الحالة
موضوع مغلق

hatemhossam

عضو جديد
#1
من رباعيات صلاح جاهين و بيرم التونسى

جاهين :

جالك اوان وعرفت مشي الجنايــــــــز

كيف شفتها يا عبد رب اللذايــــــــــــذ

قال : شفت شيل بالحيل فقير أو اميـــر

كما شالوا في الخمامير فواضي القزايز

عجبي !!



أنا كنت شئ و صبحت شئ ثم شــئ

شوف ربنا .. قادرعلي كل شـــــــئ

هز الشجر شواشيه ووشوشني قال :

لابد ما يموت شئ عشان يحيا شئ

عجبي !!



يا مشرط الجراح أمانة علـــــــــــيك

و انت ف حشايا تبص من حواليــك

فيه نقطة سوده في قلبي بدأت تبان

شيلها كمان .. و الفضل يرجع إليك

عجبي !!!



كيف شفت قلبي و النبي يا طبيــــــــــــب

همد و مات و الا سامع له دبيـــــــــــــب

قاللي لقيته مختنق بالدمـــــــــــــــــــــوع

و ما لوش دوا غير لمسه من إيد حبيب

عجبي !!!!



تسلم يا غصن الخوخ يا عود الحطـــــــــب

بييجي الربيع .. تطلـــــــــــع زهورك عجب

و انا ليه بيمضـــــــــــي ربيع وييجي ربيع

و لسه برضك قلــــــــــــــــــبي حتة خشب

عجبي !!!




قلبي عليل يا ناس و في الكاس دواه

مديت له إيدي شربت م اللي حــــواه

جنبي الشمال خف .. اليمين اتــــوجع

و إيه يداوي الكبد م اللي كـــــــــــواه

عجبي!!



..
دي مزكرات و كتبتها من ســـــــــنين

في نوتة زرقا لون بحور الحنيــــــــــــن

عترت فيها .. رميتها في المهمـــــــلات

وقلت صحيح أما صحيح كلام مخبولين

عجبي !!


* * * * رباعيات بيرم :

الجماهير

م المستحيل إنت تخدع أي طفل صغير

و تلف عقله و تعطيه القليل بكتير

لكن بأهون طريقه تخدع الجماهير

لو كنت أغبى غبي تجري وراك و تسير

* * *

خليل يصقَّف, يصقف شعب ويا خليل

من غير ما يسأل عن الأسباب والتفاصيل

* * *

و حمار يغني, وجايب من يقول له: آه

حالاً تقول الخلايق كلها ويّاه

* * *

الحق يخفى وفي وسط الزحام ينداس

وناس في فهم الحقيقه, تتكل على ناس

ويساعدك الحظ ياللي تحسن التجعير


<?xml:namespace prefix = o ns = "urn:schemas-microsoft-com:eek:ffice:eek:ffice" /><o:p> </o:p>​


خطاب إلى الموميه

في مصر كنت الملك لك جيش ولك حاميه

ودوله غير دولتك ما تعمل الموميه

و امه غير امتك ما تزرع الباميه

ولما خشوا عليك المقبره يلاقوك

نايم مفتح .. ولكن في بلد عـميه


 

طلعت الحداد

عضو مشارك
#2
إختيار رائع يا حاتم
طبعا هؤلاء هم فرسان الشعر
شكرا جزيلا لك0
 

romih

عضو مشارك
#3
شكرا جزيلا لك
 
الحالة
موضوع مغلق

أعلى