والله
امانه عليك تكملها
و بعد اذنك انا حنقلها علي الفيس بوك عندي
و حذكر المصدر
 

El-Safwa

عضو ماسـي
التسجيل
1/9/08
المشاركات
1,424
الإعجابات
95
الإقامة
FntzI.world
#18
للرفع
مستنيين الجزئ التاني
 

Ziko-Alg

عضو فعال
التسجيل
23/6/10
المشاركات
130
الإعجابات
20
الإقامة
overseas
#19
طيب شوقتنا و علقتنا
فينالجزء التاني يامجيك
منتظرينك بقى متعوقش
احنا هنا على الكوبر بجنب بيت عبقرينوا
مشكور اخي على الطرح الرائع مع الأسلوب المشوق
جزء تاني ياعم
 

max@max

الوسـام الذهبي
التسجيل
7/5/08
المشاركات
2,002
الإعجابات
591
#20
والله يا ماجيك انا عارف قصصك جميلة ومشوقة لدرجة قوية جدا
وفين يا عم الجزء الثانى الناس متشوقة لية
على فكره انا حبيت ارمى السام امشى لانى مشغول شوية
تقبل مرورى
 
الحالة
موضوع مغلق

أعلى