الحالة
موضوع مغلق

lalyleee

عضو مشارك
إنضم
9 فبراير 2010
المشاركات
32
الإعجابات
0
#1

انا من محافظة الاسماعيليه وزوجى من القاهره ونعيش حاليا فى الولايات المتحده,قررنا انا وزوجى شراء شقه بمدينتى( الاسماعيلية) تابعة لمشروع ايجيكو ولكن الشراء سوف يتم عن طريق اثنين شركاء بنسبة 50% لكل شريك ,فهل هناك نص فى القانون المصرى يسمح بشراء شقه يتملكها اثنين(انا وزوجى)؟وماهى اجراءاته ياريت توضحلى لان للاسف زوجى مصمم انها تتكتب باسمنا احنا الاتنين وانا بصراحة مش فارقه معايا انها تكون باسمه فقط.
_مع العلم ان زوجى عمل توكيل لابى بالشراء وانا عامله توكيل لامى بالشراء نظرا لاننا نعيش خارج مصر.
-ثانيا الشقه تابعه لايجيكو ولسه هندفع اقساط السنوات القادمة غير المبلغ اللى هياخده البائع فانا عايزة اعرف ايه هيا اجراءات الشراء اللى هتحمى ملكيتنا للشقه بحيث ان البائع مايجيش بعد كده يطالبنا بيها او الشركة ماتعترفش بينا كمشتريين لان مش احنا اللى استلمناها من الشركة.
-وهل بشراؤنا للشقه باذن الله هيكون لينا حق فى ملكية الارض اللى عليها الشقه لان قريت تحذير على المنتدى من العقود اللى مافيهاش ملكية للارض وناس كتيرة بتقع فى الفخ ده,فانا اعمل ايه عشان نثبت حقنا فى ملكية جزء من الارض رغم انها تابعه لشركة ايجيكو.
-اذن ماهى الاجراءات الاساسيه لشراء هذا العقار لاثبات ملكيتنا لان حضرتك عارف هناك نصب واحتيال للاسف انتشر فى الفتره الاخيره.
اسفه والله على الاطاله وربنا يجعاه فى ميزان حسناتك​
 

التعديل الأخير:

gamal gamal

محامى ومستشار قانوني
إنضم
1 أغسطس 2004
المشاركات
12,948
الإعجابات
505
#2
عليكم السلام

الأمر ميسر ان شاء الله
بالنسبة للشركات العاملة فى مجال الاسكان
فغالبا ما يتم البيع للشقة وما يخصها من أرض
وهذا هو الشائع فى هذه الحالات فلا داعى للقلق .
أما شراؤكم من مشترى أصيل فيكفيكم أن تحصلوا
على عقد منه وتوكيل بالادارة لهذه الشقة ...
وإن استطعتم أن تستفسروا من الشئوون القانونية
لهذه الشركة بحلولكم محل المشترى بصفة رسمية
فغالب هذه الشركات توافق على ذلك بعد دفع رسوم معينة
لصالحها ....
فان لم يكن ذلك :
فعليكم الحصول على حكم بصحة توقيع البائع على العقد
الذى ستحررونه بينكم .........
والمشترى قد يكون فرد واحد أو اثنين أو أكثر وكل ذلك
جائز ولا مشكلة فيه ...............
أما كون أن يكون اسمك بالعقد من عدمه أو أن هذا الأمر
لا يفرق معكى الآن .. فعند الخلاف لا قدر الله تتغير هذه
النظرة . فالحقوق تحفظ بالأوراق لا بالوعود فقط .......

وبالتوفيق
 

lalyleee

عضو مشارك
إنضم
9 فبراير 2010
المشاركات
32
الإعجابات
0
#3
الف الف شكر لحضرتك وعلى اهتمامك وردك السريع عليا وانا هعمل بكل اللى انت قلتلى عليه وربنا يكرمك باذن الله .
 
الحالة
موضوع مغلق

أعلى